اليوم الخميس، عطلة! يعني ما فيها إشي الواحد يناملو ساعة زيادة أو ساعتين... صح؟ غلط!
هيام "أنا في هيك حالات بسميها هولاكو" رفضت هالإشي و صحيت من ال 6.30 ! و هاتلك حركات عاد...
مرة بترمي علينا ألعابها و بتهرب / مرة بتصير تصيح "بدي أروح على الحمااااااااام!" ... طبعا ً تخويث! / مرة بتيجي
بترفع جفوني و بتسألني "هيثم، ما بدك تنام... صح؟ / ... الخ الخ الخ . لوول (طبعا ً الحكي بالشيشاني + عربي + إنجليزي) :D
المهم بعد شي نصف ساعة استسلمت و قمت ألعب معها شوي ... أفطرنا (طبعا ً هي كانت ماكلة ألف نوع شوكولا"ط"ة +
أشياء أخرى كثيرة و عاملة فوضى بالمطبخ. :)
المهمّ الساعة صارت 8 و إحنا صاحيين! و بعديييييييييييييييييييين... هيام بدها تطلع! يا بابا العالم نايمين و الحياة متوقفة :)
"إحنا بنقول .. يوم الخميس ... لا خميس (خميس مشيط يعني) حتى الساعة ال 5 عصرا ً ,, الله وكيلكم الحياة بتتعطل!
بتقدروا تحكو زي يوم الجمعة في الأردن ، الساعة 9.30 ,,, لما الكل يكون اشترى الحمص و الفلافل و خلصو الفطور و رجعو ينامو
شي ساعة قبل الصلاة :))))
طلعنا و رحنا اشترينا أغراض... و ما كان فيه إلا كاشير واحد :)
و كمان طلعنا "ريحانة" تتشمّس شوي "I got this for my wife on our anniversary :P , cute and cheap"
 |
| ريحانة |
و بعد الاستحمام نامت هيام بسلام و أمان :]
 |
| اللي بيصحى على ال6.30 هيك بيصير فيه :P |
و رجعنا و تووتة تووتة خلصت الحتووتة :)
ما شاء الله أمورة :) يا رب يحفظها و يخليها لكم و يخليكم لها :)
ReplyDeleteمساء الخير
ReplyDeleteشو بدك احلى من هيك نهار
ببلش بهالقمر ما شاء الله
الله يخليلكم اياها
وان شاء الله دائما
يسعدها بوجودكم دائما بجانبها
ويسعدكم بوجودها معكم من الصبح بكيررررر
جمعة مباركة لكم جميعا
وعطلة نهاية اسبوع هادئة
ماشالله عليها شو قمر،و رح تطلع حشّاشة متل أبوها
ReplyDeletehehehe :D
ربي يحفظها لكم ويحفظكم لها
ReplyDeleteيارجل واحد عنده هالقمر يتصبح فيه وبينام؟
اللهم صلي عالنبي ربي يحميها ويخليها
قمر...بتجنن
الله يخليلك اياها يا رب , تحشيش البوست !!
ReplyDeleteAllah ykhaleha ya Rab
ReplyDeleteوالله بدك تتزوج وتجيب أولاد هيك بصير فيك ... بتستاهل :)
ReplyDeleteبس برضه هيومة بتستاهل انها تتدلل! قمر ما شاء الله عليها !
تحياتي
ما شاء الله تبارك الله ولا قوة الا بالله
ReplyDeleteاي كويس انكم انتو بتخلوها تنام !!!!!!
هاي بتتاكل اكل ما شاء الله عليها ربي يحفظها من كل شر ونشوف ها عروس يا رب
هيثم بلا نوم بلا كسل
هيومه هاي الها عندي بسه من اي لون اي نوع اي حجم
بس تيجوا على الاردن دير بالك ما تمر علينا عشان اجيبلها بسه وقبل ما ترجعوا على السعوديه باخدها انا برد
هاي هيومتنا كلنا ما شاء الله عليها
بتج...ن...ن
ما شاء الله ربي يحفظها ويحرسها ويجعلها من حفظه القران الكريم
عسل عسل هيومة هههههههههه جننتك
ReplyDeleteالحمد لله ماعندي اخوات او اخوان صغار في العمر مثلها
يكفي ان ماعندي وقت والسبب الجامعة كيف لما يكون عندي وحده اموره مثلها تصحيني من الصباح ههههههههههه
الله يخليها لكم ياااااااارب :)
صباح الخير
ReplyDeleteما شاء الله عنها...الله يحفظها ويخليها تجننكم كمان وكمان
بيطلعلها ...
وبيجوز بتزهق كمان...جيبولها بسه ....حرام بتتسلى
ريحانه كمان بتجنن...الله يحفظها ويطول بعمرها
اه جيبولها بسّة جد،بيهون عليك يصير فيها متلي؟:(
ReplyDeleteرين ليش شو صار فيكي انتي احكيلي
ReplyDeleteازا بدك بسه تعالي انا بعطيك
او ضلي تعي عنا لاعبي بستنا وبعدين روحي عالبيت
شكرا ً لكم جميعا ً و الله يحفظلكم حبايبكم.
ReplyDelete*خلود: بس أنا مش مسؤول عن أخلاق البسو لما يرجعلكم، اتفقنا؟ اتفقنا :]]]
و بالنسبة ل rain فالوضع ميؤوس منه فما في داعي للمحاولة -بس ما تحكيلها! لأنو فيه مجال وضعها يتدهور أكثر من هيك، آه أكثر!!!!-
مرحبا خلود :)
ReplyDeleteهاد هيثم بيضل يقلّي اني طلعت مفصومة عشان أهلي ما رضيوا يجيبولي بسّة و أنا زغيرة :(
شكرااااا! ما أزكاكي،فرجينا صور بستك :)
هيثم
I can read that ya know!!! 0_O
lol
rain: أنا مو لحالي اللي بقول! كل العالم بتقول هيك! :P
ReplyDeleteما شاء الله تبارك الرحمن احسن الخالقين
ReplyDeleteبتجنن الله يحميها و يحفطها
و الله النشاط حلو لشو الحكي
انا من انصار الصحي بكير حتى بالعطل
بتحس اليوم فيه بركة :)
lioneSS:
ReplyDeleteالله يخليكي و يحفظلك حبايبك
(اللهمّ بارك لأمتي في بكورها) :)