Hello there! and welcOme

Ghiya Rushidat - Rouhani

27 Jan 2011

تقليد مو أعمى... أعور بس! :)


ويسبر تكلمتلنا عن المصطلحات الي بتحكيها فروحة كذا مرة، آخر مرة كان هون  
و أنا لأني لساتني بصف رابع ب ؛ سرقت الفكرة و حبيت "أتحفكم" بشوية مصطلحات هيّوميّة.  بعض مصطلحاتها ما بنعرف من وين "أصلها"! يمكن من كثر ما بتتلخبط بين الكلام الشيشاني / العربي "لهجة أردنية ممزوجة بسعودية" / + الإنجليزي بيطلع معها هيك :]]]]
لما كانت صغيرة كانت تحكي عن المي "الماء" ======> بو وييتّا "بتشديد التاء إذا تكرمتم" :)
بسكوت = بوكوسات
لما الواحد يحكيلها عفوا ً بتحكيلو = الله يعفونك!  "نفسنا نعرف ليه!
و طبعا ً هيام في بينها و بين بعض الأحرف حالة خصام شدييييييييييييييد! ما بتلفظ حرف الخاء! بيطلعش معها لسّا :p .... بتحاول بس اللفظة بتطلع معها حاء و كذا حرف الغين .. بيطلع معها عين! :)))) و كمان الراء بيطلع معها لام :) – إشي تحشيييش! صار عمرها 4 و المفروض تلفظهم بس مخلينها على راحتها (لأ، مو خوف منها... أبدا ً!)

·       في عندها قصة لوحدة المفروض إنها مشهورة بعالم الحكايات اسمها تولين... في القصة بعض العبارات من شاكلة:
تولين لا ترغب بالنوم الآن فهيام لما تقرأها بيطلع معها = لا تلعب بالنوم "طبعا ً القراءة من الحفظ ليس إلا"
و كمان عبارة ... تحتار تولين.. أي لعبة تختار .... هيام = تحتار تولين .. أي لعبة تحتار؟
أكثر موقف محرج لما أول ما هيام صارت تنشر إبداعاتها الصوتية في هذا العالم؛ لما نطلع برة نمشي أو عحديقة مثلا ً أو هيك فطبعا ً النسوان كلهن لابسات عبايات (welcome to Saudi Arabia) :D
المهمّ ، هيام بتركضلك على وحدة أو عند عيلة ... و بأعلى صوتها .... مامااااااااااااااا باباااااااااااا شوفييييييي (لازم الخطاب بالمؤنث حتى لإلي طبعا ً...) لابسة حمار .. "إنو "خمار" .... حمار يا ماما ، زي ما إنت لابسة .. حمار! – طبعا ً أم هيام بتعمل حالها مش سامعة و أنا كثير مرات بصير "بنت ضايعة، مين مضيع هالبنت..." لووول
و هكذا انتهت الحدوتة... يلا كل واحد على شغله/شغلها .. طبخها/طبخه ... :]]]]]
--------
تكلمتلنا = تكلمت
لساتني = لا أزال
بتتلخبط = عندها صعوبة في لفظ ...
بيطلعش = لا يخرج في اللفظ
تحشيييش = مضحك
مخلينها = ندعها / نتركها
برة = الخارج

19 comments:

  1. الله يخليلك اياها :) انا بموت بالأطفال وهم ما بيعرفوا ينطقوا كتير لزيزين بكونوا :)

    ReplyDelete
  2. هههههههه ...جد هيثم ضحكتني من قلبي ....
    لسة والله اليوم عم بفكر بحكيات بنت خالتي "عمرها سنتين و شوي" ... المشكلة انه احنا الي اتعلمنا منها و صرنا نحكي متلها مش العكس !!!
    يعني انا هلأ في الشغل ممكن حد يناديني "يامّيم" بدل ياسمين لأنهم عرفو انها بنت خالتي بتناديني هيك !!!!
    هاد غير المسميات الي جد جد ما بعرف من وين بتجيبها !!!

    الله يحميهم الصغاار .. والله همي احلى شي بالدنيا :)

    ReplyDelete
  3. ههههههههههههههههههههه
    عنجد بيطلع معهم شغلات الأطفال
    لابسة حمار D:
    بس عندها مبدأ قياس رهيب بالنسبة لـ الله يعفونك !!
    ربي يحميها من كل شر
    انا بعرف عيلة اجتهم حفيدة فانو هيي نص الأحرف مشطوبين عندها كبرت صارت صف خامس وصارت كل العيلة تحكي متلها ثو مثوي انتا ثو بدتت مني ...

    بس لازم تدور على مصدر (وييتّا) اكيد بيطلع الها اصل بلغة من اللغات:)

    ReplyDelete
  4. والله عالم الأطفال عالم جميل وظريف.
    أسال الله أن يبارك لك في أولادك

    ReplyDelete
  5. هاي احلى مراحل الحكي:)
    بس بيفضح احيانا
    كويس انها ما بتقرط بالالف
    عنا طفل في العيلة بحكي
    انا بلعب مع العوراد بدل الاولاد :)
    و ليش بتشربي عرجيلة ؟:)))
    انا شخصيا مكيفة عليه
    و مشان موضع الخاء ما تخاف
    بكرة بتتعدل
    هاي صارت بعيلتنا كتير كتير

    الله يحفظها

    ReplyDelete
  6. هناء: معك حق :) ، فترة حلوة جدّا ً و بتظل بالبال

    ياسمين: آمين، و يخليلكم حبايبكم إن شاء الله
    فعلا ً تحشيش :)

    خديجة: شايفة مهارات القياس بالله؟ :))
    بالنسبة ل "بوييتّا" شكلو من "بوو" إنو كلمة شائعة عند الصغار للمي بس هيام طورتها شوي :)

    ReplyDelete
  7. أبو حسام الدين: شكرا ً لك :) و يبارك في أحبابك و يرزقك الذرية الصالحة :)

    جفرا : فضيحة ممتعة بس :)))
    هية مرحلة و "حتعدّي" أكيد بس بلشنا نقلق إنو صارت 4 سنوات و لسا ما عم تنطق كل الأحرف - بس على مهلها :) شو ورانا

    ReplyDelete
  8. ههههههههه جد ضحتني كتيير كتابتك بضحكني :))))
    مو على أساس صف سادس ب بأفكار وتساؤلات ؟!!!!!!!!!!! هههههههههههه

    ReplyDelete
  9. orangee:
    مهو أنا اكتشفت إطسير الشباب و عم برجع بالعمر لورا :p

    ReplyDelete
  10. ربنا يحميها .. عالم من البراءة والجمال

    ReplyDelete
  11. نور: شكرا ً لك ، أحلى من أحلى عالم بكل تأكيد :)

    ReplyDelete
  12. حبيبتييي ما شاء الله عليهم
    الاطافيل بجننو بكل حركاتهم
    فرووحه حصيله الاحرف تبعتها ا,م,ن,ت,ه,ب,و وكل الكلام بكون من هاي الاحرف

    قرح= تمنه مش عارفه كيف

    اتي نووون...اختي نور
    ابوود...عبود
    ناني ...حضرتنا :)
    مام..اسم ابوها اسلام :)

    بتعيد بعض الاحرف بس نحكيها لحالها ولكن بالجمل فورا تستبدل بمبم او تا او نون :)


    ملاحظه ع الهامش
    طلعت اكبر مني ...انا ب تاني ب :)

    و علشان تعرف مين الئلود ...الgلود قصدي

    ReplyDelete
  13. نسيت احكي عن لمّا فروحه تعمل اشي محرج...بتطلع علي اخوي وبحكيلي سكتو بناتكم يا عالم شو هاد و بمشي O_o

    ReplyDelete
  14. لوول

    حركااااااااااااات، تراها فاهمة كل شي :=]

    * الأطافيل ما بكذبوا,,, فما دام بتناديك نانا... فالباقي عندك

    ** إذا حضرتكم عدتو صف ثاني شي 7 - 8 مرات فهاي قصة أخرى (6)

    ReplyDelete
  15. ههههههههههههههه
    الله يبعتلك الهنا يا هيثم
    جد ضحكت من قلبي !!!
    إنو " حمار " مرة وحده ههههههههههه
    أما " الله يعفونك " اشي تاااااني فطست من الضحك !!
    الله يخليها الكم يارب (:
    أنا للأسف ولاد اخوتي مش معنا ومابنشوفهم الا بالحسرة بس نحكي معهم ع التلفون ولسا هم بيحكو بس بجد بتطلع منهم الكلمات زي العسل(:

    الله يخليها ويحفظها (:

    ReplyDelete
  16. رصاصة: أهلا ً و سهلا ً :)
    شكلو خلصو الامتحانات؟
    الصغار بيقولوا أشياء و لا يمكن تخطر عالبال :]]]
    الله يخليلكم حبايبكم

    ReplyDelete
  17. أهلين...
    أي خلصو من زمان D:
    ولسا النتيجة ما طلعت , كأنهم عم يطبخو لحمة !!!
    الله يستــر طوّلوها S:

    دعـــــــــواتك (:

    ReplyDelete
  18. رصاصة: لحمة! سامع بهالكلمة هاي *يهرش رأسه في محاولة للتذكر*
    :]]]]]

    إن شاء الله خير :)

    ReplyDelete