Hello there! and welcOme

Ghiya Rushidat - Rouhani

22 Nov 2010

nostalgia

الشتاء حلّ هنا "رسميا ً" و الدنيا بررررررد 


بهيك أوقات أنا "بخمخم" في البيت عادة و ما بطلع... ما بحب المطر و بفضل أصاحب الصوبا و أوطد علاقتي معها :) 
+ بمرض بسرعة بفصل الشتاء و بطوّل -عادة- تا أطيب.


و بهيك أوقات الواحد بيصير يفكر أكثر و هذا الشيء سيء للصحة داااااااااااااااااائما ً :( 


مشتاق للأردنّ ، لإربد و أكثر شي للزرقاء ... مدينتي التي ترعرت فيها.... مشتاق للأزقة ، للدوار الصغير الذي ياما ركنت إلى جواره، مشتاق لشارع الجامعة في إربد و للبيوت الباردة ذات الغرف الدافئة بأصحابها.


دراماااااااا :P بس جد أنا هيك حاسس :(( و كمان :(




مشتاق لطلعة البريد و التي كنت أقطعها ركضا ً مذ عمري 10 سنوات ، مشتاق للأهل و الخلان و للكلام الحميم و التطلعات الأملة و الذكريات بحلوها و مرّها...


في هكذا أوقات دااااااائما ً ما أتذكر لقطة من مسلسل "أيام شامية" حين يقرر ناجي جبر "أبو عنتر" أن يرجع ل"ديرته" و يكون مع سليم كلاس داخل الصالون و يقول له: " هاي حارتي يا ديبو، لِك حارتييييييييييييييييي" :'(


I miss all the faces and the places, so bad! 
:(
مشتااااااااااااااااااااااق 


*صوبا = دفاية / مدفأة :)
** بخمخم = بمعنى أبقى و أركن إلى :)


- - - في الإدراج السابق لم أقم بتحميل مقطع الفيديو المرافق، تم إصلاح ذلك الآن :))

21 Nov 2010

ما بعد العيد!




المفروووووووووووض بكرة دوام بس ملك السعودية أعطى قطاع التعليم تمديد 3 أيام على الإجازة... و بما إنو الخميس + الجمعة عطلة فالدوام بيكون السبت القادم... ميهاهاهاهاااااااااااااااااااا 


*تعالوا هون أحسنلكو و خصوصا ً في مجال التعليم :]]]]


المهمّ -ليش فيه أهم من الإجازة!- طلعنا مبارح و طولنا شويتين برة و لما رجعنا كان في عندنا "حفلة" بالعمارة! نااااااااااااااااس كثير و أجواء عيد و...و ... و ما لقيت محل أركن السيارة "كل شقة إلها مكان مخصص المفروض" 




  
وين أصف؟ مكاني على يسار السيارة السوداء











بالآخر ركنت مكان جاري :P "هوه مسافر"


بس جد إشي بيجلط! ما فيه إشي اسمه آداب السواقة هون.. أبدا ً








هذا الحكي مبارح،و اليوم من ال 9 صباحا ً و إحنا برة! 
طلعنا على toys R us :'(



ما تنعجقوا من الكلام الشيشاني-العربي-الإنجليزي 


* بقية الفيديو تم إلغاؤه لأن الوالد أغمي عليه من هول الفاتورة الألعابية :(((( + :) 


:))))


و بعد الشراء أصرّت هيام تجلس في عربة التسوق و "تتفحص" غنائمها 




و بعدها إجا وقت الأكل...




و توتة توتة.... خلصت الحدوتة.




- على الهامش.... أمس اقتربنا خطوة من أن نصبح أرستقراطييييييييييييييييييييييييييييييييين و من الطبقة الشفنكحية المخملية:


- طبعا ً في خصم 40% بس لا تجبيوا سيرة :P




يا معين! 


* عم بتشتي حاليا ً على فكرة! 





15 Nov 2010

رجعت الشتوييييييييييييييييييييييييييييييييييييييييييييييييييييييييييييية :hate:


و هي رجع الشتاء -على الأقل هنا
برد برد بررررررد :(


المهمّ، رحنا نتبضع لهيام :) 


أنا و هيه عم بندوّر على أواعي cool  و أم هيام بتدور على إشي يدفيها ، لوول


---- بعض الصور: 




I choz ths 1 :DD
عمو سبنج بوب 1


هيام اختارت هذه

thE strawberry girl :)





do u love shopping ? :p


14 Nov 2010

WDD World Diabetes Day

اليوم هو اليوم العالمي للسكري


مشاعر متضاربة بصراحة! 


أنا عندي خبرة +12 سنة 
:)


الله يشلفي كل مبتلى ً مسلم يااااااا رب! من أي مرض/سقم


كنت قد حضرت إحصاءات كثييييييرة و صورا ً و نصائح و لكن بصراحة قررت ألا أنشرها! 


مشاعر مختلطة كما أسلفت...


be safe







6 Nov 2010

العشر العشر

السلام عليكم جميعا ً
قد أهلت أفضل الأيام! الأيام التي قال رسولنا الحبيب فيها بأن
 
 العمل فيها أحب إلى الله تعالى من غيرها
و قد أجمع العلماء على أن فضلها يفوق أيام و ليالي رمضان ال20 الأولى
 و اختلفوا في زيادة فضلها على ال10 الأواخر منه
الشاهد أن فضلها عظيم عظيم عند الله و قد أقسم بها
و من العلماء من يوازي ثواب قيام لياليها بليلة القدر! فهلا اغتنمنا الفرص و العطايا من رحمن السماوات و الأرض
أعطانا الامتحان و أيضا ً أعطانا الإجابة
نشكره و نحمده على أن بلغنا هذه الأيام
ليال ٍ كليال القدر أو نصفها أو ربعها في الثواب ... فهل من مشمّر
و عاقل يجني حسنات عظام
جعلنا الله منهم
آمين
* سارعوا و سابقوا = ذكرت في القرآن الكريم لكل عمل فيه ثواب الآخرة
امشوا = لكل عمل في الدنيا الزائفة الزائلة
فلنعتبر يا أولي العقول و الألباب
** فلنخص بالدعاء في هذه الأيام العظيمة أختنا Euphoria  صاحبة مدونة I am my own woman و التي انتقلت والدتها إلى الرفيق الأعلى. رحمها الله.
صبّركم الله على ما ابتلاكم به و إنا لله و إنا إليه راجعون.

5 Nov 2010

حلم و اللا شو؟!!

لياة مباااارح إجاني نوم + حلم :)


يا مولاي (على طريقة الكاتب سمير عطا الله) كنت قاعد في بيتنا بالأردن و ما أشوف إلا القميئ الحثالة اللي قام بسبّ سيدتنا و أمنا عائشة قاعد قبالي و عم ياكل! 
سألته إنت شو بتعمل هون فإجا صوت أبوي من وراي بيحكيلي إنو بيشتغل في نقل الرمل و الطوب عندنا! _ O _ o


حاولت أحكيلو إنو ما بيصير و لازم نطرده فورا ً بس ما قبل الوالد! 
المهمّ بعد كم يوم -داخل الحلم- أنا صرت أراقبه و لاحظت إنو كسول و ما بيشتغل و بس بياكل بطريقة نهمة و الأكل و الرز بيعلق على/في لحيته!
فحكيت لأبوي فطرده.


أنا نطيت عليه ساعيتها و نزلت فيه ضرب و ربطته بحبل و خليت الصغار يكبسوه و يشلو أمله! 


و بعدها أخذت محفظته و طلت مبلغ يساوي مقدار ما تسبب به من تأخير و بعدها طردته!
و بعدها صحيت :)


إشي غريب، صح!


حاولت أشوف بكتاب ابن سيرين بس ما فهمت المغزى/التفسير 


بعض الأشقياء قالولي إنو هذا معناته إنك بخيل! لوول
و البعض الآخر إنو أنا ما أخذت حبة الدواء تبعة الصرع فكان ما كان :)


أحلى تفسير إنو لأنو اليوم بصادف يوم ميلاد حماتي و أنا ما بعثتلها هدية فهيك صار معي :)))


*نطيت = قفزت
** يكبسوه = يضربوه 
*** يشلو أمله = بمعني يبهذلوه 

4 Nov 2010

Early birds get the .... daddy




اليوم الخميس، عطلة! يعني ما فيها إشي الواحد يناملو ساعة زيادة أو ساعتين... صح؟   غلط!
هيام "أنا في هيك حالات بسميها هولاكو" رفضت هالإشي و صحيت من ال 6.30 ! و هاتلك حركات عاد...
مرة بترمي علينا ألعابها و بتهرب / مرة بتصير تصيح "بدي أروح على الحمااااااااام!" ... طبعا ً تخويث! / مرة بتيجي 
بترفع جفوني و بتسألني "هيثم، ما بدك تنام... صح؟ / ... الخ الخ الخ . لوول (طبعا ً الحكي بالشيشاني + عربي + إنجليزي) :D
المهم بعد شي نصف ساعة استسلمت و قمت ألعب معها شوي ... أفطرنا (طبعا ً هي كانت ماكلة ألف نوع شوكولا"ط"ة +
أشياء أخرى كثيرة و عاملة فوضى بالمطبخ. :) 
المهمّ الساعة صارت 8 و إحنا صاحيين! و بعديييييييييييييييييييين... هيام بدها تطلع! يا بابا العالم نايمين و الحياة متوقفة :)
"إحنا بنقول .. يوم الخميس ... لا خميس (خميس مشيط يعني) حتى الساعة ال 5 عصرا ً ,, الله وكيلكم الحياة بتتعطل! 
بتقدروا تحكو زي يوم الجمعة في الأردن ، الساعة 9.30 ,,, لما الكل يكون اشترى الحمص و الفلافل و خلصو الفطور و رجعو ينامو 
شي ساعة قبل الصلاة :))))


طلعنا و رحنا اشترينا أغراض... و ما كان فيه إلا كاشير واحد :) 
و كمان طلعنا "ريحانة" تتشمّس شوي "I got this for my wife on our anniversary :P , cute and cheap"


ريحانة




و بعد الاستحمام نامت هيام بسلام و أمان :]


اللي بيصحى على ال6.30 هيك بيصير فيه :P




و رجعنا و تووتة تووتة خلصت الحتووتة :)