صحيح اليوم هو عيد القدّيس عمو فالنتاين بس معلش، تحملونا بهالبوست :) "صحيح؛ بيصير القدّيس يكون حبّيب؟ همممممم" المهمّ ..... :)
---------
تنبيه: هذا إدراج قديم كتبته في 2008، كان من أواخر الإدراجات التي كتبتها قبل "عزلة" الكتابة و الانصراف للقراءة في عالم المدونات قبل العودة الميمونة "مين ميمونة؟" :]
و بصراحة، غيّرت في العنوان و كنت بصدد إلحاق الإدراج بالتعليقات التي وردت في حينه و لكن عدلت عن الفكرة لأنه ببساطة كانت معظمها -بالنسبة لي- غريبة (أتذكر أن كوكبة من ال"حمشين" صبوا وابل هجومهم عليّ و اتهموني بأنّي أرمي من وراء كلماتي للسفور و الاختلاط السايبريّ المحرّم...يااااااااااااااااه... كيف عرفوا!!!!، لوول) و لم تضف كثير شأن ٍ لفحوى الإدراج و مع هذا كلّه أتمنى أن تذكر/ي رأيك هنا بكل أريحيّة
-------
قبل فترة كان هناك وسم/تاغ life is good award و كان به أحد الأسئلة يقول: "هل تدوّن بصفة مجهولة أم لا، و هل تودّ أن تبقى مجهولا ً لقرّائك، و لم؟ + قبل بضعة أيام كان هناك جار لنا قد أحضر ابنه الصغير معه (5 - 6 سنوات على الأكثر) إلى المسجد في صلاة العشاء و بعد الصلاة أخذ جدّ الصبيّ بالمشاكسة معه و كذا اللعب، و سأله: "من أنا" فانطلق الصبيّ مجيبا ً إنت جدو ... و هذا أبويا و اسمه.... و يمّا مو هِنا.. بالبيت و اسمها ... و هنا جاء دور الجدّ بالانطلاق و وضع يده على فم الصبيّ و منعه من ذكر الاسم! طبعا ً بطريقة هاذرة و لكنه قال: "أسكت، لا تفضحنا!"
بصراحة هذان الموقفان أعادا لي أفكارا ً عديدة و أحببت أن أعيد نشر شيء ٍ قد كتبته مع بعض التعديلات الطفيفة :)
--------------------
لماذا نلاحظ عدم مناداة الرجل لزوجته باسمها أمام الناس / على الهاتف / ... و الاستعاضة عنه ب:
- أنا مع العيلة
- و الله مع الولاد
- طالع برّه و الله... آه أم (فلان) أو أم العيال معي
؟؟؟؟؟؟؟
هل ذِكر الأنثى جريمة عندنا؟ و أقصد بالذِكر أن يتم و لو مجرّد التلميح بوجودها معنا، باسمها، بأحد صفاتها.....؟
نحن مجتمع ذكوريّ، مااااااااااااااااشي... و شرقيّون، ما اختلفنا ... و دمنا حامي ... أوكي
و لكن ...
هل ذلك من باب الغيرة يعني؟
هل ذلك يحط ّ من شأن المرأة "لدينا" و لو بلا وعي من قبل الرجال
هل هو جزء من موروثات اجتماعية/دينية؟
هل هو مجموع كل تلك العوامل + غيرها؟
هل تقبل المرأة ذلك؟ هل يعجبها/يسوؤها ذلك؟
هل يحدث ذات الشيء في مجالس النساء مثلا ً؟
ببداية العهد بالتدوين كنت -بصدق- لا أفهم لم لا تضع المدوِّنات أسماءهن ّ و لا صورهنّ (معلش، كنت ساذجا ً أكثر حينها) و لكن مع الأيام ..... can you blame them!
الآن أستطيع أن أفهم لم و لكن في نفس الوقت أجده أمرا ً غير مبرّر...
وضْعُ صورة ٍ قد يكون ما يزال ضمن "التابوهات" و لكن على الأقلّ الاسم! الاسم الأول أعني، أيجب أن تستخدم الأنثى اسما ً مستعارا ً؟ أهو الحلّ الأنسب في ظل وجود حيوانات "آسف!" كثيرة ذكوريّة-لا-رجوليّة في مجتمعاتنا؟ ألا يندرج ذلك تحت مسمّى/تصنيف "إذعان" بطريقة ما؟
طبعا ً سهل على شابّ "ذكر" الخوض بموضوع مثل هذا و لكن للحقّ أردت أن نتكلم حول هذه المسألة و نرى انسحاباتها و كذا أسبابها الرئيسة بغية الحصول على أجوبة قد تساعد في جعل المسألة أكثر سهولة في التعامل.
فما رأيكَِ ؟ :)
فقط أحبّ أن أنهي بالقول أن ْ لا حكم هنا، أقصد أن من تضع اسمها/صورتها أفضل/أسوأ من التي لا تفعل. تماما ً كما هو الحال بالنسبة للذكور
و على فكرة أنا أمي اسمها مريم و زوجتي اسمها آلاء و لا أخجل من ذكر الاسم لأنه و الله شيء عاديّ ، و الله عادي يا جماعة! لا أخوات عندي و لكني لم أكن لأخجل من ذكر أسمائهنّ .... ليست دعوة لكي ننطلق في الشوارع و الحواري مهلّلين بأسماء "إناثنا" و لكن القصد ألا نضخّم المسألة و نحمّلها ما لا تحتمل! لن ينتقص من نفسي/رجولتي شيء إذا ما صدف أن سمعني أحدهم (قريبا ً أو غريبا ً) أتلفظ باسم والدتي/زوجتي ، صح؟ و اللا أنا موشّش!
أرجو أن أكون استطعت توضيح وجهة نظري و بانتظار تعليقاتكم
--------------------
في الإدراج الأصليّ كانت الصورة مختلفة و هذه الصورة في السعودية
 |
| خذلك هاظ! حاطط صورته مع مرتو و مكيّف على حالو! |
الحمشين = الغيورين "زيادة"
السايبريّ = كلمة معرّبة ل cyber
أبويا = أبي
يما = أمي
العيلة = العائلة
الولاد = الأولاد
بره = في الخارج
ماشي = حسنا ً
حامي = حارّ
معلش = بمعنى المعذرة
موشّش = كلمة عاميّة بمعنى مجنون / أحمق :)
فهمنا إنك بتصلي!!
ReplyDeleteخذلك هاظ! حاطط صورته مع مرتو و مكيّف على حالو!
ReplyDelete;-)
هيثم باشا، أظنك هون بتخلط موضوعين، برأيي المتواضع ما إلهم علاقة ببعض (ممكن يلتقوا في بعض الأحيان، لكن ما بتكون هاي هي القاعدة)، الموضوع الأول: "هل اسم المرأة عورة؟" و الموضوع الثاني: "استخدام الأسماء المستعارة أو الصور الشخصية على الإنترنت".
جواب السؤال الأول بسيط على الرغم إنه فيه ناس كثير بيحاولوا يصولوا و يجولوا فيه، و ممكن ما يتفقوا معي (و معاك)، ما دمنا لا نخجل من ذكر أسماء مثل: "خديجة بنت خويلد"، "أسماء بنت أبي بكر"، "حفصة بنت عمر"، "فاطمة بنت محمد"، فلا أرى أي منطق في ذكر أسماء أمهاتنا و أخواتنا و أزواجنا عندما نحتاج للذلك (كما أنني لا أمشي في الشوارع أذكر أسم أبي أو أخي فأنا لا أدعوا بأن نمشي في الشوارع ذاكرين أسماء أمهاتنا و أخواتنا و أزواجنا).
الموضوع الثاني: كل إنسان حر باستخدام الاسم الحقيقي أو الاسم المستعار الذي يحب، لسبب أو بدون سبب، و حر كذلك باستخدام صورته الشخصية أو عدم ذلك، فأنا مثلا أعتقد بأن معلوماتي الشخصية بما فيها صورتي الشخصية ليست للتداول العام، و لكني لا أمانع أن أذكر أي شي و بصدق عندما يكون المقام يحتاج لذلك، و هذا الأمر ينطبق على الجميع، ذكرا أو أنثى، كلٌ حرٌ فيما يظنه صوابا.
طبعا يتقاطع الموضوعان عند بعض الصبايا (لأي سبب كان)، و لكنني لا أستطيع أن أُصَوّب أو أُخطئ من يفعلن هذا، فكل واحد حر باستعماله لمعلوماته الشخصية بالطريقة التي يراها صحيحة.
بعرف إني طولت و يمكن ما حدا راح يوصل لهون، لكني رغم ذلك أعتذر عن طول الرد.
صباح الخير هيثم ...
ReplyDeleteأحييك على الموضوع الرائع، (فتحت نفسي على التعليق على الصبح)
فكرت كثيرا أن أطرح بعض القضايا في مدونتي بطريقة تحليلية، ولكنني تراجعت وفضلت أن تكون موضوعاتي بطريقة قصصية، أسرب فيها بعض الرسائل الخفية من فترة إلى آخرى، وذلك مرده إلى مقولة أؤمن بها كثيرا وهي ( هد جبل ولا تقنع تيس ) أو بطريقة ألطف ( كل مين على دينو الله يعينوا)، المشكلة هيثم أن بعض العادات القبلية والبدائية صارت ترد إلى الدين، فموضوعك مثلا اليوم لا علاقة له بالدين لا من قريب ولا من بعيد، إنما مرده على طبيعة المجتمعات التي تنشأ فيها مثل هكذا عقائد، ففي سورية مثلا المجتمع ليس مجتمع (بدواي) سوريا مدنية منذ الأزل، فهي مهد الحضارة الأموية الطاعنة في القدم، فتجد أن أمور مثل هذه ( اسم الأم والأخت والزوجة ) لا تلقى أي وزن، أما في مجتمعات أخرى ( بدوية ) فالمسألة من المحرمات بل من الكبائر، حتى في موضوع الفتاوى، للأسف غاب عن بال الكثير من العلماء الأخذ بطبيعة المجتمعات وأنماط المعيشة فيها قبل اصدار الفتوى، فتجد الفتاوى الصادرة من مجتمعات ( بداوية )حازمة صارمة قاطعة بعكس تلك الصادرة من مجتمعات مدنية والتي تكون مرنة وغير قطعية، وذلك ما سماه البعض بفقه الصحراء وفقه المدنية المضاد، الموضوع فقط يعود إلى طبيعة المجتمع من وجهة نظري المتواضعة
تحياتي لك أيها المجرم !!
شكرا على طرحك الجميل
كل الود هيثم
ولا طربش! إهدى!
ReplyDelete:]
صالح: أول و ثاني و ثالث شي: كثرلنا من ال"إطناب" المجزي هذا ، جد بحكي!
ReplyDeleteو صدقني بنقرأ ، للنهاية :) ما عليك - مو بس أنا بل الكثيرون منا
أنا معك إنو فيه خلط بس مقصود و أتجرأ أن أقول مبرّر! لأنه يوجد تقاطعات (مثل ما ذكرت أنت) + انسحابات لهذا التصرف على مناحي حياتية كثيرة و ليس فقط يوميّة.
صح؟
*** نسيت تكتب كلمة "عدم" بالسطر العاشر (حسب حجم الشاشة عندي) بتعليقك، مزبوط؟
لخمتني :)))
شكرا ً يا صالح
نادر: شهادة أعتز بها إنك تحكي عن الموضوع "رائع" :)
ReplyDeleteكلامك ممتاز و أظن الموروثات اجتماعية بكل تأكيد
فقه الصحراء وفقه المدنية المضاد و ارتباطهما بما قاله ابن خلدون "كأنه عايش معنا هالرجل!، صح؟" حقيقيّ تماما ً و ما ذكرت من أدلة برهان ماثل للعيان
بودّي أن أضيف أن سماح المجتمعات لمسائل مثل هذه للازدياد (لكي لا أقول التفاقم) يرجع مرة أخرى لطبيعة المجتمع (كعامل أوليّ) و هذا يزيد الأمر تعقيدا ً إذ أن الحلّ يجب أن يأتي من رحم المشكلة و منبعها!
لا يصحّ -برأيي- أن نحتكم إلى الزمن في مثل هذه الحالات و ... ننتظر فقط!
يسلمو على المرور يا أكبر مجرم نادريّ :)
معك حق يا هيثم ووجهة نظرك بمحلها اجد بعض الناس تخجل من ذكر اسماء زوجاتهم ولكنى اعترض واجد انة شىء عادى ان نذكر اسمائنا والدليل على ذلك ان مدونتى تحمل اسمى
ReplyDeleteتحياتى على موضوعك المميز
This comment has been removed by the author.
ReplyDeleteحكايا بكايا وشرح يطول:))
ReplyDeleteهذه شيء كتبته منذ فتره:
كرت العرس واسم المره
صورتك مع زوجتك صدمتني بس تصدق، انا كنت بتسائل انو ليش مش حاطط صورتها لهلأ؟ :)
الان انت بتتكلم عن كل المجتمعات بنفس النظام ؟؟ سؤالي لاني مستغربة انه في غير المجتمع السعودي اللي عنده هادي العادة الجاهلية .
ReplyDeleteهي عموما عادة سئية جدا و زي ماقلت ماراح امشي في الشارع و اعلن الاسم بس لما احد يسألك مافي اي اشكال لو الشخص يعلن اسم امه او زوجته او اخته.
و بعدين مانلاحظ كيف انه احنا ناخد من الدين اللي يعجبنا بس, يعني نحرم هنا و نحلل هنا و نقول نلتزم بسنه الرسول لكن نبتعد عنها لما تجي لاعلان الاسماء و هو اللي كان يفتخر بزوجاته و بناته !!!
و انا كمان اعتقد زيك انه الموضوعين مترابطين. و انا في البدايه كنت اكتب بااسم مستعار لكن الان بدات و باسمي الحقيقي لكن وضوع الصورة موضوع صعب نوعا ما خصوصا في مجتمعنا لاسباب كثيرة و ليست فقط اسباب اجتماعية.
شكرا على الموضوع الرائع :)
بديش أعلق
ReplyDeleteبدي أقراء التعليقات( الطوش الوديه) وبعدين بدلي بدلوي
هبة: شكرا ً لك
ReplyDeleteو بتمنى نحكي أكثر عن حلول! إذا فيه حلول :(
مياسي: لخمتيني لأنو وصلني على الإيميل تعليقك و لما إجيت هون لقيتك شاطبتيه :)
ReplyDeleteليش صدمتك بس؟ :)
+ البوست عندك أنا قرأته و بتذكره منيح كمان :)
وفاء: نعم عن الكل!
ReplyDelete+ بتوقع إني فاهم مسألة وضع الصورة :)
لسا بدنا "مراحل" لنوصل ل... نوصل لإشي :]
أنا معك بأننا انتقائيون بمسائل الدين و أقصد بذلك ال"ذكور" إجمالا ً ... للأسف طبعا ً :(
ليش صدمتك؟
ReplyDeleteافتللك شوي عالبلوجات الأردنية وجيبلك 5 مدونيين حاطين صور مراتاتهم :)
أم عمر:
ReplyDeleteبنسنى ال"سطل" تبعك :]
ana kman bdeesh a3alleq because if I do I will be mad and when I'm mad at such things I tend to unintentionally insult what is so called our "traditions and values"
ReplyDeletebottom line Haitham,koll wa7d 7orr b 7alo,w elly bedo yeshta'3el bil nas el nas 7ateshta'3el feiio...bent wella shab just let it go people,b7ess 7ali ba7o6 min ensaneity lama a7ky b had el mwdoo3...k2enny sha'3leh lazim tet5abba
tb wel nas elly betshoofny bil share3?
oh wait!maybe msh lazim amshy bil shari3 kman
did I just comment?I said I didn't wanna comment
aslan I didn't
v_v
مياسي: كنت أتخوث ُ
ReplyDelete:]
رين: :)
ReplyDeleteهدّي أعصاباتك
هممممم
آه، لازم ما تطلعي على الشارع! و لا تشتري إشي من أي مكان
... شووووووووووو! جامعة! هلا هلااااااااااااااا
هذا اللي ناقص!
:p
خلص أوكي.. حأسكت! :)
تعليق رقم 2:
ReplyDeleteالمدونين سايبين النت كله و قاعدين ف غرفه وحده؟؟
غريب,,حتى صال صال,, صحي بغير وقت بلده؟؟
رد رقم 2: بخور ،،،، بخوووووووووووووور
ReplyDeleteطبعاً... كلمة "عدم" سقطت نتيجة مؤامرة إمبريالية من المدعوة إم عمر، آسف. الرجاء قراءة العبارة بالشكل التالي:
ReplyDelete"... فلا أرى أي منطق في عدم ذكر أسماء أمهاتنا و أخواتنا و أزواجنا عندما نحتاج للذلك..."
مسا الخير :)
ReplyDeleteطبعًا هالموضوع بيذكرني بشغلات ومواقف كتيرة أولها وأهمها مقولة لشكسبير غريبة شوي بس هيي: الصديق الحقيقي هو الذي يخبرك باسم أمه!!
مرة كنت حاطيتها بيرسونال مسج والكل صار يحكي اسم أمي كذا اسم أمي كذا .. D:، يعني حتى شكسبير كانت على زمنو هالقصة وما كانت تنعرف الصحبة إلا بهالشغلة الحساسة تخيلوا !!
أنا إلي أخ أصغر مني بسنتين ومن فترة صار ياخد دفاتري معو عالمدرسة منشان يحل منها وهيك وصدفت انو نسي يغطي الاسم او يشيلو.. صاحبو يلي جنبو ما حكى اشي لأنو كمان هوي عامل نفس العملة بس ما خلو ولاد الصف الباقيين يشوفوا الاسماء واكتفوا انهم يسلموا على بعض من جديد: أهلين خديجة (عن أخوي) رد عليه أخوي أهلين عنود :)
بس كمان وللأسف لو انعرف اسم أخت أو أم بين طلاب المدرسة الكل بيصير يطبل ويغني فيها وهاد يلي سمعتو من شاهد عيان يعني وأكيد الشعور محرج ومش حلو، كنت مفكرة انو بس هاد الشي عند الصغار المراهقين او هيك طلع لا ممتد ومتجذر وأكبر دليل شغلة (كريمته) على بطاقات الأفراح، انا ما بشوف انو انتقاص من قيمة الرجل لو حكي اسماء يلي حولو بس أكيد بكره شغلة انو ينشار الي البنت أو هيك الأسباب ما بظن انها دينية انما هيي شوية عادات ومواقف اثرت على الفكرة وخلت الاشارة للأثنى بهي الطريقة يلي أكيد لازم تتغير، أنا بالبداية ما كنت أدون باسمي نفسه بس هي كانت مشكلة عندي بيني وبين اسمي بس بعدين اكتشفت انو ما لازم اعمل هيك لأني شخصية وحدة ولازم تكون نفسها بكل مكان...
الموضوع حلو جدا والصورة كمان والنقاش ممتع أكيد.
I would love to read your blog, but the problem is, i can't read Arabic to the degree that I would really get what your writing about. I know, shame on me. But, I have a Idea, why don't you "at times" write in English? I would like to read your stuff. :) think about it. I really thank you for following my blog. :) means a lot.. :)
ReplyDeleteصحيح...هم المدونين تاركين الشبكه العنكبوتيه كلها وقاعدين عندك ليه؟؟؟!!!
ReplyDeleteفتحت نفس نادر على التعليق على الصبح!!!
وتعليق صالح بينفع ادراج بحد ذاته!
وصدمت مياسي!
ولخمت ام عمر!
وحتى خديجه اللي عمري ما شفتلها تعليق عند حدا....علقت!!!
شو اللي صاير؟؟؟
اعترف اني قرأت الادراج ظهراً وصار فيي زي مياسي :)
واجلت التعليق للمساء على رواق
هلا كمان شايفه انه الموضوع كبير ومشلبك والافكار في عقلي الناقص متضاربه ومش قادره اصلح بينهم
لكن في فكره رئيسيه لازم اقولها :
احييك على تفكيرك وعقليتك المتفتحه
والله يخليلك الست الواااالده ...والمداااام ...و اكيد ....كريمتكم المصون.
نيسان ...بنت ام نيسان
:)
مسا الخير
ReplyDeleteوالله أنا متأخرة كتير
الموضوع مشوق
وهدا عادات عربية ما بنكر إنها قلت في كتير من المجتمعات العربية لكنها موجودة
"صعيدي طُلب منه اسم أمه لتعبئة استمارة..قال للكاتب: أكتبه ولا تنطقوش"
صورتك مع زوجتك رائعة وجريئة
أتحدى أم عمر إنها تقول اسمها
بعدين ليش نيسان نازلة بغير معرف
ليكون هدا رد غير مباشر على موضوعك يا هيتم
وبدها تخفي حتى الاسم المستعار
تحياتي لإم نيسان
على فكرة إسمي الحقيقي
زينة زيدان
للاسف اعتمادنا على العادات و التقاليد و ثقافة العيب المتوارثه اكبر من اعتمادنا على الدين
ReplyDeleteالدين ما ترك اشي وما بيّن الحكم الشرعي اله وغير الامور اللي تقاس قياس و بالعقل بتتميز...هاد بالنسبة لموضوع ذكر الاسم
بالنسبة لذكر الاسم و وضع الصوره " تخنتها" فالموضوع بختلف من شخص لاخر وبعتمد حسب وجهة نظري على المواضيع الي بتتداولها بالمدونه و اكيد حرّيه الشخص بالاول و الاخير
هلأ اذا انت بتحكي عن " قلّة مندسة" من الذكور اللي بستغلو المعلومات الحقيقيه للبنت و ان هاد ممكن انه ما يأثر على البنت و المفروض تطنش...فعيد التفكير, انا حكيت قبل عن هالموضوع ...الموضوع جدا مزعج و يقل تأثيره لاني بضلي مجهوله نوعا ما
موضوع الصور فأنا لا اثق بالعالم السايبري ابدا و حتى على المواقع الخاصه فيي و اللي باسمي الحقيقي - اه في تويتر و فيس بوك باسمي الحقيقي :) - حتى على هاي المواقع ما بحط صوري بالمره
عقد بعيدن عنك :)
ebte3raf eni ba7ebak fe allah .. jad wallah :D allah y5aleelak martak wo woladak :)
ReplyDeletetab3an ana abel ma 2a3aleq ana ba7eb aqra2 el comments .. wo ma2asaro el jama3a '3ato el jawaneb kolha .. ta2reeban .. bas dal janeb wa7ad ana bas ba2dar 2a'3aty .. lelasaf kteer men lezlam 3ena 3ebara 3an kla** abadan wo hada el mawdoo3 bertabat ma3 meet mawdoo3 '3ero .. kart el 3oros zay ma alat mayasi
wo ba el tolab bel saf ra7 ytablo wo yor2oso eza 3erfo esem o5t wa7ad bel saf ..
wo el moseebe el akbar e7na nas tatshadaq bel sharaf bas 3end as'3ar moshkele awal masabeh ebtetla3 hye masabet el o5t !!! wo tab3an hay aktar masabeh motadawaleh 3ena bel ordon masalan .. wo fe kteer sha'3lat bas ana absar leash s7eet 3al 5 am wo 3am baqra2 ur blog ..!fa bedi akamel nom .. ah ma7aket el 5olasa ana ..
el banat ma3ahom 7a2 ma y7oto sorethom aw esmehom .. hada she mafhoom ..
bas bel tali wajeb 3alehom yrabo woladhom sa7 :) good night morning eli ho :P
تعليق رقم 2
ReplyDeleteزينه ....يا خطيره
لقطتيها عالطاير ما شاء الله عنك
وصلت تحياتك الى ام نيسان الله يطول بعمرها ويعطيها الصحه يا رب ويحفظ كل الامهات بخير
هي متابعه لكم كلكم من خلال مدونتي
معلومه عالطاير... ام عمر اسمها ....عدوووووله ....ههههههه
ارجعي لبوست قديم عند ام عمر قبل حوالي شهرين
نسيت اقول في التعليق رقم 1 اني قرأت موضوع مياسي
اللي في اللينك
مياسي.........الله يسعدك ربي ...موضوعك راااائع
نْيسان بنت ام نيْسان
نيسانة
ReplyDeleteإنتي الأروع انبسطت عالصبح :))
والله اسم حلو يا إم عمر "عدووووووولة"
ReplyDeleteانا ما دخلني نيسان إلي خبرت بإسمك
هيثم خليك موجود الجماعة بلشو يتشاكلوا
نيسان عن حق أنت شو أسمك
مو عشانك بس عشان لما أنادي لمامتك
أعرف أناديها بإم شو....ههههههه
خديجة: شكرا ً إلك
ReplyDeleteو يييييييييييي .... ذكرت أسماء لإناث بتعليقك! يا ويلك :) - تخبّي منيح ، لوول
Texan, after UAE: Thanks for passing by, and I know the translation by Google is lame (which is the best available!) , I do post in English sometimes but not that much, I have another blog in which I blog in English and/or have translations for my posts in English.
ReplyDeletewww.haithamalsheehsany.wordpress.com
it will be an honour to have you there :)
*thanks for your words sis. :)
نيّسان: إيش هالحركات
ReplyDeleteلووول
إنو غير معرّف و هيك :)))
و زينة لقطتها كمان ;)
شكرا ً نيسان و بصراحة لا عقلية متفتحة و لا شي! برأيي ما في حكم هنا -برأيي- .... كل واحد "و علامو/ه"
لوول
On my way, bro. :)
ReplyDeleteHmmm, says it doesn't exist... can you email it to me? toshmelkris@yahoo.com thanks.. ?
ReplyDeleteزينة: تعليقك شامل كامل و شبه شرير :))))
ReplyDelete* الصورة جريئة؟ :) ليه؟ برأييإنها عاديّة ، لوول
ويسبر: ياعُأأأأأأأأأأأأأأأأأأأأأأأأد
ReplyDeleteلوول
معك حق بالأكيد
بدون نقاش...انا قلت متفتحه يعني متفتحه
ReplyDeleteويا ريت هالشي ينطبق على 50% من اوادمنا الشرقيين ...بتصير احوالنا احسن بكتير
بالنسبه للاسماء ....فيها وما فيها
لكن بالنسبه للصوره...اخالفك تماما...وخصوصاً على النت
انت مش بحاجتي حتى تعرف انه النفسيات المريضه اضعاف اضعاف النفسيات السليمه
وممكن اي واحد او وحده من اصحاب النفسيات المريضه انه يستغل صورتك مع زوجتك او حتى صور هيومه ابشع استغلال ....بدون ما يكون بينك وبينه اي شي او اي مشكله وبدون ما يكون بيعرفك او تعرفه اساساً
هيك لمجرد انه شرير وبس
انا ضد انه ننشر صورنا الشخصيه او العائليه على الصفحات العامه ...حتى صور اطفالنا ...كمان لا "احبذ" ....حلوه احبذ
@ whisper
ويسبر يا بطه
مدونتك من الصبح مش راضيه تفتح....حليها الله يخليكِ ...لازم اعرف ايش هو اللي طلع مفيش:)
زهير: و الله إني بحبك كمان في الله :)
ReplyDeleteشكرا ً و كلامك فعلا ً صح و حقيقيّ في بلدنا الأردنّ و بقدر أعمّم على معظم بلدانّا كمان
طيب زهر-مان شو ممكن نعمل كحلول؟ غير التربية (اللي هيه مهمة أكيد بس قصدي إحنا كناس عايشين الميمعة و هيك حاليا ً)
:)
تعليق 2 نيْسان
ReplyDeleteتعليق 2 زينة
تعليق 2 مياسي
كيف حالكم؟ :))))))))))
@.زينه
ReplyDeleteناديها يا خالتو ...يا حجّه ...هههههههههه
اي شي منك حلو
وانا بتقدري تناديني ام زينه
والله عن جد ...عندي زينه زيك ....بس صغنونه
شايفه...يا محاسن الصدف!!!!
هيثم...استحملنا ... لسه للحديث بقيه
الحمدلله عالسلامه ....صرت بتعليق رقم 4 وهي الخامس :)
ReplyDeleteده إيه الهنا اللي أنا فيه كله!
ReplyDeleteنيسان و التعليق رقم 5 عندنا
:)))))
معك حق يا نيسان و بصراحة في مساحة كبيرة لمشاكل بس أنا بطل و زرقاوي + شيشاني و مش هاممني :]
بالنسبة لأم عمر بنقدر نناديها .... و اللا بلاش ! بتطرقنا عين هساعيّات ===> (هاي كلمة لا مجال لترجمتها، آسف)
و عفكرة يا ويسبر مدونتك شكلو فيها مشكلة! مش قادر أفتحها كمان!
Texan, after UAE: sent :)
ReplyDeleteنيّسان و الكلام للجميع و لا تهونوا :
ReplyDeleteجربوا اعملوا بحث على غوغل لأسماءكم تحت تصنيف "الصور"
توني جربت و ... يا حبييييييييييييييييبي!
لووول
Thank u 4 sharing ur old posts with us
ReplyDeleteI totally agree with u and I can t find a reason for not mentioning the name or using fake pix or names
I think we only do this if we r afraid or doing something wrong
tareq: hello tareq and thanks :)
ReplyDeleteI guess it`s easier for "us" to say so but ALSO I guess it shouldn`t be like this "for females" I mean
what can be done?
how can we remedy this?
:)
يا جماعة
ReplyDeleteشو رأيكم نتكلم عن حلول
و بنوع من التفصيل ، إنو مو عموميات
أشاء ممكن نطبقها و هيك بخصوص هالمسألة
بانتظار آراءكم (ما عدا ويسبر!)
The solution should come from the females themselves
ReplyDeleteThey should do something they are now a rising power they call for equality for ages they compete with men in all aspects
استاذ طارق....اشجيني اشجيني!!!
ReplyDeleteاستنوني....رايحه اجوولكم وراجعه
لول ولول ولول
ReplyDeleteبعد الجوجله والتمحيص
شيشاني....ما هذا الانتشار!!!!اشهر من نار على علم ما شاء الله
و
اكتشفت مدونه تانيه اسمها نيْسان على الووردبرس بس مدونتها مهجوره من ال2008
وشوية صور من اللي استخدمتهم للبوستات وغير هيك....برااااءه
اما
الاستاذ طارق ...الله يسامحك...فوق ما سامحناك على بوستاتك "ال"anti feminism"ومشينالك اياهم بدون تعليق ...جاي تقول سمثينغ رونغ ...!!!
بما ان هيثم طلب مني ما ابدي رأيي فانا مضطره فرحه اني ابديه :)
ReplyDeleteهلأ موضوع التدوين بالذات و باسم مستعار ما بنفردو فيه البنات بس, في شباب بدونو و حتى بتعاملو عالمسنجر والايميلات بالقاب
بالنسبه الي اكتر شي بعجبني بعالم التدوين هو اني بكتب براحتي بدون اي قيود وانه ما حد بعرف عنها, ما بكتب شي بخجل ابينه او احكيه للناس لاني بكتب تفاصيل حياتي اللي برضه مفلتره و لكن في اشياء ممكن اني ما اطلعها كلها للانسان اللي قدامي من اول مرّه, فليش انا اعمم حالي بحيث لو اي حد بعرفني دخل مدونتي بالصدفه يكشف تفاصيل حياتي فقط لاني مسهله عليه وذاكره اسمي
ومعظم المدونين و المدونات اللي بكتبو باسمائهم بكتبو عن مواضيع عامه و ليست خاصه و حتى لو كتبو عن مواضيع خاصه بتكون مش عن شي اساسي بحياتهم و تفاصيلها غير ان نسبة هالمواضيع بالنسبه لمجموع التدوينات بكون جدا قليل
معظم لان الاخ المناضل العميد الركن المتقاعد دائما فوق الطبيعي بتصرفاته :)
ملاحظه ع الهامش
:( وانا بقول ليش ما حد علّق و حكالي سلامتك
:"( فكرتكم صرتو تكرهوني زي ام عمر اباااااااااه :(
عالعموم انا رجعت للعنوان القديم لحين حل المشكله
www.2esas6arma.blogspot.com
ييييييييييي نسيت احكي اشي تاني :) يلا خلينا نعبي تعليقات
ReplyDeleteان الموضوع من وجهة نظري مش مشكله اساسا لنلاقيلها حل بالنسبه لموضوع المدونات
اما في الحياة الحقيقيه فالمشكله في "بعض" عقول الذكور و لحلها بدك شغل كتير لتقنعهم
تعليق رقم 3- اللهم حسد وغيره وذياق عين كمان
ReplyDeleteوسؤال قبل ما أدلو ب سطلي
إذكر أكم من مره ذُكر إسم إم عمر في النصوص أعلاه وأحصل على رطل كعك هووم ميد ؟؟
باكرهكو :(
طارق: أنا معك بس هالخطوة بدها دعم منا إحنا كمان ، صح؟
ReplyDeleteنيسان: بعد التعليق الثامن إحنا بنصير ناخذ فلوس! ألا هل بلغت
ReplyDelete:]
أنا قلت غوغلي حالك بس مو أنا :]]]]
و طارق بيحكي صح! هون و كمان على مدونته ! إه
ويسبر: بدنا نحل المشكلة على المدونات + بالمجتمع ،،، آه :)
ReplyDelete"و لحلها بدك شغل كتير لتقنعهم" .... ما ورانا شي.. تفضلي :)
أم عمر: عدد المرات = عمر ويسبر ناقص 238746874683763896
ReplyDelete+ ذرات الحسد اللي في صدور البعض * عدد الكعك الذي انوعد فيه صالح
و شكرا ً
السلام عليكم
ReplyDeleteمرحبا جميعا :) ابو هيام .. في السابق كان عندي فضول كبير اشوف ام هيام D:
هيثم امي طالبه مني انتبه للطبخ واندمجت في قراءت الموضوع ونسيت التوصيه ... حاولت اخفي الجريمه لكن اذا الوالده انتبهت بتكون انت السبب هههه
موضوعك دايما في بالي ومعقدني لان المجتمع اللي عايشه فيه يرفض ذا الشي. يمكن ما بيكون لزوجتك اي مشكله لو ذكرت اسمها لان انت بالنسبه لك الشي مافي اي مشكله
يعني الاساس من الرجل اذا سهل الامور ... وبالنسبه لي حاولت احصل سبب مقنع من الرجال اللي حوالي عن السبب
كل اللي فهمته ان مايصير يذكر اسم الانثى حفاظا عليها من كلام سيء...
لما قررت اعمل لي مدونة كنت قاب قوسين او ادنى من استخدام اسمي في المدونة
لكن بعدها تراجعت ولا زلت افكر في استدام اسمي ... وعدت نفسي لو احقق شي يعتبر انجاز بالنسبة لي بتكلم عنه بأسمي...
وايضا احيانا لما اكتب اشياء واحداث في الجامعه اخاف احد يعرفني ويتكلم
خاصه اني كذا مره تكلمت عن دكتور عندنا تعاملها يقهر...
ويشل عام كل يوم افكر في استخدامي للاسم الحقيقي في مدونتي يعني الله اعلم يمكن في اي لحظه اغير رايي هههه
سلمت على الموضوع
أنا مرئية: و عليكم السلام
ReplyDeleteانحرقت الطبخةةةةةةةةةةةةةةةةةةةةةةة
لوووول
أنا أشكرك لكلامك و تعليقك و بتوقع كلنا متفقين أنه درءا ً لأي احتمالات لمشاكل فالبعض يفضل عدم ذكر اسمه/ا
و برأيي أن ذلك هو فيصل الموضوع! إذا قلت شيئا ً صحيحا ً فلم لا تتقبله مني؟ و إذا أخطأت فانصحني و شاورني :)
الكلام سهل طبعا ً و لكن برأيي أنه بجهد ذاتيّ من كل شخص و باستمرارية يمكن الولوج لأساسات المشكلة و بالتالي البدء بحلها :)
هاي المقالة هون قلبت شات !! اللهم لا حسد
ReplyDeleteبس على فكرة انت ذكرتني بايام المدرسة ، كان الاستاذ يجيب ملفات الطلاب عشان يتأكد من المعلومات اللي عليها ، و كان اسم الام مكتوب على الملف ، فكان حتى الاستاذ يحكي "لما انادي على الطالب بيجي يوشوشني اسم امه" !!!
بس زي ما حكى صالح باشا ، اسماء امهات المؤمنين معروفه ، فحبكت على اسماء امهاتنا !!!!
الشغلة التانية بالنسبة لوضع الاسماء الشخصية في المدونات للاناث ، ما اعتقد انها فكرة مليحة ابدا !
lah ya naysan..
ReplyDeleteana ma 2olet eshy
Haitham akeed sa7
مساء الخير
ReplyDeleteشو الأخبار ؟؟
هاي رابع مرة بكتب نفس الكومنت !! كل مرة بعطيني
error
وبروح الحكي كله !!!:(
في المرة التالتة قررت آخد كوبي قبل ما أقوم بأي حركة ... وفجأة عمل ريفريش للصفحة قبل ما أخلص :)
اما هالمرة ... فقررت اكتب عالنوت باد وبعدين كوبي بيست هووون :))
حدقة ... بعرف :P
ندخل بالموضوع ...
صراحة هاد الموضوع لازم يضل ينطرح للنقاش لحد ما تنحل المشكلة ... ان شالله تنحل !!
انا زمان كنت افكر انه الناس ما بحكو اسماء أمهاتهم لأنه اسمائهم مو حلوة ... مشان هيك كنت احكي اسم ماما عادي "بدون حرج" لأنه اسمها أحلى من اسمي :)
مرة اكتشفت انه أخوي مسجلني عالموبايل باسم
Y !!!
ولما سألتو: ليش ان شالله ؟؟؟؟؟
قللي والله ياسمين ازا صحابي بمسكو الموبايل و بشوفو اسم أختي ... مصيبة !!!
فعرفت انها مش مسألة "حلو ولا مو حلو" - بما اني يعني واثقة من حالي و بعتبر اسمي حلو - :)
الحل:
انا برأيي الطابة في ملعب البنات .. ولا بد من جمهور من الشباب للمساندة
يعني انا ما بعرف كيف البنت بتقبل ما ينكتب اسمها في كرت عرسها !!! مفروض تعترض حتى لو ترتب على اعتراضها تأجيل العرس ...
"بس تأجيل" :P
كمان نحنا كصبايا لازم نتبع أسلوب الزّنّ "التكرار لدرجة التسبب بالملل" ونضل نطرح الموضوع للنقاش متل ما قلت سلفاً
ونعبر عن استياءنا منه و نقول لأي درجة بحسسنا بالإهانة !!
وكمان ازا الشباب بطرحوه بعملو معروووف .. لأنه البنات بأثرو بطريقة و الشباب بأثرو بطريقة تانية
يعني هيك ازا بنلعب 4-4-2 ... ان شالله بنفووز !!
بس لازم ننتبه انه الموضوع مش سهل و راح ياخد وقت طويل .. لأننا عم بنحاول نغير وجهة نظر مجتمع بأكمله ...
لأنه اللي ما بعرف يجاوب ليش ما بذكر اسماء إناث عائلتو بقلك "عادات و تقاليد" !!!
يعني متلها متل اكرام الضيف لمدة 3 ايام !!!
وأخيرا ... بحييك هيثم لأنك انتبهت للموضوع و طرحتو ... مع انك شب يعني !!
وبحب اقلك انت على راسي و ... مية مية !! :)
كمان "وأخيرا" ... الصورة حلوة كتير ما شالله ... الله يهنيكم يااا رب
بس على فكرة انت ما بتشبه حالك في الصور ... الله وكيل كل صورة شكل !! :P
كمان "على فكرة" ... اسم امي عبير ... للي صار عندو فضول يعني :P
اول شي الموضوع كتير عجبني انو وجهة نظر وبتصور كل البنات بينقهروا من هاد الموضوع , صراحة انا ما عمري واجهت هاي المشكلة بعيلتي ابدا يعني بابا بيحكي اسم ماما عادي كتير و كتير اوقات بدلعها حتى قدام الناس "امولة " بس انا بعرف انوا هاي المشكلة موجوده لأنو مرة في ناس حاولوا ينصحوا ماما انها تحكي لبابا انوا ما بسير ينادي عليها بأسمها قدام الرجال !!!! بس ماما طنشت طبعا..
ReplyDeleteبالنسبة لـ من وين هاد الشي بدأ .. مابعرف بس اكيد مو موروث ديني بدليل انوا بالدين كان ينذكر اسماء امهات المؤمنين وغيرهم من زوجات الصحابة و بهداك الزمن كانوا النساء يختلطوا مع الرجال عادي -وان كان البعض ممكن يعارض هاد القول- فلية بدوا يكون ذكر الأسم حرام؟!
اما بالنسبة للبنات اللي ما بيكتبوا اسمهم بتصور انوا الأغلب مشان ياخدوا راحتهم بالكتبات والتعبير عن الرأي وهيك بس ممكن يكون في جزء منهم مشان اخوها او ابوها ما يعصب انها حاطة اسمها او صورتها
بالنهاية الحكي بهاد الموضوع بطول وانا حاسة حالي طولت بالحكي .. بس هالشي عم يتغير بتصور او على الأقل بتصور انوا عم يتغير :)
بالنسبة للبنات إذا بستخدموا هاي الطريقة طبعا لأ بتلاقي كل وحدة بتكرر اسم زوجها قد ما بتقدر :p
هيتم
ReplyDeleteأححمم
بس حبيت أمر هون
ولاخد نصيبي من كعكات أم عمر
ما تنسوني
أنا بضيف يا لي بيعرف عدد ذكر نيسان بالتعليقات
إله عندي أكلة مفتول
مفتووووووووووول
عارفينه هاي أشهر أكلة فلسطنية
يا خوفي نيسان نفسها مو عارفاه
:)
ReplyDeleteآه ...مهي نيسان مولوده بالريف الانجليزي ...وعايشه بالريفييرا الفرنسيه
انا عاوزه مسخن ...ما ليش دعوه
وهذا أخر تعليق لي هون....التعليق الجاي بدو عليه مصاري الشيشاني :)
السلام عليكم ..
ReplyDeleteاحم احم << لزوم الابتداء بالكلام !
أولا الله يخليكم لبعض والبسمة اللي ع شفاهكم بتظل دائماومابتفارقكم... ياريت كانت الصورة ثلاثية , يعني معكم هيومة(:
بالنسبة للموضوع , الحل بإختصار انو يفتح الرجل دماغه والمرأة تبطل إذعان( لأبوها/أخوها/ زوجها) خصوصا في الأمور اللي هي حرية شخصية وماحدا إلو حق يتدخل فيها !
قصة ذكر الاسم أنا وحده من الناس كمان محيرتني , إنو شو العيب اللي في القصة ..بيقلك مرة واحد بدويسافر سألوه لما كان بدهم يكتبو بينات وهيك .. ما اسم السيدة اللي معك؟ قام قال: سجل عندك أ ل أ ه ل !! :]
بالنسبة للي ذكرت عن انو ليش مابنحط صورة او نكتب الأسم الحقيقي ... بعتقد انها ترتبط بالحرية الشخصية مش ضروري أنو من ضمن " التابوهات" ... أحيانا بتختار إسم غير إسمك لأنك تحب هالاسم أو مرتبط عندك بشئ معين وهكذا ...
لو بدك تجي تناقش المواضيع اللي هي في ما يسمى بعاداتنا وتقاليدنا تُصنف تحت مسمى"عيب" راح تتعب ومش راح تلاقي الحل بسهولة ..
في كتير نقاط حابه احكي عنها والموضوع شيق بس الأغلب ذكروها الأخوة والأخوات قبلي فا مافي داعي للتكرار ..
وكمان الصباح مش كتيرالواحد بيحب يحكي :D
جايي عبالي قول " حواء تريد إسقاط العادات والتقاليد" !!!
قلت "حواء" لأنها أكثر شي مخنوق دينها من هالعادات والتقاليد ..!
صباحكـ ياسمين..
نيسان على راسي
ReplyDeleteومسخن كمان
الشيشاني بنرشيه بأكلة مفتول
بدل الفلوس
بوليت أنت كمان معزومة
وهنا
والكل
دكتورنا: شايف بالله - الحركة نار هاليومين عندي :]]]]
ReplyDelete- طيب يا دكتورنا ليه مو فكرة منيحة؟ أكيد في أسباب... متفقين على هالإشي
بس نظل هيك و اللا نحاول معالجة الأسباب؟ :)
طارق: طيب يلا ادعم! فيه صندوق تبرعات هون ;)
ReplyDeleteياسمين ال"ثوريّة": شكرا ً لك و نعتذر عن الخلل! هذا أكييييييييييييييييييييييد مساعدي غير الكفء طربش! أنا بورجيكي فيه.
ReplyDeleteكلامك و الله ممتاز و يا ريت نحكي شوي عن أمثلة و تفصيلات :)
شو رأيك؟
إنت حكيت شغلة مهمّة ... عن أخوك و قضية "مصيبة"
إبدئي من عنده :تحريض: و إحكيلو إنك مو "Y" :]
هناء: شكرا ً لك ، طيب ليه " مشان ياخدوا راحتهم بالكتابات والتعبير عن الرأي.." و لمتى هالحكي يعني :)
ReplyDelete- الموضوع طويل و شائك و لكن مستاهل -برأيي- الغلبة :)
+ لوول على آخر سطر :)
زينة: ذكرتيني بستي الله يرحمها و جميع أموات المسلمين لما كانت تناديني "هيتم" ، لوول
ReplyDeleteأنا المفتول بيعملي نفخة! لأني باكل كثير منه دائما ً :]
و عدد ذكر نيسان = 43 (زينة بلشت تعدّ!) :P
و أنا مستعد للرشوة طبعا ً ، و لو! :]
و بالنسبة لكعكات إم عمر فشايفة الدور الطوييييييييييييييييييييييييييل اللي هناك.. آه أيوه .. هذاك .. خوذيلك رقم و صفي آخر وحدة لو سمحت :]]]]
نيسان: بدك تعمليلنا مسخن؟ مااااااااااااا أحسنك :P
ReplyDeleteبس معلش قللي من الصنوبر و كثري لوز إذا سمحت لأنو الصنوبر بيرفعلي السكر (و بعدين اللوز أرخص!) لوول
رصاصة: حواء تريد إسقاط العادات والتقاليد
ReplyDeleteلوول
شكلو بدها ثورة و ما بحلها إلا هالإشي
- الله يخليلك حبايبك و شكرا ً إلك / هيام كانت مشغولة يومها بال"سحاسيل" / الأراجيح يعني :]
لا هيك كتير يا جماعة حاسة اني غبت سنة عنكم
ReplyDeleteشو هالادراجات القوية هاي ؟؟؟؟؟؟؟؟؟؟
اولا الله يخليك لعيلتك ( الاء و هيومة )
و يخليهم الك
تاني شي بالنسبة للاسماء و ذكر الاسماء لا هي عادة عربية ولا اسلامية
لانو النساء حتى بالجاهلية كانوا يفاخروا بانسابهم مع ذكر اسم الانثى و لو ما كان هيك لما سمعنا شي عنهم
و بعد الاسلام اظن انو اسماءنا مش اكثر شرفا من اسماء زوجات الرسول ؟ لنخبيها
و لا احسم من اسيا و لا مريم اللي ذكروا بالقران
انا بحس انو الموضوع نفسي شوي و خاص ببعض الاماكن و المدن
يعني لو والدة الواحد او مرتو بشتغلوا بمكان عام لازم يعملوا اسم متخفي بالشغل ؟ مش عارفة بس بحس انو هاي الامور فيها مرض اجتماعي و ما فيها اي التزام اخلاقي او بعد ديني ابدا
تخيل بالشغل يحكوا ( عيلة فلان او حرمة فلان تعالي المديرة حرمة فلان بدها اياكي :))))
و قصة الاسم او الصورة بالمدونات عليها اختلاف
يعني لما قررت يكون الي مدونة حبيت يكون الي فيها جو خاص جدا بعيد عن ال...... مش عارفة بس بحس انها شي خاص في انا و بدون اي واقع او حياة
لهيك ما حطيت اسمي لكن في الفيس بوك حاطة اسمي و اسم العيلة و صوري و صور العيلة
صحيح محدود على معارف و ناس خاصيين كتير
بس مع هيك ما بحس بهاي القيود
و يا سيدي انا اسمي لبنى
ما اظن اني ذكرت شي مهم
و بفرق عن جفرا
المهم اني انا نفس الشخص و بس
:)
تحية لهالادراج بفش الخلق
مساء الخير ...
ReplyDeleteانا بالنسبة الي رح افتح الموضوع مع اخوي و نتناقش اكتر و اضل وراه لحد ما يكتب اسمي عالموبايل و اقنعه انه ما فيها اشي لو انزكر اسمي ان شالله قدام الوالي :) اسمي مش عيب !!!
طبعا زمان وانا صغيرة كنت اخانق ليش بابا و ماما ما بنادوهم ابو ياسمين و ام ياسمين ... بما اني الكبيرة !! فمرة أخوي "نفسه" قللي انتي مش معروفة بالحارة ... اهلا ياسمين !!!
و فكرت وقتيها : اه فعلا انا ما بلعب فطبول بالحارة اكيد ما حد رح يعرف مين ياسمين !!!
"جد كنت هبلة !!" :P
بس هلأ عم بفكر ... ما هو لو عادي ينزكر اسمي كان انا معروفة .. وعمليا انا فعلا معروفة ... يعني انجازاتي اهم من انجازاته "بس طبعا هو بغار مني لأني اشطر منه :P" مشاكل عائلية يعني !! :P
المهم ...
اه صحيح ... هلأ اتزكرت ... بتعرفو هداك اليوم حتى صاحبتي لما حكيت اسم اختها قدام شب في الشركة زعلت مني !!!!
بس في المقابل عنا شب في الشركة ... محترم جدااا و ملتزم كمان و لما يحكي عن مغامراتو هو و مرتو و ابنو الزغنون ... بحكي عنها باسمها حتى لو في الف شب قاعد !!!!
جد ... صار نفسي اعرف اساس هالمشكلة !!!
بالنسبة الي جد قررت اكون ثورية ... "التحريض" جاب نتيجة :P
من اليوم و رايح ما رح اخللي الموضوع يمر من قدامي الا افتح نقاش فيه لو مين ما كان اللي بحكي معه لأنه لا الدين ولا العقل ولا المنطق قادرين يساعدوني بتفسير هاي الظاهرة ...
حبيت "الظاهرة" ... بصراحة مع الشيشاني :P
هلأ رح أشير البوست على تويتر و فيسبوك و رح أطرح سؤالين واحد للشباب و واحد للبنات ... لأني جد نفسي اعرف شو المشكلة بالزبط !!!!
يا جماعة لو كل واحد يعمل دراسة صغيرة عنده عالفيسبوك و ع تويتر و وين ما بدكم ... خلينا نجمع اراء الناس بهالموضوع ... و خاصة الشباب ... بلكي طلعنا بحل منطقي و بعالج المشكلة "من جذورها" ...
شو هاد يا !!! زودوها !!! :)
روي البخاري ومسلم عن عمرو بن العاص رضي الله عنه أن النبي صلى الله عليه وسلم بعثه على جيش ذات السلاسل ، فأتيته ، فقلت : " أي الناس أحب إليك ؟ قال : عائشة ، فقلت : من الرجال ؟ قال : أبوها ، قلت : ثم من ؟ قال : عمر بن الخطاب ، فعد رجالاً " .
ReplyDeleteلم يقل "ام العيال" و و لم يقل ابو بكر بل قال "أبوها"... :))
بحبو هاد الحديث... يا سمين ردي فيه على أخوكي..
موضوعك جميل ..جد انا كمان بستغرب من اللي بخبو الاسم أو مثلاً على كرت العرس بكتبو "كريمته" بدل اسم العروس...:D
ياسمين: حلوة ===> "انتي مش معروفة بالحارة" ، لووول
ReplyDeleteشكرا ً ياسمين على الجهود الثورية :)
و بتمنى فعلا ً نوصل و لو لأطراف حلول
يمامة: شكرا ً لمرورك و كلامك عين العقل
ReplyDeleteنتمنى الوصول لأجوبة حول لماذا و أيضا ً "كيف" نحل المسألة
يعطيكم العافية
ReplyDeleteاذا عرف السبب بطل العجب، ببساطة الشباب بيستحوا من اسم اخواتهم وامهاتهم لانه اخلاقنا زبالة، يعني ببساطة اذا عرفوا اسم اخته او امه بصيروا يسبوا عليه مسبات وسخه ويجيبوا اسم امه او اخته بالنص وبصير الموضوع يجرحه اكتر، عشان هيك ما حدا من الشباب بحب يجيب اسم اخته او امه بانص، لانه معظم الشباب التانيين للاسف لسانهم زبالة، للاسف.
الموضوع مش جاهلية، الموضوع اخلاق، قبل ما نسأل حالنا ليش ما بنحكي اسماء اخواتنا وامهاتنا، ليش احنا ما نطرح موضوع انه ما عنا اخلاق من الاساس؟ ليش لسان الشباب وسخ اصلا؟ هدي الاشياء هي اللي بتخلي الوضع كله هيك (زباله) ..... اللسان الزفر
غير معرف: معك كل الحق، لو فيه أخلاق كان ما بيحدث هالأمر من أساسه.
ReplyDeleteو كذا الأمر لكل السلبيات في الحياة
طيب، ما العمل؟
:)
dino wipes 3arag on her forehead after reading hal laf comment i would write in arabic but my arabc typing is so slow wa bidi aktb katheeeeer! sooo awalan... i remember when i first saw your blog i was surprised at how you had photos of you daughter (bint haitham 3ashan ma a7keesh ishimha shhhhhhh and i thought wow he is not like many other bloggers.
ReplyDelete3ala mawdooo3 il yesamo il set " UM flaan wa 3ilaan" i hate it so much. its supposed to be for them to be more respected by calling them by UM thier son. What if she doesnt get a BOY? what is she does not have children? ya3ni shu she is called by her NAME
*CROWD GASPS WITH FEAR
ياللهول!!!
i hate it the most when someone calls his WIFE ya UM flaan even at home!.. ya3ni i feel it is a formality and should not me used bayn il zowj wa martoh and it also brings me to the thought that sometimes you dont choose your sons name and your husband does and you dont like the name fa takhayal being calling it kaman everday
And about the photos. i am personally someone who shares too much on my blog and facebook and i keep getting comments from people telling me" walek sheeeeli il suwar balash tin7isdeeee wala 7ad yu6rugek 3aynnn" i would share more photos in my blog but its just i feel some photos are just not meant for the whole world to see.
but what i hate most is those who have facebook accounts and look throgh everones photos and just have tom &jerry or wardeh as thier profile picture. its like come on one picture is not going to kill you
my view on this point is i leave the house everyday and many strangers get to see me and well as long as i am mu7tashemeh wa and wearing hijab i dont see anything wrong. unless if the person seeing me is a pscho or a stalker then.... that is another story..
i ger ger wayed buttt i must say love ur pic ma3 il madam Alaa2 is a lovely name and Allah ykhaleeko la ba3d. i used to wonder why you dont mention your wife in your blog :)
سيماهم في وجوههم الله يبعد عنكم المخهم كندرة
دينا: شكرا ً على التعليق الممتاز
ReplyDeleteو أظن بعد قراءتك للتعليقات أم المعظم هنا موافقون على النقاط الأساسية
فعلا ً غريب -لجيلنا على الأقل و من بعده- أن يتحرج الزوج من ذكر اسم زوجته/ابنته/ ...
أمهاتنا كانوا لا ينطقون باسم أزواجهم حتى داخل البيت !
و لكن لم؟ أقصد الآن لم ما نزال حساسين لهذه الدرجة؟
هل من ينادي باسم شريكه/ته يعتبر مخطئا ً أو لا يغار أو شيء كهذا؟
بودي أن نشخص الأسباب الرئيسة و نعمل على تطبيق حلول و لو مبدأية
* كلامك عن الفيس بوك متفق معه تماما ً مع أني لا أملك حسابا ً هناك و لكن المنطق هو ما ذكرته
** شكرا ً على الكلام الجميل عن المدونة يا مدمنة الشوكولا"ط"ة
*** خذي دورة طباعة عربي :P *هيثم يفر هاربا ً*
wow.. quite speechless really! Love your post! How did I miss it all this time?! Well like they say, better late than never...
ReplyDeleteI admire your way of thinking.. Living in Morocco, I wasn't aware of this phenomenon before I "discovered" the arab world either through movies, series, programs on tv... we don't have this problem here (at least I think we don't).. You know what angers me the most? Is that this is done under a "religious" cover! while Islam is far from asking us to behave like this: our prophet (peace be upon him) was asked by one of his companions (a *man*) among other companions (also *men*) who was the person that he loved the most, and he said Aïcha! And that was more than a century and a half ago... Puts us quite to shame doesn't it?
May you and Alaa be blessed and may God grant you Love and happiness, both in this life and in the hereafter.. Amen.
ayceel:
ReplyDeletethank you so much for yr input
:)
I`m glad that things r not like that in Morocco
:)
------
شكرا ً على الدعاء :)
و لك بالمثل
قبل فترة كنت افكر بنفس الموضوع, بالتناقض اللي بنفكر فيه او بالاصح ما بنفكر بالمرة, يعني ايش اللي خلى العيب عيب, و وين ضرره, بس حدا يفهمني, المدونات لا يكتبن باسمائهن ليس خوفا من الاسم بل خوفا من الافكار, تخيل انه الناس عرفوا اني بفكر مثلا و بفكر شوي غير عنهم, هاي فضيحة على اعلى المستويات, مثلا انا بنت عادية مرات نادرة بمسك كتاب عشان اقرأة صار اسمي الغريبة, كيف لو اكتب افكار بحرية و باسمي
ReplyDelete