Hello there! and welcOme

Ghiya Rushidat - Rouhani

4 Nov 2010

Early birds get the .... daddy




اليوم الخميس، عطلة! يعني ما فيها إشي الواحد يناملو ساعة زيادة أو ساعتين... صح؟   غلط!
هيام "أنا في هيك حالات بسميها هولاكو" رفضت هالإشي و صحيت من ال 6.30 ! و هاتلك حركات عاد...
مرة بترمي علينا ألعابها و بتهرب / مرة بتصير تصيح "بدي أروح على الحمااااااااام!" ... طبعا ً تخويث! / مرة بتيجي 
بترفع جفوني و بتسألني "هيثم، ما بدك تنام... صح؟ / ... الخ الخ الخ . لوول (طبعا ً الحكي بالشيشاني + عربي + إنجليزي) :D
المهم بعد شي نصف ساعة استسلمت و قمت ألعب معها شوي ... أفطرنا (طبعا ً هي كانت ماكلة ألف نوع شوكولا"ط"ة +
أشياء أخرى كثيرة و عاملة فوضى بالمطبخ. :) 
المهمّ الساعة صارت 8 و إحنا صاحيين! و بعديييييييييييييييييييين... هيام بدها تطلع! يا بابا العالم نايمين و الحياة متوقفة :)
"إحنا بنقول .. يوم الخميس ... لا خميس (خميس مشيط يعني) حتى الساعة ال 5 عصرا ً ,, الله وكيلكم الحياة بتتعطل! 
بتقدروا تحكو زي يوم الجمعة في الأردن ، الساعة 9.30 ,,, لما الكل يكون اشترى الحمص و الفلافل و خلصو الفطور و رجعو ينامو 
شي ساعة قبل الصلاة :))))


طلعنا و رحنا اشترينا أغراض... و ما كان فيه إلا كاشير واحد :) 
و كمان طلعنا "ريحانة" تتشمّس شوي "I got this for my wife on our anniversary :P , cute and cheap"


ريحانة




و بعد الاستحمام نامت هيام بسلام و أمان :]


اللي بيصحى على ال6.30 هيك بيصير فيه :P




و رجعنا و تووتة تووتة خلصت الحتووتة :) 



17 comments:

  1. ما شاء الله أمورة :) يا رب يحفظها و يخليها لكم و يخليكم لها :)

    ReplyDelete
  2. مساء الخير

    شو بدك احلى من هيك نهار
    ببلش بهالقمر ما شاء الله
    الله يخليلكم اياها
    وان شاء الله دائما
    يسعدها بوجودكم دائما بجانبها
    ويسعدكم بوجودها معكم من الصبح بكيررررر

    جمعة مباركة لكم جميعا
    وعطلة نهاية اسبوع هادئة

    ReplyDelete
  3. ماشالله عليها شو قمر،و رح تطلع حشّاشة متل أبوها
    hehehe :D

    ReplyDelete
  4. ربي يحفظها لكم ويحفظكم لها
    يارجل واحد عنده هالقمر يتصبح فيه وبينام؟
    اللهم صلي عالنبي ربي يحميها ويخليها

    قمر...بتجنن

    ReplyDelete
  5. الله يخليلك اياها يا رب , تحشيش البوست !!

    ReplyDelete
  6. والله بدك تتزوج وتجيب أولاد هيك بصير فيك ... بتستاهل :)
    بس برضه هيومة بتستاهل انها تتدلل! قمر ما شاء الله عليها !
    تحياتي

    ReplyDelete
  7. ما شاء الله تبارك الله ولا قوة الا بالله
    اي كويس انكم انتو بتخلوها تنام !!!!!!
    هاي بتتاكل اكل ما شاء الله عليها ربي يحفظها من كل شر ونشوف ها عروس يا رب
    هيثم بلا نوم بلا كسل
    هيومه هاي الها عندي بسه من اي لون اي نوع اي حجم
    بس تيجوا على الاردن دير بالك ما تمر علينا عشان اجيبلها بسه وقبل ما ترجعوا على السعوديه باخدها انا برد
    هاي هيومتنا كلنا ما شاء الله عليها
    بتج...ن...ن
    ما شاء الله ربي يحفظها ويحرسها ويجعلها من حفظه القران الكريم

    ReplyDelete
  8. عسل عسل هيومة هههههههههه جننتك
    الحمد لله ماعندي اخوات او اخوان صغار في العمر مثلها
    يكفي ان ماعندي وقت والسبب الجامعة كيف لما يكون عندي وحده اموره مثلها تصحيني من الصباح ههههههههههه

    الله يخليها لكم ياااااااارب :)

    ReplyDelete
  9. صباح الخير

    ما شاء الله عنها...الله يحفظها ويخليها تجننكم كمان وكمان
    بيطلعلها ...
    وبيجوز بتزهق كمان...جيبولها بسه ....حرام بتتسلى

    ريحانه كمان بتجنن...الله يحفظها ويطول بعمرها

    ReplyDelete
  10. اه جيبولها بسّة جد،بيهون عليك يصير فيها متلي؟:(

    ReplyDelete
  11. رين ليش شو صار فيكي انتي احكيلي
    ازا بدك بسه تعالي انا بعطيك
    او ضلي تعي عنا لاعبي بستنا وبعدين روحي عالبيت

    ReplyDelete
  12. شكرا ً لكم جميعا ً و الله يحفظلكم حبايبكم.

    *خلود: بس أنا مش مسؤول عن أخلاق البسو لما يرجعلكم، اتفقنا؟ اتفقنا :]]]
    و بالنسبة ل rain فالوضع ميؤوس منه فما في داعي للمحاولة -بس ما تحكيلها! لأنو فيه مجال وضعها يتدهور أكثر من هيك، آه أكثر!!!!-

    ReplyDelete
  13. مرحبا خلود :)
    هاد هيثم بيضل يقلّي اني طلعت مفصومة عشان أهلي ما رضيوا يجيبولي بسّة و أنا زغيرة :(
    شكرااااا! ما أزكاكي،فرجينا صور بستك :)

    هيثم
    I can read that ya know!!! 0_O

    lol

    ReplyDelete
  14. rain: أنا مو لحالي اللي بقول! كل العالم بتقول هيك! :P

    ReplyDelete
  15. ما شاء الله تبارك الرحمن احسن الخالقين
    بتجنن الله يحميها و يحفطها

    و الله النشاط حلو لشو الحكي
    انا من انصار الصحي بكير حتى بالعطل
    بتحس اليوم فيه بركة :)

    ReplyDelete
  16. lioneSS:
    الله يخليكي و يحفظلك حبايبك

    (اللهمّ بارك لأمتي في بكورها) :)

    ReplyDelete