Hello there! and welcOme

Ghiya Rushidat - Rouhani

15 Sept 2010

helloOoOoOoOoO


هيام باتت تنام وحدها الآن، جهزنا لها غرفة مستقلة أخيرا ً. طبعا ً أول ليلتيْن كانتا هلاكا ً و لكن مع بعض الصياح و الصبر و توحيد الجبهة المشتركة تغلبنا على قوات هيام الدفاعية.
الاستراتيجيّات من شاكلة (بدي أشرب، بدي أروح عالحمّام، بدي آكل، بدي ألعب، بدي أنام جنبكم "بس" شوي، ...) تم تعطيلها بسلاح التطنيش + كمشة صبر :P

طبعا ً هي ما تزال "تزحف" إلينا مرة أو مرتين كل ليلة و لكن بشكل عام ّ فزوجتي و أنا فخوران قليلا ً بالإنجاز "النصر" الصغير ... نصر بنسبة 80% ليس سيئا ً مع وحش مثل هيّومة :D

الأطفال عالم مثير و معقد (لا جديد في ذلك)، يعرفون "أزرار" كل واحد يتعاملون معه و بسرعة،
 أحاول أن أتكلم معها و أسألها بطريقة غير مباشرة عما يجول في ذهنها، أخبرها عن أشياء حدثت معي و هم مسافرون مثلا ً و أدخل في تفاصيل "أطافيلية".
أعتقد أكثر من أي وقت ٍ مضى، أن هيام من النوع الذي لا ينجح معه الأسلوب المباشر في هذه المسائل "شو مالك بابا؟ / احكيلي ليه زعلت و ركضت بعيد؟ / ..." <== لن ينجح معها!

اختلف عليها الجوّ العامّ ، أنا أعلم أنها تحتاج ل"وجوه" جديدة + أطفال من عمرها. الأطفال يملون من ماما و بابا عفكرة، حتى لو لبّيا كل طلباتها... أظنها الضريبة الأكبر للغربة!
أول ما استقبلني في هيام عند عودتها من الأردنّ كان عينها المنفوخة من جهة الجفن و كذا يداها و رجلاها من قرصات الناموس :( ، تمّ التهامها ليلة السفر و هكذا كان.

عندها حساسية و أي قرصة تنفخ بشكل مخيف و لكن الحمد لله تختفي الآثار بعد يوميْن على الأكثر.


 و بعض ال"قرصات" القديمة:







بسرعة:
تحية كبيرة و عطرة لزوار هذه المدونة ال"صامتين" :)
الكثير منهم من الذين تعرفت عليهم في بداية عهدي بالتدوين، بعضهم ما يزال يدوّن و بعضهم "اعتزل" و مع هذا يزور هذه المساحة.
لا أزال على تواصل جيّد معهم بوساطة البريد الإلكترونيّ و أسعد كثيرا ً بالملاحظات التي يلقونها و يتحفونني بها. و دائما ً ما تضحكني التعليقات من شاكلة: (ما معنى الكلمة الفلانيّة أو التعبير العلنتاني) :DD

أشكركم من كل قلبي
كما و أشكر كل من يزور هذه المساحة و يقرأ ما فيها. 

12 comments:

  1. الله يخليلك اياها يا ر ب كل يوم عن يوم بتصير احلى وحتى مع التفليعات احلى:)
    كل عام وانت بخير

    ReplyDelete
  2. السلام عليكم ورحمة الله وبركاته

    يا عمري ... النواميس تحبها كثير
    الله يخلي لك هيومه ان شاء الله وتشوف عرسها...
    ومبروك على الانتصار :D

    ReplyDelete
  3. سلامتها من الناموس الأهبل
    وبكره بتتعود,, ع وضعها الجديد
    كل اول وضع رح يكون عندكو ليخه رسمي
    الله يعينكم ويعينا علي جاي

    مساء الخير

    ReplyDelete
  4. ذكرتني بأختي كمان هي بتتهبر من ناموس الأردن

    وفعلا الأولاد لازمهم أولاد من عمرهم
    برضو أختي بتعاني تقريبا من نفس المشكلة لأنو أهلي بيخافوا عليها كتير

    يخليلك ياها يا ربي وتربى بعزكم :)

    ReplyDelete
  5. ماشاء الله حبيبتي كبرانه :)

    مهو هيك الناموس بترك الكل وبروح عالاطافيل :(

    ولاد خواني هيك بصير فيهم بس يجو عنّا

    مهما حاولنا نكون قراب من الصغار بضل بدهم حد بعمرهم يلعبو ويتعاملو معه

    بتزكر بنت خالتي اخر العنقود و هي صغيره لمّا كانت تزعل انها لحالها خواتها اللي اكبر منها ب 20 سنه يحكولها انهم بلعبو معها, تحكيلهم لأ انتو بتلاعبوني مش بتلعبو معي :(

    ReplyDelete
  6. دمها عسل هيك كانوزا يقولوا ليصبونا على قرصة الناموس
    الله يخليلك اياها و اقناعهم عن جد بدو صبر

    ReplyDelete
  7. مشاء الله عليها كبرت :)

    الله يحفظها لك يارب ...
    ومبروك الجبهة الموحدة :)

    ReplyDelete
  8. شكرا ً لكم جميعا ً و إن شاء الله يخليلكم حبايبكم و يرزقكم/نّ بالذرية الصالحة.

    و إن شاء الله ما حدا يتقروص! :)

    ReplyDelete
  9. This comment has been removed by the author.

    ReplyDelete
  10. This comment has been removed by the author.

    ReplyDelete
  11. Oh poor she!
    May Allah protect her for you
    She looks totally different coz of mosquitoes but still so cuuuuuuute:)

    ReplyDelete