Hello there! and welcOme

Ghiya Rushidat - Rouhani

24 Nov 2017

update; an ouch version


ب 21 - 11 كان قد مضى سنة بالتمام على موعد مناقشة الدكتوراه. مشاعر غريبة بصراحة، غريبة جدًا

ما احتفلناش ولا حدا اتذكر أصلًا! *أسافين للمستقبل* 


اللي أهم من هيك؛ ب 13 - 11 تعرضت لحادث بالسيارة (بواسطة؟ بدون باء أصلًا؟) 
الحمد لله ما صار إشي خطير بس السيارة تضررت كثيرًا. حادث غريب ويمكن مضحك حبتين. الآكس تبع الإطار الأمامي اليمين (الصبايا اللي مش فاهمات .. عليكن بغوغل.. أو إم عمر) انكسر وأنا بسوق just like that  وضربت بصبة إسمنتية 


وانقلبت السيارة 
ترا را رااااااااااااااااااا

وهينا عايشين :)

كنت لحالي وما فيه سيارات لا أمامي ولا خلفي والحمد لله ، ما حدا صار لو إشي 


بعض الأضرار




تذكروا: حزام الأمان ولا للسرعة حتى لو تأخرت شوي ونحمد الله على اختراع ال 
airbag


وبالأخير...
صور فرايحية شوي








hp = harry potter


11 comments:

  1. ألف سلامة عليك هثيم :) كنت ناوي أبعثلك رسالة عتاب عشان حابب أطلع معك بس هسا حسيت بالذنب. دير بالك عحالك في المرات القادمة

    ReplyDelete
    Replies
    1. الله يسلمك يا رب :)
      انعجقت بهالشغلة وما صحلي ولا حتى أحكي معك تلفون!

      Delete
  2. ألف سلامة عليك أبو أنس، هيك صار بدك طلة هاها

    الاكس انكسر معك فجأة؟

    ReplyDelete
    Replies
    1. ليكون قصدك إني كنت مسرع!!
      :P

      الله يسلمك يا رب، الحمد لله اللي إجت عهيك. آه والله فجأة انكسر!

      وعفكرة
      هاي الأغنية زبطت
      :)

      Delete
    2. قصدي احتمالية انك تكون مهمل في الصيانة يا دكتور.
      انا مش خبير بهاي القطع بس كنت بتوقع مش ممكن ينكسر لحاله بدون مقدمات
      والحمدلله ربنا لطف فيك

      اه، لاحظت المقطع، خاصة اني كنت مستغرب انك ما غيرته هاها

      Delete
    3. كان لازم أشوف يمكن لما اول ما سمعت (صوت) غريب بس المشكلة كاينة بشيء آخر تمامًا وعلى جهة اليسار. فالكسر حدث فجأة بالفعل!

      ما غيرت المقطع وطلبت من غيا ترجعه عالساونكلاود ومنيح اللي رضيت :))

      Delete
  3. الحمد الله على السلامة هيثم!
    كويس يلي اجت على هيك فعلاً، كان ممكن يكون سيناريوهات تراجيدية أكتر بس الله قدّر ولطف

    الله يعوضك خير

    ملاحظة على الهامش:
    عملت حالي مش شايفة مقطع (الصبايا اللي مش فاهمات .. عليكن بغوغل.. أو إم عمر)
    حاولت ما أعلق نظراً للجو العام بس ما قدرت

    تنذكر وما تنعاد :)

    ReplyDelete
  4. الله يسلمك يااااااااااااا رب
    الله قدر ولطف، الحمد لله والشكر لله

    ما دام (لاحظت) اللي انكتب، فشو رأيك وتعليقك وتوصياتك طيب؟
    :))

    ReplyDelete
  5. أنا فرحت وقلت 16 تعليق والناس لسا بتدون والدنيا بخير...

    لقيتها كلها سبام من شركات التنضيف... له له :-D

    الحمد لله على السلامة، ومبارك الدكتوراة...

    متابعة جديدة قديمة... آخر عهدي في أيام ما قبل هنا... أيام ما كان في بس هيام وببو أنس...

    مدونتك بتطمن انو في اشياء بالدنيا/في الدنيا ثابتة...

    نور

    ReplyDelete
    Replies
    1. أهلين يا نور. الله يسلمك ويبارك فيك وبعمرك.

      المدونات عم تموت، ولاد الفيسبوك ما خلوش لأي حدا أي مجال على الشبكة العنكبوتية :)
      وعشان هيك شركات التنظيف شغالة منيح، ترتيب، تنظيف، تعزيل البيت التدويني بأكمله!

      شكرًا لتعليقك وإنك لسا هون على المدونات

      Delete