Hello there! and welcOme

Ghiya Rushidat - Rouhani

13 Dec 2011

هناك 11 محافظة في الأردن خلا عمان يا ... عزيزي/عزيزتي

الثلاثاء الماضي ، كنا بهذا المكان ، نناقش هذا الكتاب (أظن!) ضمن هذه المبادرة الطيبة 


المهم، عندما غادرنا، تمشيت مع صديقي المدوّن الرائع جابر، صاحب مدونة أنا عربي، و مررنا بمنطقة وسط البلد - عمان... كان الوقت ليلا ً ، حوالي التاسعة.


و تعرفت أنا، شبه العظيم أنا، على مطعم هاشم "أخيييييييييرا ً" و كذا على كنافة حبيبة الذي بجواره  (لم نجربهما و إنما مررنا مرور الغرباء) :] 


و زدت إلى حصيلة معارفي: كشك الجاحظ للكتب و الروايات 


أنا لا أعلم عن مدينة عمان الكثير، و لا أعلم "طقوسها" و لا أماكنها، لا العتيقة منها و لا العصريّة... أنا من الزرقاء ، و عشت 6.5 سنة في إربد "مرحلة الجامعة" و هما مدينتان كعمان، و الله :) 
و كذا هناك -صدقوني- مدن أخرى عديدة في الأردن ... 


أتضايق عند اختزال الأردنّ بالعاصمة عمّان... سمه/ا حقدا ً طبقيا ً ، لا أكترث و لكن لكل مدينة / قرية في بلدنا قصة و حكاية 
لكل منها أسرارها و أماكن تجوالها الفريدة :)


صار لنا حوالي ال 5 أشهر في الأردن الآن ... و للآن أسمع من الكثيرين الكثيرين (و بعضهم يقطن خارج عمان) أسئلة من شاكلة: 
"متى رجعت عمان" / "زمان إلك بعمان" /... الخ 


أنا أعلم يقينا ً أن جلّ الحياة بكافة أشكالها تتركز في عمان و لكن .... 
و لكن ... :] :] 


صديقي جابر ذكر أن أزكى صحن حمص/مسبّحة هو عند مطعم هاشم،،،،


                                          




 لم أجرّبه بعد و سأحكم بعدها و لكن لم يجرّب هو و لا غيره 
مطعم أبو العبد في الزرقاء و لا مطعما ً في منطقة الهاشمي في إربد (لا يحضرني اسمه الآن!) ... 
لا يعلمون الحواري السبعة الخفية في وسط البلد - الزرقاء 


و لا الحيّ الشرقيّ في إربد بكل مفاتنه و ألقه 


مدينتي الزرقاء مكتظة، هي مجمع سكان الأردن كما أحب أن أطلق عليها و الاكتظاظ زاد بشكل لا يطاق و لكن لا أبدّلها بأي مكان على وجه البسيطة
إربد مدينة لن أنسى هوائها العليل ما حييت، ذكرى الطياشة و السهر 
-----
ما أحاول قوله.. بل بوحه أنّ لكلّ منا "أمكنته" ... لم أحسّ بازدياد اختزالنا لحياتنا في عمان و أن أردننا هو عمان؟ 





10 comments:

  1. :)
    اظن انا وحده من الكثيرين الكثيرين ...مش اظن متاكده اني سألتك هالسؤال من قبل وذكرت عمان تحديدا!

    العفو والمغفره والسماح منك هيثم شبه الاعظم...كل مدننا وقرانا الاردنيه على راسنا من فوق ومطعم ابو العبد على راسنا هو التاني لكن بحكم عادتنا نحن العمانيين كلمة عمان هي الاقرب لالسنتنا.
    هذا اللي اجاك عاد ...روح طير!

    ReplyDelete
  2. ياسلام شوقتنا للزرقاء انا اعشقها لانني نشأت وترعرت فيها وانا الان في الحبيبة مدبنة العقبة

    ReplyDelete
  3. القصة ومافيها أنو أهل عمان بموتوا في اللعي
    أما حضراتكم ما عرفنا منكم حد أو ما عرفنا منكم الكثير
    كان عمي سفو يحكي عن الرصيفة بنسبه منيحة
    بس بجد ما بسمع أو بقرأ كتير عن محافظات تانية

    يعني بالله حضرتك هيثم الأكرم شفناك شي يوم مستفرد في بوست بمدينتك الشماء؟؟
    هه ,, إزن مين الغلطان؟؟

    ReplyDelete
  4. @moh hafifi:
    welcome to my modest space :)
    ---
    نيسان: خلص، اشتريت جنحان صيني بس نخب منيح و بدي أجرّب الطيران :)
    ---
    صقر العقبة: هلا بالزرقاوية :)
    أنا عمري ما وصلت العقبة! كيف الوضع هناك؟
    خبّرنا.. :)
    ---
    نورنياتي: و الله أنا بلع عن الزرقا كثير :)
    و كنت بلع أكثر بمدونتي السابقة بس ما حدّش بيقرأ، صدقيني :)
    يعني لو أقول: "ليش ما تدوروا يا عمانيين عن مدن ثانية، هي النت موجود" بتضربونا، صح؟ :]
    المسألة باختزال جلّ الأردن في عمان... برأيي

    قضية مركز-أطراف ... بامتياز :)

    ReplyDelete
  5. هيثم
    انا كان نفسى حقا ازور الاردن وقد تحقق حلمى ولكن على حدودها وانا فى طريقى الى الحج برا
    ولشد ما استحسنت جميل البعض الذى صادفنى وهو يحمل الصواتى من السندوتشات يعزمون بها على الحجاج
    ما اكرمكم ايها الاردنيين وما اعطفكم قلبا ورقة وحنان
    الفاروق

    ReplyDelete
  6. فاروق: الله يسعدك :)
    هذا الكلام السنة هذه؟

    مبارك الحج على كل الأحوال

    و خبرنا إذا زرتنا تاني :)

    ReplyDelete
  7. و الله شوقتني لاربد ، زمان عنها ، هات نعمل زيارة خاطفة ليوم ؟!

    :)

    ReplyDelete
  8. دكتورنا: إيدي فزنارك
    :)

    ReplyDelete
  9. يابيي ما أحلى اربد :) ولا بيوت الحي الشرقي.
    المطعم اللي قصدك عنه "مطعم فلسطين" ؟
    كلامك مزبوط ..بس من جهة اخرى أنا ما بعرف عن الأردن غير اربد(ومش كلها) وقلعة الربض والمدرج الروماني بجرش وأكمن جهة بعمان !! نفسي أطش بهالبلد بس ما باليد حيلة :/

    صار مجال تقرأ هذا الموضوع؟ :
    http://beamman.com/best-of-amman/activities-a-recreation/341-top-10-things-to-do-under-10-amman-ara

    أنا بعد ما قرأته اجا عبالي أفكر بقائمة بتخص اربد..بس ما عرفت ألاقي أشياء كثير... اكتبلك قائمة عن الزرقاء بلكي زرناها يوم إن شاء الله.

    ReplyDelete
  10. قروية حالمة: إربد بتجنن أكيد
    ، مش متأكد من اسمه بس النزلة الجاي بروح و بتأكد و بلتهم عندو كمن إشي :] ، بمعية دكتورنا وحل... :)
    تفضلي معانا ، لول

    قلعة الربض و المدرج الروماني = أغرااااااااااب بالنسبة لي! :]

    - الموضوع قرأته من فترة و ما جربت منو إلا المشي السريع :)

    و إن شاء الله بحضر قائمة عن الزرقاء، بس بدها شوية رواق :)

    - عفكرة صارلك شي 10 أشهر ما كتبتي كأنو! كل سنة بوست مثلاً :)

    ReplyDelete