Hello there! and welcOme

Ghiya Rushidat - Rouhani

23 Sept 2010

New driving "theme"

قبل يوميْن و أثناء توجهي للكلية "http://www.tvtc.gov.sa/Arabic/TrainingUnits/CollegesOfTechnology/kmct/TrainingDepartments/admin/Pages/TrainingMembers.aspx(حيث من المفترض أنني أقوم بتدريس بعض الطربشات هناك) :DD، لقيت سيّارة قادمة من الاتجاه الآخر، و مع أنّ أولوية المرور لجهتي فإنّي توقفت (و هو درس صعيب تعلمته أثناء مكوثي هنا في السعوديّة).. المهمّ أن السيارة الأخرى مرّت.. المصيبة أن السائق كان يقرأ الجريدة! و لو أنه كان يقرأ أو يتصفح بيد و يسوق بيد "مثلا ً" لكان أمرا ً شبه مقبول حتى في دولنا العربيّة، و لكنّ صاحبنا هذا كان فاردا ً لأجنحة الجريدة أمام المقود و يقرأ -بشغف-! بصراحة أوّل مرة أرى مثل ذلك... لا أودّ هنا أن ألمّح بأن قيادة السيارات في الأردنّ أفضل و لكن أن تقرأ جريدة! يعني أي و الله كثير... مو هيك الاستهتار.
أنا لم أجد نفسي إلا و أنا أطلق وابلا ً من الزامور عليه، بس المشكلة و لا عبّرني! :( ...

أتذكر الصيف الماضي عندما كنا في إجازة في الأردنّ، لم يبق شخص ٌ واحد ٌ لم يعلّق على طريقة قيادتي للسيّارة! بصراحة أنا من الناس ال"مُمِلّين" في قيادة السيّارة... أعطي إشارة "غمّاز" كل مرّة / أتوقف على الإشارة حتى لو كانت الساعة الثالثة صباحا ً / أخرج قبل 10 – 15 دقيقة أبكر من الموعد للوصول في الوقت المحدّد و لكي لا أضطر للإسراع في حال حصول أي ظرف ما / ...

عائلتي / عائلة زوجتي / أصدقائي / كلهم أخبروني بأني تغيّرت و إلى حدّ خطير في القيادة و أني مشروع "انتحار" على الشارع!
أظن أن الواحد يتعوّد على نسق القيادة في المكان الذي يسكن فيه إلى درجة أنه لا يعود قادرا ً على التمييز + الوعي بذلك.

الفترة الماضية أخبرتني زوجتي بأني عدت للإسراع و مشاكسة السيارات الأخرى و هلمّ جرا...

و فعلا ً بعد أن بدأت أحصي و أنتبه لممارساتي اكتشفت أني سائق "سيء" :(

و هكذا... وضعت ورقة في السيارة، فيها من البنود:

1-   السرعة .... خط أحمر!
2-   الزامور ... ليس له داع ٍ
3-   حزام الأمان ... أوليّة ... لأيّ "مشوار" يأخذ أكثر من دقيقة -  يعني دااااائما ً :)
4-   عدم المجادلة و المشاكسة مع أيّ كان (من شهر نيسان إلى الآن تخانقت مع 3 أشخاص! خناقة خناقة يعني! للأسف)
5-   الاستغناء عن حق الأولويّة في المرور و عدم العصبيّة من جرّاء منحها للآخر
6-   عدم قطع الإشارة و هي صفراء... أبدا ً
7-   عدم الخناق مع الجيران إذا استولى أحدهم على مكان الاصطفاف الخاصّ بنا

كتابة الورقة أفادتني كثيرا ً و كذا مراقبة زوجتي للتطبيق في كل مرّة نخرج سويا ً ... للأسف القيادة هنا ...صعبة! للغاية.
هناك مظاهر سلبيّة متعدّدة ليس أقلها السرعة الجنونيّة + قيادة ال"أطفال" الرعنة لسيّارات آبائهم.

أتمنى و أدعو أن يسلّم كلا ً منكم من الحوادث... صغيرها و كبيرها.

أتذكر كلام أحد الناس عن السيّارات: "مركبات قتل مع وقف التنفيذ المؤقت"

السلامة أولا ً و ثانيا ً و ثالثا ً و داااااااائما ً.

أرجو من الكلّ أن ت/يلاحظ ممارساته/ه القياديّة/السواقيّة و أن يطلب ممن حوله أن يساعدوه/ا في الملاحظة، و أن يتخذ إجراءات مناسبة للحيلولة دون وقوع حادث قدر الإمكان.

راقب/ي نفسك، و كن بأمان أكثر :) :)

9 comments:

  1. هاد أخوي بيضل يقلّي بس تاخدي رخصتك لازم أعطيكي كورس نذالة مشان تعرفي تسوقي بالاردن0_O
    XD

    ReplyDelete
  2. هلأ ما حد بنكر ان السواقه عنّا بالاردن عجبه, لكن بالخليج الله يعينكم, يعني هون مهما اسرعو الا ما يلاقولهم حفره, مطب, اشاره, حفريات, دوريه سير
    فمهما اسرعو بالاخر بتتلاقى انت واياهم على شي من هالاشياء

    لكن عندكم شوارع فاضيه - مش دايما فاضيه بس همه هيك بشوفوها :( - و واسعه و سرعات مخيفه

    الله يحمى الجميع و يا ريت الكل يحط بباله النقاط اللي حكيت عنها و انا اولهم :$

    LOOOL @ Rain's comment :)

    ReplyDelete
  3. انا الكل بحب يركب معي .. لآني مش بطيء الا شوي .. بحكولي بحسوا انهم برحلة استجمام .. بصيروا يتفرجوا من الشباك و يستمتعوا بالمناظر الخلابة .. لول
    هو يادوب صرلي سنة ونص ماخد الرخصة اصلا:)

    ReplyDelete
  4. Great! You took a step forward and try to amend your driving mistakes.
    But I thought you are much calmer than having fight with others beside the road lol.
    But seriously some drivers are just like pigs!
    May Allah protect you and all Muslims from road disasters. Amen
    Kind regards

    ReplyDelete
  5. This comment has been removed by the author.

    ReplyDelete
  6. عم يسوق و هو بيقرا جريدة على اساس الثقافة و الاخبار عندكم في المنطقة مقطعة حالها وو لا في عادة غريبة هي رفعة الرجل على الكرسي
    و هو عم يسوق
    عن جد شي بحزن

    ReplyDelete
  7. شكرا ً للجميع
    rain:بدك شي 10 كورسات مكثفة تا تصمدي هون!

    whisper: معك حق، و بتمنى الكل يعدل بأسلوب قيادته/ا

    ahmad:أنا و إنت بنتنافس بالبطء شكلو :]]] ، أصدقاء سواقة أنا و إنت

    rationality: try 3 yrz here and we shall talk! ;)

    jafra: معك حق، الثقافة مقطعة حالها! و عن شغلة رفع الرجل، و الله كنت حأتكلم عن ذلك :)))

    ReplyDelete
  8. انا بقول السواقه بالاردن كانت بتحنن زمان شويه ,,بس هلا مو بتجنن,,لا بتقتل على طول ,,,مو معقول أديش كل يوم حوادث ووفيات ,,,بس الاخ هاد الي بالسعويه بدنا نعذره يعني الاخ يمكن زي بل غيتس يعني ,,ما عندو وقت يقرء فيه الا بالسياره لأنو بس يوصل الشغل يا حرام مخه بيشتغل على طول ,,,المهم ربنا يحفظنا من كل سوء ومن كل سوق سياره كمان ويبعد عنا الفحيطه والمخمساتيه كمان تقبل مروري كمان مره وكمان مرات ,,,لأنو مدونتك جميله أخي

    ReplyDelete
  9. @ kholood
    أهلا ً بك و مرحبا ً كمان مرّة :)

    صديقنا المعجوق لازم نعذره ، أكيد وراه مسؤوليات! أنا بصراحة اعتقدت أنه شاب صغير السنّ بداية ً و بقرأ أخبار الرياضة يمكن! بس و الله مبيّن رجل و عنده عائلة،،، يلا منيح اللي عدّت على خير.

    شكرا ً لك

    ReplyDelete