الشتاء حلّ هنا "رسميا ً" و الدنيا بررررررد
بهيك أوقات أنا "بخمخم" في البيت عادة و ما بطلع... ما بحب المطر و بفضل أصاحب الصوبا و أوطد علاقتي معها :)
+ بمرض بسرعة بفصل الشتاء و بطوّل -عادة- تا أطيب.
و بهيك أوقات الواحد بيصير يفكر أكثر و هذا الشيء سيء للصحة داااااااااااااااااائما ً :(
مشتاق للأردنّ ، لإربد و أكثر شي للزرقاء ... مدينتي التي ترعرت فيها.... مشتاق للأزقة ، للدوار الصغير الذي ياما ركنت إلى جواره، مشتاق لشارع الجامعة في إربد و للبيوت الباردة ذات الغرف الدافئة بأصحابها.
مشتاق لطلعة البريد و التي كنت أقطعها ركضا ً مذ عمري 10 سنوات ، مشتاق للأهل و الخلان و للكلام الحميم و التطلعات الأملة و الذكريات بحلوها و مرّها...
في هكذا أوقات دااااااائما ً ما أتذكر لقطة من مسلسل "أيام شامية" حين يقرر ناجي جبر "أبو عنتر" أن يرجع ل"ديرته" و يكون مع سليم كلاس داخل الصالون و يقول له: " هاي حارتي يا ديبو، لِك حارتييييييييييييييييي" :'(
*صوبا = دفاية / مدفأة :)
** بخمخم = بمعنى أبقى و أركن إلى :)
- - - في الإدراج السابق لم أقم بتحميل مقطع الفيديو المرافق، تم إصلاح ذلك الآن :))
بهيك أوقات أنا "بخمخم" في البيت عادة و ما بطلع... ما بحب المطر و بفضل أصاحب الصوبا و أوطد علاقتي معها :)
+ بمرض بسرعة بفصل الشتاء و بطوّل -عادة- تا أطيب.
و بهيك أوقات الواحد بيصير يفكر أكثر و هذا الشيء سيء للصحة داااااااااااااااااائما ً :(
مشتاق للأردنّ ، لإربد و أكثر شي للزرقاء ... مدينتي التي ترعرت فيها.... مشتاق للأزقة ، للدوار الصغير الذي ياما ركنت إلى جواره، مشتاق لشارع الجامعة في إربد و للبيوت الباردة ذات الغرف الدافئة بأصحابها.
 |
| دراماااااااا :P بس جد أنا هيك حاسس :(( و كمان :( |
مشتاق لطلعة البريد و التي كنت أقطعها ركضا ً مذ عمري 10 سنوات ، مشتاق للأهل و الخلان و للكلام الحميم و التطلعات الأملة و الذكريات بحلوها و مرّها...
في هكذا أوقات دااااااائما ً ما أتذكر لقطة من مسلسل "أيام شامية" حين يقرر ناجي جبر "أبو عنتر" أن يرجع ل"ديرته" و يكون مع سليم كلاس داخل الصالون و يقول له: " هاي حارتي يا ديبو، لِك حارتييييييييييييييييي" :'(
I miss all the faces and the places, so bad!
:(
مشتااااااااااااااااااااااق *صوبا = دفاية / مدفأة :)
** بخمخم = بمعنى أبقى و أركن إلى :)
- - - في الإدراج السابق لم أقم بتحميل مقطع الفيديو المرافق، تم إصلاح ذلك الآن :))
هذا ما يفعله بنا الشتاء....بتشتي علينا الذكريات مع كل مطره
ReplyDeleteنياااالكم
سبحان الله مقلب الاحوال ...انتو في السعوديه شتا وبرد واحنا هون في النهار صيف وفي المساء الجو ربيعي ولا في ريحة شتا يا شيشاني
على فكره ...لسه ما طلع الفيديو بالبوست السابق
ReplyDeleteAww..Haitham all emotional! :(
ReplyDeleteno wonder you hate winter lol
مهو لان ايام الشتا هي ايام الكنكنه و قعدة كل العيله حول الصوبه و الكستا و البوب كورن شغالين - البوب كورن كان اله نكهه خاصه بايام التلج - لهيك الها ذكريات كتيره و بترجع بس يجي جو الشتا
ReplyDeleteوفرصه تضيف
شكرا لويسبر اللي انتبهت ان الفيديو مش موجود O_O
اههههه على الصوبة و الدفا
ReplyDeleteاهه على مناقيش الخبز السخن على الصوبة
اه على شارع الجامعه باربد
اه على الشتا و البرد و الغيوم و الجو المنكد و الكئيب تبع الشتا
عن جد الشتا احسن من الصيف بالف مرة
دايما عنا حنين لأماكن الماضي
ReplyDeleteأكيد ما بنحسدك على شعورك .. بس كمان عنا حنين للأفضل لـ حاراتنا وبـ الوطن :)
إربد .. على حالها إربد بس كبرت المحلات وزادت الأزمة والمظاهر الخلابة :( بهالفترة بس جو الزيتون هوي الحلو .. وين ما تمشي ناس بتلقط أو بتعصر أو بتكبس زيتون.
لكن كلنا أمل برحمة ربنا بشوية مطر شرقية بكل معنى الكلمة وصرنا بآخر نوفمبر ...
بتمنالك شتاء خفيف الظل :)
سلامات.
الله يحفظك و يخليك و يبعد الامراض عنك يارب
ReplyDeleteو يرجعك للاردن قريبا و تكون دائما قريب و في قلوب كل اللي بتحبهم
:)
من ايام ما كان " دوار الزواهره" سطل ميّ ماسمعت هالمصطلحات " تخمخم+ الكنكنه " له له
ReplyDeleteالله يرجعك لأهلك بالسلامه,, ويضلو موجودين بيناتكم,, ت تضل تشتاق لوجودهم
صباح الخير....
بس يا صديقى الشتاء اجمل من الصيف بمراحل
ReplyDeleteانصحك بالرياضة فى الخلاء ان شاء الله يعطيك الصحة
شو قصدك يا ام عمر...انو عمري الف وخمسميت سنه وموجوده من وقت حرب الشلاليط!!
ReplyDeleteبصراحه.....اه :)
هاذ انت حوالينا ساكن بالزرقا , بس بعيد شوي ;)
ReplyDeleteاحلى اشي بالدنيا الشتا الله يسامحك
:سمايل بخف عقله من الصيف:
الله يرجعك لأهلك سالم غانم يا رب ويجمعك فيهم على خير ان شاء الله :)
بدي أسب على " كاشف النوايا" هاد اللي مشترياه جنابك
ReplyDeleteبكرهك,, بجد,, خلص,, بطلت بدي أحكي معك من مره :k:
I do agree..
ReplyDeleteI hate winter too
As for missing ur home, family and friends I know how it feels i tried to work outside i couldn't stay more than 4 months and i came back
انا مثلك اكرة الشتاء يصيبنى بالاكتئاب
ReplyDeleteومااحلى دفىء الوطن وانت بجانب احبابك
الله يجمع شملك مع اهلك واحبابك
إبعثلي عنوانك بلكي جبتللي كيلو كستنا أو بطاطا حلوة و جيت أزورك.
ReplyDeleteعندي: صوبا = كستنا
الله يرجعك لآهلك و حبايبك يارب (:
ReplyDeleteبس مافي أحلى من الشتاء ها (:
أنا كمان بحّن لأماكن بس للأسف ما عشت فيها و أنا مش منها بالأحرى بس بشتاق إلها ): و بحس بدفئها و قربها لقلبي أكتر من أماكن أنا عشت فيها ):
إن شاء الله ربنا يكرم كل المغتربين بالعودة واللقاء
ReplyDeleteدمت بكل الخير وعائلتك الكريمة أخي هيثم
هيثم ولا ترد عليهم هو الشتا بالزرقا بالزات الو نكهة خاصه
ReplyDeleteبتكون تشتي بهدوء وبتلاقي المطر بيبلش بكل وقار وحنية وبنطلع تحت الشتا والزرقا شتاها غير وبردها غير وناسها غير
حتى سهرات الشتى غير
ورجعت الشتويه
لفيروز
ان شاء بترجع بالسلامه
ان شاء الله يجمعك القدر بشوارع اربد والزرقاء
ReplyDeleteويحيي فيك ذكريات صباك ايها الطيب
المشكلة إنا لا بنحب الصيف ولا بنحب الشتا! الله يعينك على الشوق ما في أصعب منه وكل المغتربين في الهوا سوا! بس يلا الشتاء ربيع المؤمن قصر نهاره فصامه وطال ليله فقامه فحاول تستغله وربنا يعينك عالخير إن شاء الله.
ReplyDelete