Hello there! and welcOme

Ghiya Rushidat - Rouhani

11 Dec 2010

عااااااااااااااااادي جدّا ً


يوم الخميس الماضي، قبل يومين، رأيت منظرا ً "ما" :
طفل لا يتعدّى عمره العاشرة على أبعد تقدير يسوق سيارة -هونداي إلنترا- ! طبعا ً هوه يا دووووووب شايف، و بيحاول يرفع نفسه تا يشوف... وراءه تماما ً – و لا أقصد في الكرسي الخلفي بل وراءه!!!!- أخته الصغيرة... يعني إذا مش أصغر من بنتي هيام "4 سنوات" بتكون قدها يعني ... ما أنا عارف، حاططها وسادة يعني و اللا شو! و طبعا ً فيه 3 أطافيل بالكرسي الخلفي و الأم بجانب السائق البطل! (يقطع هيك أم!)
هنا يوم الخميس يكون أول أيام الإجازة الأسبوعية، و ال"حركة" تكون ميتة تماما ً لغاية المساء. (مثل صباح يوم الجمعة – قبل الصلاة و بعد شراء الحمص و الفلافل- عندنا في الأردن يعني) - - - - صحيح لسا في ناس بتشتري حمص؟ كم سعره هالأيام؟
الموقف حدث ظهرا ً حيث السيارات قليلة و توقف السائق الهمام بجانبي على إشارة ضوئية و رأيت الصورة الجميلة التي ذكرت لكم
:( :( :( :(
:(
:(
:(
:(
:(
:(
:(
:(
:(

·       و بتقلي يا أبو زينة السواقة في السعودية أحسن! :(

21 comments:

  1. OH MY GOD 0_O
    did you call the police or something?

    ReplyDelete
  2. بطل,, بطل

    بس يبلى إمه والصغار,, رح بينفع هالدلع هاد

    صحن الحمص صار بالعلالي,, ملكش مصلحه

    ReplyDelete
  3. مطر: police مييييييييييييييييييييييييين

    الوضع أسوأ مما تتخيلي من هالناحية

    مرة صار معنا حادث "صغير" ، ظليت أستنى 3 ساعات تا إجو
    و أصلا ً حتى لو اتصلت و بلغت عن حادث "مثلا ً" بيقعدوا فترة طوييييلة للأسف

    ReplyDelete
  4. أم عمر: مهو صار زلمة و لاااااازم يسوق!

    * عازميتنا على فتة حمص؟ الله يخليكي يا رب.

    ReplyDelete
  5. راجي: و الأب أيضا ً برأيي!

    ReplyDelete
  6. لو بيدي كان منعت السواقه في السعودية كلها... نرجع للجمال افضل و برضه ماراح نرتاح... يقطعها من أم و تلاقي قلبها طاير من الفرحة على الرجال الصغير .

    ReplyDelete
  7. الخطا في الاهل..وليس في الطفل

    بالنسبة للحمص لسا في ناس بيشتروه الصبح بس ما بعرف كم صار سعره لاني ما بشتريه وما بفطر اصلا ويوم الجمعه بنام للظهر..مهو يوم الاجازة الوحيد

    ReplyDelete
  8. هلأ ولد صغير يسوق بسيطه اما ست فلا و الف لا

    و البنت اللي مقعدينها مخدّه و راه ... وشوال السكر اللي قاعد جنبه عأساس انها الام كله عادي :$

    ReplyDelete
  9. This comment has been removed by the author.

    ReplyDelete
  10. أم البطل بحاجة إلى تهنئة أكيد... ابنها صار بطل بسوق السيارة ,,

    حسبي الله ونعم الوكيل

    ReplyDelete
  11. مين إم عمر دخلك

    خيلها تعزمني معاكم
    إبليييييز

    ReplyDelete
  12. ممكن كثير يكون عمره صغير وبعد ممكن يكون عمره اكبر بس هيئة جسمه صغير , لاني بصراحة شفت اولاد تعطيهم عمر 10 سنوات لكن هم 15 !!! , ولكن هذا لايعني اني أأيد هذا الشي طبعا لا مادام انه مايشوف عدل بسبب صغر حجمه المفروض حتى الام نفسها ماتسمح له , حتى وان كانت سياقته لحالة طارئة لاسمح الله , من الممكن ان يعمل حادث وصارت الحالة الطارئة حالتين طارئتين !!!
    ومين قال السياقة عندنا احسن هو غلطاااااااان :)

    ReplyDelete
  13. وفاء: و الله شكلو بكون أحسن!

    ReplyDelete
  14. ابتسام: و الله على قولتك: مهو يوم الإجازة :)

    + الخطأ على الأهل بالمقام الأول بكل تأكيد

    ReplyDelete
  15. ويسبر: هذا كان تعليق زوجتي كمان، إنو ليش المرأة ما بيطلعلها!

    و الله تخلف!

    ReplyDelete
  16. نور: شايفة بالله!

    ReplyDelete
  17. أم عمر: خلص! بدناش منك إشي! قطييييييييييييييييعة :]]]


    هاي نيسان عزمتنا على حفلة - ما أحسنها + ما أسوأك :P

    ReplyDelete
  18. وايت فريدوم: معك حق، بس أنا شفته منيح ...كان جنبي بالضبط! و واضح إنو طالع "فسحة"! بهذا الوقت الكل بياخذ سيارة البابا و بيطلع... صار زي عرف! :(

    و الغلط و الله بكل مكان الظاهر :(

    ReplyDelete
  19. سؤال
    مش لو السيدات يطلعلهم حق بقيادة السيارات بالسعودية كان الحال تغير كتير
    اوكي للأسوا حينا..لكن للاحسن أحيانا
    نقطة

    ReplyDelete
  20. نمرودة: و الله هذا كان و ما يزال تعليقي على المسألة

    إذا اللي لسا مو طالع من البيضة بيسوق و بيعمل العمايل (وفيات الحوادث هنا رهييييبة و مخيفة!) ليش ممنوع النسوان يسوقوا! :تخلف:

    ReplyDelete