Hello there! and welcOme

Ghiya Rushidat - Rouhani

15 Mar 2011

الإدراج الثالث لهذا اليوم.... ماما دلال


 آخر فترة كثر الكلام على بلوغر عن الحموات! ف ..... قررت أنا -هيثم الأول- إني أحكي عن حماتي :)
حماتي الرهيبة "رهيبة بالمعنى الإيجابي للكلمة" اسمها دلال، من الجيل الذي تزوج بعمر صغير "18 سنة" ... عندها 6 أولاد ، 3 صبية و 3 بنات، و زوجتي آلاء أكبرهم.
أنا تعرّفت على حماتي قبل زوجتي! آه و الله لا أمزح... لم أقابل آلاء إلا بعد بضعة شهور من معرفتي بها.
أنا لا أناديها إلا ب "ماما دلال"، و لا أخجل من ذلك :] مع أنها لا تكبرني كثيرا ً بالعمر.
هي الآن عند أخيها في بلجيكا! "أخبط :D " و حاليا ً تمرّ بفترة انعدام وزن :( ... الله يفرّج عنها كل همّ و يريح بالها.
أتذكر أننا أول ما جئنا إلى السعودية اتصلت بنا مرّة قائلة: "هيثم، ما حأحكيلك إنت عندي بمعزّة أبنائي لأنك بتعرف هالشيء، أنا متطمنة على آلاء و هي معك ، آلاء اللي هيه مش بس بنتي بل صاحبتي و أختي ... بدي أحكيلك إنو إذا يوم طلبت منك إنك تجيب آلاء للأردنّ في زيارة فإنك ما توافق ، أنا عارفة إني حأشتاقلها موت بس حتى لو طلبت منك هالطلب فلا تقبل و ذكرني بالحكي اللي عم بحكيلك إياه الآن، ماشي؟"   أنا و الله ما عرفت شو أحكي! ما بنسى تلك المكالمة أبدا ً!

أنا مدين لها بالكثير الكثير و الله و أحبها جدّا ً.





المخلوق اللي بالصورة هو/ي .... نعم! هيام!!
عمرها يوم أويومين، مو متأكد :)
----
أخبط = بمعنى ahaaaaaaaaaaaaaaaaa
بمعزّة = الحيوان الذي يصدر صوت  : ماااااااااااااااااااااااااااااااااع :]]]]
متطمنة = مطمئنة
حأشتاقلها موت  = سأشتاق لها كثيرا ً
هالطلب = هذا الطلب
·        اللي عنده/ا اعتراض على الترجمة تراجع rain مسؤولة الترجمة المعتمدة لدى هذا البلوغ :Pp

15 comments:

  1. بدك تحطلنا صور العشيرة كلها ليكون!

    ReplyDelete
  2. بدي اعلق هون وبس عشان عجبتني ماما دلال
    الله يسعدها مش باين عليها انها ماما ولا حمايه اصلاً

    اربع ادراجات....توووو متش علينا
    انت فاضي....احنا نووووووووو

    روح طير

    ReplyDelete
  3. هيثم عم "يحاول" يطير

    .....
    ...
    ..
    .

    *يسقط* ..

    آآآآي

    ReplyDelete
  4. She sounds and seems adorable
    b7eb el mamat el 7noonat ana <3
    w she looks sooooo much like your wife
    allah y5aleelak kol el bet7ebhom yaaa rab

    ReplyDelete
  5. طيب طيب خلص....فهمنا انك مرضي و مقطّع حالك مناحه و ماما دلال اللي واضح انها مش عارفتك منيح بتحبك :$

    كيف يعني "و حاليا ً تمرّ بفترة انعدام وزن"!!!

    ReplyDelete
  6. الله يخليلك المحبين يارب
    الخير باق في أمتي
    وجد قصة غريبة إنو بنت عمي نفس الشي حماها وحماتها وبتحكيلي بستغرب لما أسمع حد بيشتكي من حماته

    ReplyDelete
  7. له له له
    سلامتك!
    انا قصدت روح طير على الغدا...
    مش تطير من الشباك:)

    ReplyDelete
  8. على الغدا آآآآآآآآآآآآآآه

    *يبعث بفاتورة غرفة الطوارئ و لكن الفاكس متواطئ مع نيّسانة!*

    ReplyDelete
  9. مطر: يييييييييييييسلمو
    كل الأمهات حنونات بس مرات بالنتقائية ، لوول "مزحة"

    *يمكن بيقربو لبعض، مشان هيك في شبه! :pP

    ReplyDelete
  10. ويسبر: ما هو لازم أعمل دراما كل فترة! أبيزبطش غير هيك معي :]

    انعدام وزن: شوية مشاكل + مسافرة و بعيدة عن بيتها و هيك :(

    ReplyDelete
  11. نورنياتي: و يخليلك حبايبك إن شاء الله
    الخير موجود أكيد و شغلة إنو العلاقة بين الأنسباء متوترة بالمعظم غير صحيحة :)

    ReplyDelete
  12. نيالك فيها :)
    الله يجعل حماتي في المستقبل مثلها :)

    ReplyDelete
  13. جعفر: و أحسن إلهي :)

    يلا شد حيييييييييييييييلك شويتين :]

    ReplyDelete
  14. ما شاء الله عليها..مبينة أصغر من انها تكون حماية وجدة:)
    وباذن الله ترجعلها عافيتها وتبعد عن الكل الهموم.

    ReplyDelete
  15. قرويّ حالم: الله يسعدك :)
    شكرا ً على الدعاء

    ReplyDelete