29‏/06‏/2011

We exist online!


هذا إدراج كتعليق على ما كتبه نادر النادر هنا :) و على ما كتبه جراد هنا  :) 
---
أنا: طيب و بعدييييييييييييين!
طربش: مالك؟

أنا: بطل الواحد يلحّق يا رجل!
طربش: هيك حال الدنيا 
أنا: قصدي بعالم الشبكة ال"ذبابية" 
طربش: آآآآآه، مهو إنت متابع ل شي +200 مدونة ، و عندك مدونتين و مشارك بثنتين غيرهم فأكيد ما حتلحّق

أنا: بس المدونات بشكل خاص جزء من الحياة صارت، و اللا شو؟ 
طربش: إنت حر
أنا: أكيد انا حر :) ، يمكن لأني عندي وقت فراغ طويل نسبيا ً وقت الدوام + تلاقح الأفكار الجميل = إدمان تدويني :)
طربش: بس برضه مش هيك! و كمان مش ضروري الاشتراك بكل التعليقات!

أنا: مو لأنو ضروري، لأنو هيك بدي :)
طربش: طيب إشي و منو ، ما بتشوف كيف البعض بيعلق بس لما يكون عندو إضافة و البعض و لا حتى بيردّ على المعلقين بمدونته
أنا: بس هذا راجع للشخص و .....
طربش: "مقاطعاً" و أصلا ً البعض بيعلق بس مشان يكسب زباين و بعدها .. بح!
أنا: طيب ما فيها إشي، إنت ليش سلبي
طربش: مش سلني، بس واقعي و بفهمها عالطاير، مش زيك!
أنا: الله يسامحك ( + يوخذك!) 
طربش: إيش قلت؟
أنا: سلامتك ، سلامتك... يلا نشربلنا شي .. 
طربش: بس شي "حلال" - خخخخخ
أنا: لا خفيف دم! 
طربش: بعرف
أنا: فكرك لما نرجع الأردن الوضع التدويني حيظل هيك؟ و اللا شو؟
طربش: بالأول مش حتكون فاضي بس شوي شوي حترجع لطربشناتك
أنا: و الله مفكرلك أعطيها سبات مرة ثانية...
طربش: قارئ صامت؟ again!
أنا: آه
طربش: لأ، دخيلك! مش ناقصني إنفصاماتك! خليك هيك ....... أريح و أسهل
أنا: فِكرك؟ 
طربش: طبعاً 
أنا: تا نشوف
طربش: لا نشوف و لا بطيخ... 
أنا: بس برضه و لا عملنا إشي من الأهداف للسنة الحالية، هذا غير الأهداف المرحّلة من السنة الماضية!
طربش: و عاملي فيها إدارة وقت و كزا! 
أنا: تذكرنيييييييييييييش!
طربش: ....
أنا: ......
طربش: زاكي الشاي.. و مالو الشاي 
أنا: تفتحليش موال! و موشحات هسا!
طربش: حاضر "يقطع الديكتاتورية، عأساس صوتك اللي حنون يعني"
أنا:  و لا! سمعتك
طربش: متأسف سيدي
أنا: خلص بيكفي، قززنا الناس! صح؟
طربش: صح!
أنا: عرفوا إنا و لا حبة!
طربش: قصدك تأكدوا! لأنو الشك موجود من اول و تحول عن الكثيرين لمعرفة بس بدهم دليل
أنا: الله عليك شو SUPPORTIVE
طربش: خرطوش فردك أنا 

أنا: خلينا نطبعلنا كم صفحة بهالكتاب المزمع نشره عام 2020!
طربش: مش غلط و برضو اشتغل على ال proposal
 شوي! صار جاييك 5 حالات رفض من الجامعات يا ساقط!"
أنا: أففففففففففف
طربش: الحق علي!
أنا: الله يريحني من نقك!
------
كتبها في نصف قواه العقلية "المتبقية أصلا ً" ... هيثم الشيشاني :) ، و ما تخافوا... داااااائما ً في أمل في العلاج 
---
لمن لا يعرفه؛ فطربش هو   هنا
---
نعتذر عن عدم إمكانية تقديم خدمة الترجمة حاليا ً! :)

هناك 32 تعليقًا:

  1. كانوا نحنا ناقصنا انفصام؟؟؟
    و
    ....متأكدين من زماااان وبندعيلك :ربنا يشفي:)

    ع فكره ...طربش هو البرايت سايد من شخصيتك ...دمه خفيف المهضوم!!!!

    ردحذف
  2. الحمدلله إنك جاي ع الأردن
    عنا بال " فحيص" مستشفى متخصص بإستقبال العباقره أمثالك وأمثال طريبش

    خنشوفك مكتف بالأبيض يا عمو المفصوم

    ردحذف
  3. هههههههه مش غلط انه يكون عندك انفصام بس غلط تتركه هيك من دون علاج:)
    هونها ينهون ان شاء الله وركز هلا ع الطلبات ورح نعذرك!

    ردحذف
  4. يا طُخُّه يا إكسر مُخُّه، ما فيش حل وسط؟

    ردحذف
  5. طيب... المشكلة عندي أكوام أكوام شغل قدامي والمشكلة الأكبر ما الي نفس أشتغل... خليني أخلص هالمهام وبرجع بعطيك رأيي الشافي المعافي بإذن الله هههه...

    انت بتقعد لحالك كثير يا أخ هيثم... ابعد شوي عن عمو طربش و ابحث عن متعة الحوار مع أشخاص حقيقيين لهم آراء لم تسمعها أو تأثرت بخبراتك السابقة (زي عمو طربش).. بدك تجديد... مش أكثر.. هذا رأيي على عجل... رايحة مشوار وراجعة

    ردحذف
  6. بشكر صالح باشا و بس!
    و البقية = تا أفهم شو حكيتوا و بعدها بكون حكي ثاني :انفصام: لأنو حاليا ً :)
    و أسيل ,,,, تهديد يعني و اللا شو؟ :)

    ردحذف
  7. ناقص هالنص شوية بوشار
    وقعدة سينيما

    ردحذف
  8. رجعت بس مش مطولة.... هذا طربش ويلا هيثم؟؟؟ اه تهديد! بحكيلك طربش رفيق سوء ما تمشي معه لحد ما ينعدل! خذ إجازة منه. وإذا ما رضي احكيلي وأنا بتفاهم معه

    بدي أروح... أكمل أكوام الشغل. سلاااااااااامز.... برجع

    ردحذف
  9. there was a time I got so addicted to the net but I healed my self :D not going back there again !!! so r u addicted ? :P

    ردحذف
  10. وضعك صعب عالاخر...الله يعينك عليه ...هو من زمان معك؟؟؟

    الحكي اللي فوق لطربش طبعا :)

    ردحذف
  11. أسيل: بالانتظار و بعدها بعلّق مرة وحدة :)
    ---
    سمسم: طيف!؟ النجدة ...
    ----
    ويسبر: جرررررررررررررررررررر

    ردحذف
  12. الشكر لكل من يتفهم معاناتي معه!

    الصبر الصبر!

    ردحذف
  13. الله يعينك...اذا اسمك بطل يعرف يكتبه صح....شو بدك تعمل؟؟؟ بدك تستحمله على كبرته

    ردحذف
  14. شايفة يا ويسبر!
    مستقصدني حتى بهاي!
    حجته طبعا ً إنو تعبان و مسطّل و إنو أصلا ً لازم يكون نايم بهالوقت ... الخ!

    بس السبب الحقيقي = كلنا عارفينه!

    ردحذف
  15. كلنا عنا (طربش) (:
    واحيانا بنحتاجه.. مش غلط (: بس المهم مايصير هوي الوحيد اللي في حياتنا ونحكي معه هوي بس ...
    محسوبتك كمان ( مفصومة) !!
    بعين الله (:

    ردحذف
  16. والله حوار جميل بس بعض الكلمات ما فهمتها .. الترجمة هامة يا دكترة

    ردحذف
  17. حوار مع النفس شي حلو

    بس مو للدرجة

    اوعك هيومة تشوفك بهيك حالة

    اوعك تعمل هالحوار بصوت مسموع خلي بصوت صامت
    ومكتوب بكفي

    بس جد لقيت في هالحوار شوية ابداع

    ردحذف
  18. هيثم

    حالتك طبيعية جدا ومنتشرة بكثرة هذه الايام
    عادي ...عادي بتصير باحسن العائلات
    لزلك
    لا تهتم ولا تبحث حتى عن علاج
    لانو اذا انت اتعالجت ... مش رح تقدر تكمل مشوارك
    في الحياة ولا تعرف تتعامل مع الناس
    لا رح تفهم عليهم ولا هم رح يفهمو
    عليك "" قال يعني كانهم فاهمين عليك ""
    ... لانه الكل متلك
    بس ما حدن عنده الجرأة انو يعترف
    احييك على شجاعتك سيدي
    ولا يكونلك فكر

    70 سنة وبتهون
    لوووووول

    ردحذف
  19. رصاصة: كلنا في الطربشنة ماضون :)
    ---
    كريمة: أشكرك ، و الترجمة سأضيفها ، و لا يهمك :)
    ---
    زينة: :) أشكرك ، هيومة إذا بتشوفني بتحطني بمصحّ مباشرة!
    الكلام "بصوت مسموع" موجود و بكثافة للأسف
    ---
    أمل: 70 سنة! الله يسعدك، طول عمرنا بيحكولنا 100 سنة، لووول .. أشكرك على الكلام :)
    ---
    آرثر: أهلا فيك و أشكرك

    ردحذف
  20. طبيعي جداا ..لا يوجد إنسان لا يتحدث وتدور أفكار مع نفسه قرأت في كتاب للتنمية البشرية..إن كل لما الإنسان تكون أفكاره إيجابية التي في حقله كل ما يقدر ينجز أكثر وأكثر وبرجاء الابتعاد بشدة عن الأفكار السلبية لان حتي الإنسان إذا ما اقتنع بها ..فهتأثر بشدة ع حياته..
    نأتي لموضوع النت...النت هو جزء بسيط من حياتنا..
    لا يفترض أنه يكون كل حياتنا..
    تتابع 200 مدونة ..وعندك مدونتيين ..ماهذا كله..!!
    التدوين هذا لإخراج أفكارك وتحل محلها أفكار جديدة عن نفسي مقتنعة بهذااا..لكن ليس معني ذلك أن نجلس طول النهار والليل نتابع ..حقيقة لا أتابع الإ ما يجب انتباهي وفقط ...غير ذلك ..لن أتابع..وغير ان حياتنا فيها ناس لهم حق علينا..أصل أنا في بداية دخولي للنت ..كنت مندمجة جداا في النت..لكن اكتشفت ان كثرة الاندماج لا تكون جيداا..
    ويبدو اني بتكلم ف موضوع تاني غير اللي حضرتك تقصده هههههه
    عذراا هناك كلمات لم أفهمها ..

    ردحذف
  21. فكرة طربش حلوة
    قبل فترة ذكرتني قريبتي انه كان عندي صديق افتراضي لما كنت بالتوجيهي و اسمه حسن بس مش قدرت اتذكر تفاصيل هالشخص نهائيا بس شوي شوي تذكرت انه كان يساعدني لما اتفاهم مع حالي
    حاليا عندي صديق بدون اسم اسمه "صاحبي", كل شي برقبته :)

    ردحذف
  22. ياسمين: أظن أن عندي وقت فراغ كبير بل و هائل على مستوى ً يومي! هذا هو السبب (أقصد بالمتابعة لعدد كبير من المدونات) - سأحاول أن أضع ترجمة :)
    ----
    نور: طربش أكثر من فكرة! إنه منهج حياة ، لووول

    بس لما الافتراضي يصبح شماعة فذلك "شوي" خطير :)

    ردحذف
  23. w ana mfakreh 6arbash wa7d sa7bak 0_O

    ردحذف
  24. مزبوط كلامك
    والمشكلة بتصير كمان لما الحياتين يتقاطعوا سوا
    لازم الواحد يفصل بينهم قدر الامكان

    وبالتوفيق يا رب :)

    ردحذف
  25. أبو زينة: فصل مؤقت بأحسن الأحوال بس!

    ردحذف
  26. السلام عليكم
    كلنا لابسين طرابيش قصدي عنا طربش لكن تختلف درجة الطربشة من شخص لاخر بالنظر إلى الأجواء المحيطة فيه .

    شافنا الله جميعاً

    ردحذف
  27. الإربدي: عندك شي وصفة منيحة :)))))

    ردحذف
  28. حلو حوار الذات هذا استمتعت ورسمت ابتسامه علي وجهي سعيده اشوفك مستمر تدون لا للسبات

    ردحذف
  29. ههههههههههههااااااااااااي ولا إشي :)))) وطربش فاتح مدونة كمان يا حبيبي !!!! على ما أعتقد لمل تيجي عالأردن مش راح تفضي تحك راسك ^_^

    ردحذف