14‏/01‏/2011

Hiyama and daddy`s night out!


Yesterday night was for Hiyama and daddy; it was Thursday! Busiest night of the week here but we took a risk and went out :)
خلص بكفي "عرط" بالإنجليزي و خلينا نكمّل بالعربي :)
أم هيام كان جاييها ضيوف و قرّرنا هيام و أنا نطلع! كنت طلعتها الصبح تلعب بال"بسكليت" شوي لأنو الجو كان معتدل و مو برد (الدراجة كانت ممتلئة بالغبار من كثر ما "أهملناها" بهالبرد) :)
lonely bicycle 
و طوال الوقت و هيام تحكي "خذني على محل ال"طابات" :) فما حبينا نكسفها.
ذهبنا إلى "مول" قريب و جديد فيه ألعاب، طبعا ً هنا في خميس مشيط يعتبر يوم الخميس اليوم الصاخب في الأسبوع! من بعد صلاة العصر للواحدة ليلا ً و الأزمة الخانقة في كل مكان موجودة.
وصلنا هناك بعد صلاة المغرب و عدنا بعد العاشرة ليلا ً!
طبعا ً الوضع هناك كان .... يعني خليني أشبهه و أقول .. غابة أطفال! :D  و من شبه المؤكد إنا سوف لن نعيد تجربة يوم الخميس!
طبعا ً المشوار مع هيام لا يخلو من المفاجآت! ضيّعت "ماريا"

عند بيت الجيران :)
  هي أول لعبة اشتريناها لها و متعلقة بها كثيرا ً :) ، هي سمتها هيك و لا نعلم لماذا و بتظل تناديها (يا بنتي يا بنتي) ، المهمّ أنا دخلت على منطقة الألعاب و وجدناها و مشي الحال.
و أيضا ً "إحم" ... فضحتني هيام و ... إنو زي ما بيقولوا بالإنجليزية "she made number one" على ثيابها الداخليّة (بدون تفاصيل مزعجة، ماشي!) و كانت حادثة ً شبه مأساوية بدورة المياه و لكن أيضا ً مشي الحال و يا دار ما دخلك شرّ :D
 
*طبعا ً أنا عم بوثق هذه ال"حادثة" كورقة ضغط على هيام إذا في المستقبل "أودعتنا" في دار للعجزة أو شيء من هذا القبيل :P ، المشكلة ما عندي إثباتات (هاتفي لا توجد به كاميرا!)


- صورتان قديمتان من "مغامرة" سابقلا في نفس المكان :) 




المخلوق الآخر في الصورة هو أنا ، نعم!

** على سيرة الهواتف، رأيت 4 أطفال (أكبرهم في ال13-14) معهم أجهزة بلاك بيري! واضح أنهم استولوا على الهواتف من والدِيهم و لكن برضه... احترموا مشاعري! لووول
*** أثناء تواجدنا في "الغابة" تعرفت على شخص سعوديّ ، لما عرف بأني أردنيّ هنأني بالفوز 5 مرات! (كان هناك مباراة بين السعودية و الأردنّ) و عندما أخبرته بأني بصراحة لا أكترث كثيرا ً ب"مشاهدة" الرياضة و بالمباريات و أنه لا يوجد عندنا تلفاز استغرب كثيرا ً و أحسست أنه لم يصدّق :)
**** أنا حاليا ً ملطوع في غرفة النوم و الضيوف ما زالوا عندنا و شكلي راح أنام!
تصبحون على خير  "خخخخخبششششششششششششششش"

عرط = فشخرة / تفاخر
مو = بمعنى ليس
نكسفها = نخذلها
هيك = هكذا
مشي الحال = بمعنى أن الأمور على مايرام
برضه = أيضا ً
ملطوع = بمعنى منزوي
خخخبششششششششششش = "لا توجد كلمة/عبارة لوصفها :DDDD

هناك 6 تعليقات:

  1. I AM LOST HERE!!!
    هلا عندكم ليل ويلا نهار؟
    هي خميس مشيط بالسعوديه والا انا غلطانه؟

    نعود الى الموضوع number one
    هاي خبره جديده تعلمتها يا شيشاني من خبرات التربيه
    لازم انت تضلك كل 5 دقايق تسألها اذا بدها تروح على الحمام...يعني انت اقرفها عيشتها بالسؤال المهم قبل ما هي تقرفلك عيشتك بال ......

    تعيشوا وتطلعوا مواعيد
    والحمدلله على سلامة ماريا

    ردحذف
  2. " أم هيام كان جاييها ضيوف قررنا هيام و أنا نطلع"


    "أنا حاليا ملطوع في غرفة النوم و الضيوف ما زالوا عندنا"

    قررنا حكيتلي.......اه ماااااااااااااشي :))))

    ردحذف
  3. LOOOOL @ number one,t7sheeeeeeeeeeesh
    Can't imagine how you managed with that!!

    and you're missing out a lot on yourself the game was fantaaaaastic
    I was so proud!
    *_*

    ردحذف
  4. نيسان: الصورة اللي "حضرتي" فيها صورة قديمة لنفس المكان بس كان فاضيييييييييي فدخلت مع هيام و صورتنا زوجتي
    :)
    بالنسبة لل... :) فهيام بتتحكم بحالها الآن بس المشكلة كانت إنو دورة المياه بعييييدة و فرقت معنا بثانيتين! :]

    ويسبر: شو المعنى يعني؟ آآآآه شو! :p

    مطرو: أنا زي ما بحب أقول : "أنا حاليا ً ممارس للرياضة و ليس فقط مشاهد" :)
    أنا خبرتي منيحة بالمواقف الهيامية بعدين، ما عليك :)

    ردحذف
  5. هيثم
    شعرات هيومة بالصورة الي عند بيت الجيران وهو قصير كتير حلوة
    بس الشعر الطويل عليها احلى
    يختي كرموشة كيف ما كانت
    ما تبلى الدنبة انا بس

    وعلى الهامش: غطي البسكليت بلا ما يخرب..حرام..حلو وجديد..خسارة
    اعطوني شوط عليه

    وعلى الهامش برضو: انا بقول اشتريلك بلاكبيري واصمدو بدل التلفزيون خخخخخخخخ

    نمرودة

    ردحذف
  6. نمرودة: بدك تشتريلنا بلاك بيري! مااااااااا أحسنك :]]]]

    الله يخليكي، أنا لو علي كان برجعها صلعة! بلا شعر بلا همّ :p

    و البسكليت و الله جابوا صديق إلي هون بالسعودية! فمشان هيك الاهتمام فيه ضعيف، لوول

    ردحذف