يوم الخميس الماضي، قبل يومين، رأيت منظرا ً "ما" :
طفل لا يتعدّى عمره العاشرة على أبعد تقدير يسوق سيارة -هونداي إلنترا- ! طبعا ً هوه يا دووووووب شايف، و بيحاول يرفع نفسه تا يشوف... وراءه تماما ً – و لا أقصد في الكرسي الخلفي بل وراءه!!!!- أخته الصغيرة... يعني إذا مش أصغر من بنتي هيام "4 سنوات" بتكون قدها يعني ... ما أنا عارف، حاططها وسادة يعني و اللا شو! و طبعا ً فيه 3 أطافيل بالكرسي الخلفي و الأم بجانب السائق البطل! (يقطع هيك أم!)
هنا يوم الخميس يكون أول أيام الإجازة الأسبوعية، و ال"حركة" تكون ميتة تماما ً لغاية المساء. (مثل صباح يوم الجمعة – قبل الصلاة و بعد شراء الحمص و الفلافل- عندنا في الأردن يعني) - - - - صحيح لسا في ناس بتشتري حمص؟ كم سعره هالأيام؟
الموقف حدث ظهرا ً حيث السيارات قليلة و توقف السائق الهمام بجانبي على إشارة ضوئية و رأيت الصورة الجميلة التي ذكرت لكم
:( :( :( :(
:(
:(
:(
:(
:(
:(
:(
:(
:(
· و بتقلي يا أبو زينة السواقة في السعودية أحسن! :(
OH MY GOD 0_O
ReplyDeletedid you call the police or something?
بطل,, بطل
ReplyDeleteبس يبلى إمه والصغار,, رح بينفع هالدلع هاد
صحن الحمص صار بالعلالي,, ملكش مصلحه
يقطعها تلك الام
ReplyDeleteمطر: police مييييييييييييييييييييييييين
ReplyDeleteالوضع أسوأ مما تتخيلي من هالناحية
مرة صار معنا حادث "صغير" ، ظليت أستنى 3 ساعات تا إجو
و أصلا ً حتى لو اتصلت و بلغت عن حادث "مثلا ً" بيقعدوا فترة طوييييلة للأسف
أم عمر: مهو صار زلمة و لاااااازم يسوق!
ReplyDelete* عازميتنا على فتة حمص؟ الله يخليكي يا رب.
راجي: و الأب أيضا ً برأيي!
ReplyDeleteلو بيدي كان منعت السواقه في السعودية كلها... نرجع للجمال افضل و برضه ماراح نرتاح... يقطعها من أم و تلاقي قلبها طاير من الفرحة على الرجال الصغير .
ReplyDeleteالخطا في الاهل..وليس في الطفل
ReplyDeleteبالنسبة للحمص لسا في ناس بيشتروه الصبح بس ما بعرف كم صار سعره لاني ما بشتريه وما بفطر اصلا ويوم الجمعه بنام للظهر..مهو يوم الاجازة الوحيد
هلأ ولد صغير يسوق بسيطه اما ست فلا و الف لا
ReplyDeleteو البنت اللي مقعدينها مخدّه و راه ... وشوال السكر اللي قاعد جنبه عأساس انها الام كله عادي :$
This comment has been removed by the author.
ReplyDeleteأم البطل بحاجة إلى تهنئة أكيد... ابنها صار بطل بسوق السيارة ,,
ReplyDeleteحسبي الله ونعم الوكيل
مين إم عمر دخلك
ReplyDeleteخيلها تعزمني معاكم
إبليييييز
ممكن كثير يكون عمره صغير وبعد ممكن يكون عمره اكبر بس هيئة جسمه صغير , لاني بصراحة شفت اولاد تعطيهم عمر 10 سنوات لكن هم 15 !!! , ولكن هذا لايعني اني أأيد هذا الشي طبعا لا مادام انه مايشوف عدل بسبب صغر حجمه المفروض حتى الام نفسها ماتسمح له , حتى وان كانت سياقته لحالة طارئة لاسمح الله , من الممكن ان يعمل حادث وصارت الحالة الطارئة حالتين طارئتين !!!
ReplyDeleteومين قال السياقة عندنا احسن هو غلطاااااااان :)
وفاء: و الله شكلو بكون أحسن!
ReplyDeleteابتسام: و الله على قولتك: مهو يوم الإجازة :)
ReplyDelete+ الخطأ على الأهل بالمقام الأول بكل تأكيد
ويسبر: هذا كان تعليق زوجتي كمان، إنو ليش المرأة ما بيطلعلها!
ReplyDeleteو الله تخلف!
نور: شايفة بالله!
ReplyDeleteأم عمر: خلص! بدناش منك إشي! قطييييييييييييييييعة :]]]
ReplyDeleteهاي نيسان عزمتنا على حفلة - ما أحسنها + ما أسوأك :P
وايت فريدوم: معك حق، بس أنا شفته منيح ...كان جنبي بالضبط! و واضح إنو طالع "فسحة"! بهذا الوقت الكل بياخذ سيارة البابا و بيطلع... صار زي عرف! :(
ReplyDeleteو الغلط و الله بكل مكان الظاهر :(
سؤال
ReplyDeleteمش لو السيدات يطلعلهم حق بقيادة السيارات بالسعودية كان الحال تغير كتير
اوكي للأسوا حينا..لكن للاحسن أحيانا
نقطة
نمرودة: و الله هذا كان و ما يزال تعليقي على المسألة
ReplyDeleteإذا اللي لسا مو طالع من البيضة بيسوق و بيعمل العمايل (وفيات الحوادث هنا رهييييبة و مخيفة!) ليش ممنوع النسوان يسوقوا! :تخلف: