Hello there! and welcOme

My photo

Ghiya Rushidat - Rouhani

28 Feb 2011

مفاااااااااااااااااااااااااااااج"ع"ة

سلااااااااااااااام الله عليكم جميعا ً 


مش هوّه ..... "و استعينوا على قضاء حوائجكم بالكتمان؟" .... خلص إذن ... [إم عمر بالله تسكريلنا هالباب، في موضوع مهمّ بدنا نحكيه و خايفين إنت تطرقينا عين.... شو؟ معك الأسلحة كلهم!!! ما دام هيك اتفضلي... و لو ... قوم يا نادر قعّد أم عمر بصدر المجلس... تحرك يا أخي!!!]


here goes 


أنا، هيثم الأول، ذاهب في زيارة خاطفة إلى الأردنّ، عندي امتحان في جامعة مؤتة "جنوب الأردنّ" يوم الخميس صباحا ً ، و بصراحة عم أدرس مثل طالب ثانوية عامة في بلد عربيّ ما :))))


أدعوووووووووووووووووولي .... بدي أطلب 60 ثانية كاملة من الدعاء من كل واحد/ة :] 


الامتحان لأغراض الابتعاث و وزنه 10% من مجموع التقييم، بناء على الامتحان + عدد المتقدمين (+ يمكن الواسطة) سيكون الاستدعاء للمقابلة 


انهلكت تا لقيت حجوزات! و خليت أبوي يشتريلي تذكرة من الأردنّ "هيهيهيهيهييييييي" 


مسافر وحدي للأسف! 
سأكون في الأردن مساء الأربعاء و مغادر ليل الجمعة و أصل خميس مشيط "خميس مييييييييييين!" فجر السبت "6.30" و إلى الدوام مباشرة من المطار :(((((


بحزّن، صح؟ 


مشتاق لكل شيء بالأردن :) و الوقت قليل و مخي مشغول بترك آلاء و هيام وحدهما :( 


* نادر: طيارتي الخاصة معطلة ف ..... :-]
------------------
يا جماعة اللي بدو إشي من هون رجاء ً يخبرني :) - مو مجاملة و الله .... ماشي؟ :) 
------------------
تسكريلنا = تغلق
شو = ماذا
انهلكت = من الهلاك أي تعبت كثيرا ً 
----
على الهامش : 





Posted by at

45 comments:

  1. أشرف محيي الدين28 February 2011 at 10:14

    انشالله بتوصل بالسلامه يا هيثم وأتمنى لك كل التوفيق في الامتحان :)

    مش عارف لحقت الستين الثانيه :)

    يسعد صباحك

    ReplyDelete
  2. Moh'd Jarrar.28 February 2011 at 10:19

    بتنوّر البلد وبالتوفيق الك بالامتحان ان شاء الله

    اذا بدّك حدا يجيبك من المطار او اشي فا احكيلي , انا بجيبك ان شاء الله

    ReplyDelete
  3. نادر احمد28 February 2011 at 10:27

    هيثم ...

    شكلك عندك اجندات خارجية بدل تخلل العلاقة الوطيدة بين (الشعب) اللي هو انا و(الحاكم) اللي هي ام عمر اطال الله في عمرها

    بس فشر ما راح تقدر ( ما شفتش البواريد والأسلحة) اي شو انا مجنون

    على العموم نورت الأردن من هلاء
    وان شاء الله تنجح في الامتحان
    وبالنسبة لدعاء ال60 ثانية
    اذا ام عمر سمحتلنا ندعي بندعيلك
    اذا لاء اسف ما بقدر اساعدك بالمرة

    ReplyDelete
  4. sheeshany28 February 2011 at 10:37

    أشرف / أبو زينة / نادر : الله يسعدكم و الشكر الجزيل

    :)

    بالله إذا بدكم أي شيء من هون خبروني ... و ما عليكو ... ويسبر بتحاسب :-]

    ReplyDelete
  5. Em Ommar28 February 2011 at 10:48

    رح أتغاظى وأعمل حالي عميا ومشفتش أول الإدراج بلا ما تنطرق عين عن جد وتوقع الطياره ويصير فيك هوايل من ورا خطيتي الشخصيه

    هاظ كله وبدي أتغاظي,, إشحال لو دقرت
    لوووول

    ع كلن توصل بالسلامه أبو هيام,, والله إيسرلك طريقك,, وتنجح بالإمتحان ومسامحينك بالحلوان والهدايا

    بتنور الأردن,, وإزا بدك كعك,, هي كيكي حكتلك رح بتعملك
    so
    بنلتقي ف دار عمتو كيكي الكيايكه

    بالسلامه إن شاء الله

    نادر,, اشكرك ع الدعم اللوجستي,,

    ReplyDelete
  6. sheeshany28 February 2011 at 10:53

    أم عمر: شكرا ً للتغاضي
    + أي ساعة العزومة عند كيكي؟

    ReplyDelete
  7. نيسآان28 February 2011 at 11:02

    بالتوفيق ان شاء الله
    يا رب تنجح بالامتحان ...واللي بيصلح ما يكون ظالم زيك!!!

    محتاجين شاشة "ال سي دي" 58 انش ياباني"مش صيني" ولاب توب جديد على زوئك...وبس

    ReplyDelete
  8. sheeshany28 February 2011 at 11:05

    نيسان: آآآآآآآآآآآآآآآآآآآآمين! لوول

    الله يسعدك :)
    + محتاجة إيش؟ احكي عربي إبليز

    ReplyDelete
  9. Em Ommar28 February 2011 at 11:16

    عارض يستخدم لعرض الذي يبث عن طريق الأقمار الصناعيه,, العرض المطلوب( رقم قياس)58 إنش صناعه يبانيه,, وتجميع اليابان إذا أمكن

    جهاز حاسوب متنقل مع شنطة " فايعة" تكون حسب المواصفات التي " تليق" بهديه من مقامنا لديكم,, يا أيها السيد

    هي ترجمتلك نص طلب نيسانه
    إحنا بالخدامه عمو,,,

    ReplyDelete
  10. نور28 February 2011 at 12:08

    بالتوفيق والنجاح
    وأنا مؤمنة تماماً - وعن تجربة - رغم الواسطات - إلا أن لكل مجتهد نصيب
    كون مجتهد وادرس جيداً وسيكون لك نصيب إن شاء الله ..

    ReplyDelete
  11. Saleh28 February 2011 at 12:21

    هيثم باشا، إن شاء الله تروح و ترجع بالسلامة، و الله يوفقك و ييسرلك البعثة إللي بتتمناها.

    ملاحظات:
    ١) مجموع التقييم من أجل الابتعاث: الإمتحان ٥%، المؤهل العلمي ١٠%، الواسطة ٨٥%، فزبط أمورك.

    ٢) ٦٠ ثانية دعاء مرة واحدة هاي حاجة صعبة، بس ولا يهمك راح أعملك إياهم ٥بالتقسيط المريح.

    ٣) لو قلتلي إنه طيارتك معطلة إن كان بعثتلك ميكانيكي الطيارات إللي بيصلحلي طيارتي.

    ٤) مش تجيب لنيسان شاشة "أل سي دي" و تضحك عليها، هذول خلصت موضتهم، بتجيبلها شاشة "أل إي دي" "سوني" أصلي.

    ٥) و يعني اسمك جايب و جايب، بتجيب لإم عمر مثلهم.

    ٦) مش هلأ تعمل حالك بتعرفش عربي وتقلب ع الشيشاني!

    ٧) خلاص بيكفي هيك بلاش تبعثلي واحد يطخني.

    ReplyDelete
  12. Unknown28 February 2011 at 15:40

    :)
    تروح وترجع بالسلامة ويا رب تمشي كل أمورك وتتزبط على آخر قيراط :)
    بس انو انت مسافر وضعك مكركب وهيك فهمنا.. المدونة شو دخلها تعمل ريجيم قاسي وتصير حاشية !!

    دعينالك ال60 ثانية وما بدنا إلا سلامتك ونجاحك :)
    الله يخليها ما أحلاها هالـ هيام :)

    ReplyDelete
  13. Wafa28 February 2011 at 16:07

    تروح و ترجع بالسلامه ان شاءالله :)
    و يكون الامتحان بسيط و خفيف ان شاءالله :)

    ReplyDelete
  14. w7l28 February 2011 at 16:27

    شو قلبت ما يطلبه المدونون؟؟!

    ان شاء الله بالسلامة يا باشا ، و ان شاء بالنجاح الباهر مش عشان اشي عشان تقهر ام عمر بس

    و ما دامك بتوزع شاشات و ويسبر اللي راح تحاسب خطيتك شاشتين ثري دي مع نظاراتهم الله يبارك بعمرك ، بدناش نغلبك ! و لا تعب حالك اللاب توب تبعي ماشي حالو ، بس سلامة خيرك يعني

    و اهلين ام عمر مسامحتك بالحلون! كل شي و لا الحلوان

    ReplyDelete
  15. هبة فاروق28 February 2011 at 17:53

    تروح وترجع بالف سلامة
    وربنا معاك فى الامتحان وان شاء الله موفق باذن الله وناجح وكلنا بندعيلك

    ReplyDelete
  16. Tareq S.28 February 2011 at 18:11

    All the luck ya Haitham
    Allah ywaf2ak nshallah
    Hope ur visit was longer to c u..
    Yalla kherha b gherha..

    ReplyDelete
  17. Rain28 February 2011 at 18:42

    Good Luck,w troo7 w terja3 bil slameh
    :)

    ReplyDelete
  18. Whisper28 February 2011 at 19:01

    مبدئيا.....اي مقطع فيه ذكر لاسمي ما قرأته...الذاكره الانتقائيه عندي فيها مشكله بالنسبه لاسمي - شو دخلها ما بعرف بس عجبتني الكلمه :)

    المهم

    انا ما بدي اشي ....ما بدي اشي زياده عن اللي طلبوه اخواني واخواتي منعا للحقد الطبقي....كل شي طلبوه بس بدي منه :)

    و اي حد بعزم/بنعزم/ معزوم خلال فترة اقامتك بالاردن برضك كلنا

    ReplyDelete
  19. Whisper28 February 2011 at 19:03

    هلأ انتبهت اني نسيت ادعيلك و دخلت بموضوع الهدايا فورا...شو عيب :$

    بالتوفيق ان شاء الله و تيجي و ترجع بالسلامه

    ربنا ما يضيعلك تعب :)

    ReplyDelete
  20. Anonymous28 February 2011 at 19:50

    بالأول قفشتكو ....بتشربو عصير المراعي ولا ربيع مش متذكره ههههههه
    اثانيا بالتوفيق إن شاء الله ودعاءنا إلك إنو ربنا يختارلك اللي فيه الخير :)

    ReplyDelete
  21. الكيل بمكيالين28 February 2011 at 19:59

    Gooooooooooooooooooooooooooooooooooooooooooooooooooooooooooood
    Luck :)

    عدهم 60 أوو :)

    ReplyDelete
  22. visible...28 February 2011 at 22:38

    هيثم بتظلم خميس مشيط من دونك :)
    مو السعودية كلها . خميس مشيط فقط
    لان السعودية منوره بوجودي ههههههه.

    من كل قلبي اتمنى ان شاء الله تكون البعثه من نصيك يا رب ان شاء الله.
    وكل الابواب تنفتح بوجهك ان شاء الله..

    يالله تعب في تعب الله يكون في عونك... مابدي شي , بدي سلامتك وترجع لعائلتك سالم :)

    ReplyDelete
  23. كعكي28 February 2011 at 22:55

    بصراحة يعني، اول مرة بعرف انو في مطار في الكرك
    اتطوروا الجماعة من اخر مرة نزلت هناك، ماشاءالله

    روح ربنا يساعدك، وينجحك، وينطيش تيرظيش وويوقفلك ولاد الحلال ويرزقك رطلين جميد كركي وترجع مرفوع الراس انشالله وبالسلامة

    ReplyDelete
  24. w7l28 February 2011 at 22:57

    انو مطار هاد اللي بالكرك!! شو يا كعكي بطلع اشاعات مغرضة ! شكلك متقل بعيار الكعك الليلة!

    ReplyDelete
  25. Bullet1 March 2011 at 00:31

    رووووووووووووح ياهيثم يابن مريم ,, الله يوفقك ويسهل أمورك ومابيضيعلك تعب أبداً وينولك اللي ببالك , وبتفتح عين وبتغمض عين بتلاقيك جاوبت ع كل الأسئلة وبتطلع مبسوط واللجنة بتقلك " مقبوول , مقبووول " آمين يارب العالمين (:
    بتعرف,, والله ياريت نحنا قراب من بعض كان عملنا زيارة لأم هيام وهيوومة بغيابك يعني ههههه بس أنت جنوب وأنا شرق ((:

    المهم ..
    أمسك ورقة وقلم لوسمحت ..
    بدي ثوب أردني مطرز للستات يعني D:
    زيت زيتون
    وبدي متل اللي طلبتو نيسان كمان D:
    ويعطيك العافية (:

    وأهم شي بدنا سلامتك ونجاحك يارب ..
    بالتوفيق (:

    ReplyDelete
  26. LioneSS1 March 2011 at 04:40

    الله يوفقك في الامتحان و بكل شيء بتسعى إليه يارب
    و تروح و ترجع بالسلامة يارب

    بهالمناسبة ياريت بس تمر على ام عمر و تجبيلي الكعكات هي حكيت انهم جاهزين

    بس مو تاكل نصهم على الطريق :/

    ReplyDelete
  27. ..★..1 March 2011 at 04:55

    الله يوفقك يارب وكل الناس معك وان شاء الله تكون من المبتعثين 100%

    ReplyDelete
  28. Em Ommar1 March 2011 at 06:46

    بتمنى من الله,, إنه يغلط وينسى ويشطب هالبوست كله ع قد ما حكيتو إسمي

    لووووووووووووول

    بكرهكووووووووووووووووو

    ::سمايل بعيط وبكفكف دموعه بقفازاته وبهرب::

    تحكوش معيّ

    ReplyDelete
  29. نيسآان1 March 2011 at 07:40

    أم عموره
    شكرا على الترجمه ....مع انك لو جبتيلو المعجم الوسيط بحالو برضو ح يعمل حالو مش فاهم:)
    مع انه هو اللي عرض....يا جماعه اللي بدو شي من هون... يطلب

    صالح...ميرسي عالدعم والتنبيه...اذا في شي احدث من ال سي دي...آه بدي منو يا شيشاني
    واللي حكا عنهم الدكتور...شكلهم كويسين...كمان:) بينفعونا

    ReplyDelete
  30. Em Ommar1 March 2011 at 07:52

    ولو ست نيسانه خانوم

    أكم من غاليه عنا أحنا,,
    شاشه ال إل سي دي بتنفع مبدائياً
    النزله الجاي شاشات ثري دي للجميع

    الله يجعل كلامنا خفيف عليهم
    حاسالك ياه رح يبطل ينزل ع الأردن,, او رح بينزل متخفي ومتلثم عشان ما نلقطه ونطالبه بالوعود والهدايا

    ReplyDelete
  31. نيسآان1 March 2011 at 08:10

    ههههههههههه
    اه والله شكلو ح يلغي البوست هذا من شروشه وينعن الساعه اللي حكى فيها عن زيارته
    والا ايش يا عمو؟؟؟؟
    مفكرنا ح نمرقلك اياها هيك ....بللوشي!!!

    ReplyDelete
  32. Em Ommar1 March 2011 at 08:19

    وين فنجان القهوه تاعي نيسانه؟؟
    أنا صافه السياره دبل بارك,, مش رح أقدر أطول بقعده النميمه هاي,, برغم إني جعبالي اقرقر كتير

    ReplyDelete
  33. sheeshany1 March 2011 at 08:43

    بحب أقلكم إنو هذا كان عبارة عن اختبار ، و معظمكم "سقط" بشكل مدوّ ٍ !

    أنا الحق علي ّ بدي أعدل علاماتكم!

    واااااااااااااااال ، كله من نادر! إشاعة ال 60 ألف ريال "بالأسبوع" آتت أكلها! يا جماعة بالسنة ما بحصلهم هدول

    لووووووووووووول

    طيب.... نبدأ:
    ---

    نيسان و عمتو المترجمة .. أنا الكلمة الوحيدة اللي فهمتها كانت "فايعة" ... لأنو بزماناتي كنت "شابّة" فايعة و هذا سر قررت إني أطلعكم عليه لتجنب التدليس ... خخخخخخخخخ

    المهمّ ما فهمت شو المطلوب!

    و بالنسبة يا صالح لل"أشياء" اللي إنت طلبتها تحت بند "upgrading" ف... "شحّه" ... يعني مثله/زيّه .. ما فهمت و لا ناوي أفهم ..... دكتورنا... يعني اللابتوبات اللي بالمخزن عندكو بطلو ينفعوا؟؟؟ :]]]]

    -----
    نور: شكرا ً للكلام المشجع - الله يخليك :)
    ----
    خديجة: الحواشي ضرورية و اللا في "ناس" بالمغرب بيزعلوا علي :) "قراء صامتين أرجو أن يبدؤوا بالإفصاح عن أنفسهم" :) - يسلموا على الدعوة :)
    -------

    وفاء: شكراااااااااااا ً :)
    ------
    رين: شكرااااااااااااا ً :)
    ------

    هبة: شكرااااااااااااً

    -----
    ويسبر: راح أخلي الجماعة يحكموا عليك و على جشعك! "....انتبهت إني نسيت أدعيلك.." !!

    ------

    كعكي: شكلو زمان ما نزلت الجنوب؟ في مطارين أصلا ً :]]]]
    و بالنسبة للجميد فأكيد النية موجودة و التحضيرات كمان :)))
    ------
    طارق: check yr email plz :)
    ---------

    كيكي: عديتهم! "أو بالأحرى عمو وورد عدهم" ..... طلعوا 61!
    ---------
    مرئية: ههههههههه - الخميس + أبها حتعتّم ;) ، هيه تعب في تعب بس الواحد بدو يسعى :) - شكرا ً للدعوة
    ------
    رصاصة: جد "لوول" على الدعوة + تشكرااااااااااااات ...
    همممم
    ثوب! بحاول... مع إني بستحي أدوّر و أمي مشغولة بعرس أخوي اللي آخر الشهر "بدينا حجج!"

    زيت ... يااااااااااا ريييييييييت :(
    ممنوع بالطائرة "هههههه"

    اللي طلبته نيسان "راجعي ما كتب فوق" :PPP

    -----
    لبؤة: أبسترجيش أطلبهم! لسا ما كتبت وصيتي! لوووول - شكرا ً على الدعوة

    ---------
    برتقالية: يخرب فنك! لقطتي العصير ... لوووووول - خليتيني أفكر ببوست جديد قريبا ً ... لول -- شكرا ً
    -----
    حرية بيضاء: شكرا ً إلك :)

    ------
    صالح "again" ... وين عمو الفني اللي بدو يصلح الطيارة! :عم بستنى:
    ----
    إم عمر: أنا بقول تذعني لمطالب الشعب و تبدي تخبزي الكعكات - على الأقل حصة السعودية و الخليج و ما إلك علي يمين إني ما حأوصل شي! يمكن قطعة لهيام و بسسسسسسسسسس

    بس برضاي عليكي خففي سكر بلاش أموت :]]]

    و هي نيسان على الطريق ... و المخالفة اللي أكلتيها مشان الصفة على نانا ويسبر

    ReplyDelete
  34. نورنياتي1 March 2011 at 09:09

    ما أزكاها هالزعرة
    الله يحميها يا رب
    ويوفقك بالإمتحان
    رح أدعيكلك عشان تدعيلي في إمتحان النقابة
    عيوط

    ReplyDelete
  35. sheeshany1 March 2011 at 09:22

    نورنياتي: الله يخليلك أحبابك :)

    يسلموووووووو

    همممم

    بس ترا دعوة النقابة مو زي دعوة الامتحان

    لووول

    الله يعينك! بس المهم الواحد يخلص منه

    ReplyDelete
  36. أفلح اليعربي 1 March 2011 at 16:45

    أخي الشيشاني

    تحية طيبة

    الله يوفقك ما بعرف إذا جيت متأخر ولا لسه في مجال أدعي معك ههههههه

    أصل أنا دائما بجي متأخر

    الله يوفقك في حياتك كلها

    أسعدني التعرف على مدونتك

    لك تقديري

    ReplyDelete
  37. أفلح اليعربي 1 March 2011 at 16:46

    أخي الكريم

    ما دام تعرفنا على مدونتك ، فهذا عربون التعارف ههههههه




    بصفتك أحد أفراد الطبقة الواعية في هذه الأمة

    أرجو منك التكرم بالمشاركة في هذا الموضوع وأبداء رأيك بصراحة

    رأيك يهمني جدا ، فأرجو منك عدم التردد في المشاركة وذكر رأيك بصراحة بعيدا عن المجاملات .


    أرجو أن تقرأوا الموضوع كاملا ثم بعد ذلك تضعون رأيكم


    الموضوع تحت هذا الرابط

    http://ahdmari.blogspot.com/2011/03/blog-post_01.html


    أشكر لك حسن تعاونك

    ReplyDelete
  38. yosef1 March 2011 at 16:48

    تروح وترجع بالسلامة
    ان شاء الله

    والنجاح حليفك دوما
    باذن الله

    لو كان وقتك يسمح لابتعدنا قليلا عن الدردشة الالكترونية وحولناها الى دردشة واقعية وفنجان قهوة.

    امنياتي لك

    ReplyDelete
  39. زينة زيدان2 March 2011 at 17:53

    نشوفك على خير

    ان شالله بتنجح

    وبنتحلا احلى حلوان

    منيح انك بتقول "+ يمكن واسطة"

    في امل بوضع العرب

    ReplyDelete
  40. kholood3 March 2011 at 08:27

    صباح الخير ...يا رب توفق هيثم يا رب وتيسر الامر يا الله
    انا اجيت بسرعه بسرعه هيثم لأنو نيسان قالت لي هيثم بدو ييجي وقال أمانه عليكو الي بدو شي يطلب ما يستحي ومع انو انا طبعي الخجل بس ما بدي اخجل منك انته اول واحح ما رح اخجل منو تعرف ليش لأنك صادق بكل أشي ولمن تقول اطلبوا يعني قدها قدها انا ما بدي اطلب اشي كتير
    بس هاي الكتشن مشين الكنوود الي بتكون مع اسامه السيد ومع حورية البحر في فتلفيت ومع كل شيف درجه اولى
    هيه هون حقها اربعمية دينار يعني ممكن تجيبلي ياها بتلاتميه من هناك
    صح غالي والطلب رخيص
    وصدقني بس تجيبها بعزمكعلى فطور وعلى حسابي عند هاشم بالبلد
    ها كيفني معك
    الله يوفقك يا رب ويسعدك ويكتر من امثالك

    ReplyDelete
  41. Saleh4 March 2011 at 13:34

    أنا في انتظار تقرير وافي عن الرحلة بكرة الصبح... و إلا ....
    ;-)

    ReplyDelete
  42. Rana Al Sha'bani5 March 2011 at 05:05

    يمكن أكون تأخرت بس الله يوفقك:)

    ReplyDelete
  43. Emtiaz Zourob5 March 2011 at 07:41

    ربنا ينجحك بالامتحان .. صحيح جاية متأخرة بس ع بال ما عثرنا على المدونة ..
    تقبل مروري لاول مرة بالمدونة .

    ReplyDelete
  44. sheeshany5 March 2011 at 09:31

    رنا: شكرا ً إلك و لأ ما فيه تأخير :)

    ReplyDelete
  45. sheeshany5 March 2011 at 09:35

    خلود: مين .. مين .. ميييين !
    و لا فهمت إشي... و أصلا ً لو فهمت ما بعترف ..
    اللي أكثر شي ما فهمتو ال 400 "ن"يرة!!!! بدك هيثم الكحتوت يدفع مبلغ زي هيك ! طبعا ً لإلي مستحيل بس برضه أدفع هيك مبلغ بتيجيني جلطة! لووول

    يسلمو خلود
    بس جد مين حورية هاي؟ صدقي ما بعرفها... حلوة؟ متزوجة؟ :]]]]
    ----
    زينة: الله يسعدك و يخليك :)
    ----
    يوسف: و الله يا يوسف الوقت "أكلني" أكل!!! يا ليت التقينا بس إن شاء الله ملحوقة :)
    -----
    أفلح: شكرا ً لمرورك
    و كلامك :)

    أعدك بأن أقرأ الرابط الذي ذكرت ... قريبا ً

    ReplyDelete

Subscribe to: Post Comments (Atom)