11‏/09‏/2013

excerpts from Glasgow

تأملات بدون أي رابط بينها لأول سنة لنا هنا!
=================================
النسوان العجايز بدخنن كثير!
----------------------
الشباب أبلبسوش طواقي

-----------------------
فيه كلاب كثييييييييييييييييييييييييييييييييييييييييييير!
no pun intended 
----------------------------------------
العالم بتمشي بالشارع و فجأة بتصير تبكي!

أو بتدخل دورة المياه و هاتلك عياط

(ذكورًا و إناثا!)

طربش: و انتا لويش بتتسمع و أصلًا لويش واقف عند دورات المياه.. أيوااااااااا

ولك كنت بستنى بهيام

طربش: آه صااااادق

----------------------

 اختبارا تمام + يعني 
لأني مشكلجي و غاوي تعب: بكون بحكي مع واحد و برمي كلمتيْ (تمام + يعني) أثناء المحادثة! و بخاصة مع أشخاص تلتقيهم كثيرًا و لكن العلاقة ليست بأكثر من رسمية إلا قليلًا (زي طلاب بنفس الطابق معك ولكن لا تراهم إلا حين تدلف/تخرج من مكتبك أو حين وقت الغداء بالمطبخ المشترك أو رجال الأمن أو موظفي المكتبة أو موظفي خدمة الزبائن بالبقالة ال (سوبر) التي تتردّد عليها كثيرًا.. الخ)
المعظم بطنّش (أو أصلًا ما بينتبه لأنو بعالم ثاني أثناء الحديث معك) .. القلائل الذين استوقفوني و سألوني من جنسيات شرق آسيوية (سنغافورة) و شخص من البرتغال و واحد أسكتلندي 
.. عندي نظرية غير مكتملة عن هذا الشأن (أقوم بهذا الاختبار دومًا حتى بالأردن! و لكن هذا موضوع ليوم آخر don`t hold yr breath 
(باختصار: النظرية تنبع من الشعور الذي أتاك و أنت تقرأ العبارة بالإنجليزية أعلاه! و إذا لم يأتك أي شعور فأنت إما مشغول ببقايا كعك العيد أو مشغول بتصفح ال +30 تدوينة (المكسورة) عليك على بلوغر) :)
-------------------------     

السكوتس  = صاخبين! صوتهم عالي و عندهم روح نكتة -برأيي- و ليسوا (باردين) كما قيل  لنا

----------------------------

قد ما شفت شماسي خربانة و مزتوتة بالشوارع هون! مطر + هواء شديدان بفصل الشتاء و بالتالي خراب شامل للمظلات.. لازم اسمها مطاير مش شماسي عفكرة! 
  

------------------------
كل يوم لتشوف واحد/ة بيدور على فراطة/فكة بال vending machines أو parking-ticket machines! شيء محزن.. 
معظمهم/نّ من كبار السن
و أيضًا كثير عادي أن ترى شخصًا جالسًا على الرصيف و أمامه كوب و يسأل عن (صدقة) .. لاحظت أن الناس لا ينفرون من هؤلاء بقدر ما يرمونهم بنظرات استحقار (لأن معظم هذه الفئة = أعمارهم صغيرة نسبيًا)
---------------------
البرد هون مش طبيعي! جد.. (لا تردوا على آلاء.. قال نفس اللي بالأردن ، أكثر شوي بس!) - - -  بفصل الشتاء المنصرم مفتاح باب البناية ما كان يدخل بالقفل، جد بحكي! من كثر البرد الحديد بيتقلص و بيصير صعب إدارة المفتاح بالقفل!

----------------------
الشرب حد الثمالة = على أبو ودنه! السمعة راكبيتهم تمام التمام و مش من فراغ! 
---------------------------------
كثير بيدققوا على ال .... 

و هناك رقم هاتف مجاني للاتصال في حال ضبطتَ أي شخص يترك قذارة كلبه -أكرمكم الله- و لا يزيلها
----------------------------------
التدخين داخل كافة المباني و المرافق العامة ممنوع (duh!)

*** آخر 3 (تأملات) أوردتها -أكثر شي- لأنها بالنسبة لي تشير لاختلال في موازين الأوليات البشرية بقاموسي (كلام كبييييييييييير .. برعف

اهتمام بالحيوانات و عدم التدخين (داخل) المباني و تحذيرات مستمرة من الإفراط في شرب المسكرات أو من شاكلة (no drinks served outside the bar after 10 PM)
و بنفس المدينة هناك أناس يموتون جوعًا -حرفيًا!- 
لم لا توجد جهود للإقلاع عن الموت البطيء و ليس فقط آثاره.. 
أدرك أن كلامي (مشوّه) و يفتقر للمنطق و به انتقائية! و لكن ظننت أنه يمكن لأمة و حضارة مثل هذه (يتشدقون بأنهم أم الحضارة الأوروبية.. كثيرًا!) فعل شيء أو شيئين بهذا الخصوص

***نهاية الكلام الكبير***
-------------------------
رابط لمقالة (عشتها) 3 مرات لآن .. 3 طوش : 2 منها أكاديميّتا الطابع و الشخوص و الثالثة في الشارع!

:) 


----------------------------
:أكثر 3 كلمات / تعبيرات بتواجهك
hey ya OR hi"ya =  hi 
r u happy  = r u ok 
cheers =  thanks / goodbye/c u later / 
هاي بالذات بتنفع معهم على أي إشي ! كرت فرّار (مين!؟) / جوكر يعني  
-------------------------------
 :!كلمات/عبارات أسكتلندية الطابع؛ بحسهم بيعشقوها و بيكرروها لمجرّد التكرار 
wee = small /tiny 
tomorrow after = after tomorrow 
I knooooooooow = عالطالعة و النازلة بتسمعها هاي كمان! 
----------------------------
صديقي الوحيد هنا 



طربش: إحممممم
قصدي.. الجديد! مش الوحيد

*يرحم جدي.. بعرف.. بس هو النوع الوحيد اللي ما بيرفعلي السكّر! شو أعمل طيب!*
---------------------------------
أنا بقول البلوزة هاي تلخص حياة أنس




 بس بالحقيقة هاي


 +   

هاي 



معبّرتان أكثر ... بكثيييييييييييييييييييييييييييييير
---------------------------------------------


 لسا ما أتقنّا التوازن 
بس هينا شوي شوي على الطريق :)


لساتنا بنتدرب! 


أنا الزعيم هون.. و لما نروح على المكان اللي اسمه الأردن برضو حأكون الزعيم



آخر أيام الصيفية! نرااااااااااااااااااااااكم الصيف القادم

----------------------------

الرجاء تذكر أن هذه انطباعاتي الشخصاناتية لا أكثر و لا أقل..   عبارة عن نسخة من (بدوي في باريس) لشيشاني يرزح تحت  وطأة الغربة في أوروبا لأول مرة.. ماشي؟ 
:)



خدمات الترجمة حسب الطلب بالمناسبة! :) 





هناك 16 تعليقًا:

  1. WoW
    :)
    -------------


    الشي الحلو في الموضوع أنه إولادك بشبهو الأجانب ف مارح يكونو شي مختلف عنهم أو مارح يللاقو صعوبه بالتأقلم منهم

    ردحذف
    الردود
    1. كلهم تأقلمو إلا أنا شايفلك
      :(

      حذف
  2. المفروض تعيد التواصل مع أصولك الشيشانية الأوروبية وتتحدى البرررررررررررد...

    موضوع العياط = سمعت عنه حتى في أمريكا.. أختي حكت لي نفس القصص عن العياط الفجأة في الشارع أو السب واي

    ال يعني + تمام = ما فهمت عليك بس اعتبرني فهمت

    أنوس وهيام ما شاء الله شو كبرانين

    ردحذف
    الردود
    1. تحديت و خسرت
      مراراً
      :(

      العياط موضة شكلو

      ---------
      يعني + تمام =
      I engage in a conversation with someone (in English) and I throw in those words in Arabic
      it serves multiple purposes
      1- if they r really following up what I am saying or just wishing I get the hell out of their lives!
      - a lot of (locals) think that int.al students r just dumb b/c they don`t speak English well !
      2- these two words r kinda` familiar and known about us, Arabs
      so just to see if they r interested in engaging in some multi-cultural talk
      3- أهداف أخرى :P

      حذف
  3. عامل علاقات مع الموظفين و موظفين الامن و اللي بالكافيتيريا و اللي بالسوبرماركت و بعدين بحكيلك ...انا الوحيد الغير متأقلم O.o
    محاولات استدراج العطف هاي و الغربه و برد والاضطهاد و هالقصص حافظينها خلص انكشفت واللي كان كان

    صور البلايز مش واضحه اللي فهمته " This is what trouble looks like,like Daddy"

    نيجي للمهم

    الله يسعدهم و يحميهم يا رب كبرانين ما شاء الله
    بالنسبة للطوش ال 3 اللي خضتها... لا تيأس و اعتبر نفسك اداه متنقله لنشر الدين و الاخلاق الاسلاميه الصحيحه, انوي ان اي عمل بتعمله لوجه الله و توكل على الله ...ربنا يعينك :)

    ردحذف
    الردود
    1. like daddy
      = I can`t even dream to reach his level
      this is a nasty generation, nasty I tell ya!
      :PP
      ----------
      مكشوفٌ مكشوفٌ مكشوفٌ يا ولدي
      :(
      ----------
      تعلمي طوش من حضرتي و طبقيهم بالأعراس :-D


      حذف
    2. انا مسالمه مو مشكلجيه زي بعض جماعه
      صدقو اللي قالو " من شابه اباه..." ﻭﻫﻴﻜﺎﺍﺍﺍ

      حذف
    3. انا مسالمه مو مشكلجيه زي بعض جماعه
      صدقو اللي قالو " من شابه اباه..." ﻭﻫﻴﻜﺎﺍﺍﺍ

      حذف
    4. u let yr (gang) do the dirty work for ya!
      how sneaky

      I feel sorry 4 the khalto, she was so young
      :-D

      :drama:

      حذف
  4. هيثم آبيه :) تكاد تكون هذه التدوينة تدونتي المفضلة من مدونتك الجميلة :)
    وأهم اشي الناس يلي بنفجر بكاء فجأة! ايش النكد هاد...؟! الله يعينكم
    يعني بيقولوا عنا شعب نكد بس والله ما بتوصل المواصيل نبكي والشوارع والحمامات فجأة!

    شكراً جزيلاً عالمشاركة، واضح انه هالسنة سنة ثرية وغنية بالتجارب والانطباعات، وإن شاء الله الأيام الجاي بتكون خير عليكم

    كل التوفيق! :)

    ردحذف
    الردود
    1. يسلمو يا روان
      سنة حفله أكيد كانت
      بكل مقاييس.. مبسوط انها أعجبتك :)

      حذف
  5. طبعا كتير مستمتعة و انا بقرأها للتدوينة للمرة العاشرة :))) عجبني موضوع العياط مش عارفة ليش ؟؟
    مش عارفة ليش حابة ارجع اقراها للعشرطعش مرة كمان
    و لازم تألف كتاب اسمة شيشاني في بلاد الفرنجة

    ردحذف
    الردود
    1. يمكن لأنو عنا كبت عياطي.. حتى هادا ممنوع!

      الكتب أبتطعميش خبز! مشروع فاشل :)

      مبسوط إنو حدة بيقرأ أكثر من مرة
      feels goOd
      :)

      حذف
    2. لازم ابطل تدريس انا كمان بطعميش خبز :(
      بالنسبة للكبت العياطي هادا بنمارسه احنا على حالنا كمان بس نكبر حفاظا على التقاليد الموروثة :/ و البالية
      و مساءك و مسا عائلتك سكر

      حذف
  6. انطباعات مذهله!
    برأيي انت لخصت الحياة هناك بشكل منطقي :)
    واوافقك على البرد...بعد مضي 5 سنين على عودتي للاردن لا ازال "اقشعر" عندما اتذكر برد الشتاء في فرنسا هذا و كنا في مدينه في اقصى الجنوب ومناخها تابع لحوض البحر الابيض المتوسط!!!!

    كل عام وانتوا بخير ...والله يهون عليكم يا رب ...عزائي الوحيد الك حاليا:تذكر انه لما ترجع عالزرقا حتندم يا جمييييييل أو you rascal ههههههههههههه
    CHEEEEEEERS

    ردحذف
    الردود
    1. يسلمو يا نيسان :)
      اليوم مشمسه على غير العاده بس الهوى جاد باااااااااااااااااااااااااااااااااااااااارد :((

      أكيد حى افتقد أشياء هنا ، أكيد كمان المقارنه حى تكون خاسرة بأشياء تعتبر بديهيات

      بس يمكن أنا بقدر ألخص ال-why
      : الحياه مش ممكن تكون سهلة على طول و التحدي إنو تعمل اشي ملموس شيء مهم او أنا حابب أبدأ بالزرقا التعبانه :))))

      ندم .. ندم .. عادي :P

      حذف