Hello there! and welcOme

Ghiya Rushidat - Rouhani

14 Dec 2010

مظاهرة لا سلمية بلوغرية

اليوم: الثلاثاء
الساعة: كل ساعة حتى يتحقق مبتغانا
الهدف: هدف "نادر" 


زي ما بيعرف معظمكم، فصاحبنا العزيز جدّا ً نادر اللي كان يطل علينا كل خميس و بعدها كل أربعاء؛ متوقف عن "مشاركة" الإبداع. :(


الله يرجعو بالسلامة لأنو بالفعل إلو وحشة.


ما بتوقع يرجع بكرة "الأربعاء" و لكن بتمنى نشوفه على السنة الجديدة :)
هوه الظاهر مشغول و معجوق هالفترة الأخيرة و يا رب يهدّي باله و نسمع أخباره الطيبة.


و لأنو الكلام الحلو لوحده ما بينفع -خاصة مع مواليد السبعينات و اللي أنا منهم :]- فقررت أنا "هيثم الأول" إنو أوافق على قيام مظاهرة بلوغرية لعلللللللللللللللللللللّ و عسى قلبه لنادر + قلمه يحن إلنا "شوية زغنوطة" و ما يكسفني/ا :)


كان بودي أعطيكم رابط مدونته -للذين لا يعرفون إبداعاته- و لكن للأسف هو قام بإزالتها (مؤقتا ً إن شاء الله) :)


يا نادر طمنّا عنك! :(


--- بدأت المظاهرة من دوار الشوق نزولا ً إلى شارع الحنين و منه دلفت الجموع الغفيرة نحو بوابة الإبداع حيث قام الرفيق أشرف بتسليم مذكرة الاحتجاج الودّيّة إلى نادر النادر...و بانتظار الحكم و النتيجة منك يا نادرنا :) + :( 


====
على الهامش و لكن مو هامش: 


ويسبر هجّت على الإمارات حزنا ً و كمدا ً 
نيْسان تحولت إلى أيلول 
الآنسة كيالة اختل معها الميزان
جفرا بطلت تكتب كمان
أم عمر.... حتى أم عمر وعدت بأن تفكر أن تفكر بموضوع مشاركتك بمحصول الكعك! تخيّل! 



و....
و....
و.....
و هيثم صار يكتب إدراجات مضحكة "أكثر من أول حتى" ! خطية هالعالم برقبتك ترا.... ماشي! :]





إرجع يا نادر! 




"أصوات و هتافات حاشدة"


انتهى المظاهرة و بدأ الجميع بإيقاد الشموع. 


====


هجّت = بمعنى ذهبت
معجوق = مشغول و أموره متلخبطة 
زغنوطة = صغيرة/قليلة








32 comments:

  1. وااااااااااااااااال

    محصول كعك,,,
    مش شايف حالك تخنتها شوي؟؟؟


    الله يرجعلكم ياه بالسلامه
    بس بتوقع يا هيثم,, اليوم اللي إنت بتقرر الإعتزال,, رح يرجع كتير أعضائ مدونيني للساحه التدوينه

    ReplyDelete
  2. الله يسمع منك و يرجع , عن جد ليه وحشة . و اتمنى يكون غيابه غياب عمل و يكون بخير ان شاءالله :)

    جميل و فائك ياهيثم , الله يعطيك العافية :)

    ReplyDelete
  3. أم عمر: أني آسف ...

    وفاء: الله يسمع منك

    ReplyDelete
  4. يا لهوي

    ايْ-لووووووول !!!!!!!
    هالمره سماح....عشان خاطر نادر
    ح امشي معك في المظاهره بدون طوش....

    لكن اسمك صار على "البلاك ليست" تبعت أيْلوووول,و الحساب يطووووول

    بالمناسبه:مسااااااء الفوووول

    ReplyDelete
  5. انا من اللي بهتفو بصوت عالي كمان...

    نادر نادر ....ارجع ارجع
    البلوغرجيه... ما حتخنع

    بعتذر على تخنع O_o....بعد نص ساعه تفكير هاد اللي طلع معي
    تخنع من خنوع :)
    انو ما راح ترضى بلأ كجواب :)


    ملاحظه ع الهامش

    " بدأت المظاهرة من دوار الشوق نزولا ً إلى شارع الحنين"

    انوو شوووو بالنسبه :)

    ReplyDelete
  6. مساؤكم طيبة وهنا
    حقيقة أنا لا أعرف نادر لأني نزلت في ديار بلوجر حديثا..

    ولكني ألتزم بقراراتكم وأنضم للمظاهرة ..
    "شايف الراية الي مرفوعة قبل دوار الشوق بشوي مكتوب عليها نادر ارجع..أنا يالي حملاها"
    تحياتي

    ReplyDelete
  7. أنا على رأس المظاهرة.. وبهتف معاكم..
    يا رب يحن علينا نادر ويرجع.. ولو بتدوينة شهرية.. احنا قابلين.. إرجع يا نادر!

    ReplyDelete
  8. صباح الخير جميعا
    في البداية فوالله أن الكلمات تقف في حنجرتي العاجزة عن شكركم او وصفكم، ولغتي العربية التي ما ضاقت يوما عن وصف أي حال أو حدث، تحتاج اليوم لمفردات جديدة تكون منصفة بحقكم، فأن وصفتكم بالرائعين فوالله ما وفيت، أنا ما تركتم إلا مكرها، السنة الأخيرة كانت صعبة جدا من جميع النواحي، ولكن الفرج قريب بإذن الله تعالى، كتبت يوما عنكم أن من يعرفكم لا يترككم، وكنت صادقا فيما أقول فأنا لا أستبدل وفاء الوفية (وفاء) بغدرات الزمن، ولا أستبدل دفء (نيسان) بصقيع يناير، ولا أستبدل همسات (همسة) اللطيفة بصراخ الحياة وضجيجها، ولا استطيع الابتعاد عن تكيلات (كيالة) التي أضحكتني يوما كاملا عندما كتبت ذات يوم عن قصة شاب لا يذكر أمه إلا في أطوارها الثلاث حامل – مرضعة – أنجبت للتو، وغيرهم كثر تعلقت بمدوناتهم، وأشكر الأنسة زينة على لطفها وتكرمها بحمل راية المظاهرة :) ، أما بالنسبة لأم عمر (مشان الله ابعتليلو الكعكات با ال دي اتش ال) -:)

    هيثم أيها الصديق خفيف الظل
    كنت دائم التواصل معي عبر البريد الألكتروني، دائم الإطمئنان عني وعن أحوالي، فلا يسعني إلا أن أشكرك من أعماق قلبي، وإدراجك هذا يعني لي الكثير والله، فسامحني لأن الكلام عنك سيكون مبتور
    أنت باختصار مذهل
    سأعود إليكم يوم الأربعاء القادم بإذن الله وسامحوني إن كان هناك تدني في المستوى فأنا أعاني من نضوب فكري حاد ولكن معكم بإذن الله ستكون الأمور أفضل
    ملاحظة على الهامش : ( ويسبر ما هجت من الكمد، راحت تقص ليرات في الإمارات، مش عاجباها الأربعة ألاف ليرة اللي كانت تاخدهم في عمان) يالله حقها تصير تاخد زي هيثم 60 الف ريال بالشهر :)

    ReplyDelete
  9. نادر يا نادر :)
    أنا عننننننننجد مبسوط إنك حتكتبلنا الأربعاء القاااادم و بالانتظار

    نيسان عم بتهددني ترا! فلاااازم بوست من "بتوعك" مشان تنسى و برضه لازم تتغلب على طمه ويسبر (بعدين صحيح إنت وعدت ما تحكي لحدا عن راتبي ال"أسبوعي") و كمان الأخت زينة بتستناك و حيكون أول تفاعل إلها مع مدونتك ..و كيكي على رأس المظاهرة زي ما شفت و صدقني فيه متظاهرين أكثر و أكثر مما تتخيل و أنا متأكد :)

    ReplyDelete
  10. يا هيثم لا أنا ولا أنت قد نيسان

    نصيحتي اكسب صفها زي ما أنا عملت من زمان

    بالنسبة لموضوع الراتب معلش ما قدرتش اخبي بس حكتلهم ياه ناقص شوي عن الحقيقة

    وكل الشكر لزينة وبالنسبة لكيكي طول عمرها أصيلة

    ReplyDelete
  11. بمناسبة البشائر برجوع نادر
    صدر قرار بالعفو العام عن شيشاني ....خلص محينا اسمك ,,,(مؤقتاً)
    نادر ...:بانتظارك وسنسامحك بفحص المستوى :) ضحكتني...كأننا في "البرتيش كاونسيل"

    ReplyDelete
  12. لا لا لا ....شو يعني يكسب صفي؟
    شكلك ناوي تدخل على "البلاك ليست" نادر

    خليكم شطورين ....وخلي هالسنه تمر على خير

    نادر...هيه ال2010 زنخه و دمها تقيل على الكل
    ان شاء الله انا متفائله بال11

    ReplyDelete
  13. زكرتيني نيسان بالبريتش كاونسيل

    رحت أعمل فحص مستوى، طلبو مني خمس دنانير
    الجو كان حر يومها شغل سباحة، ففكرت بالموضوع يومها أدفع خمس دنانير لفحص مستوى ولا دخولية لمسبح المدينة اللي كان ايامها بخمس دنانير
    طبعا رحت على المسبح
    ولما سألوني في البيت شو صار معك وطبعا كنت راجع محروق
    قلتلهم انو مستوى رابع ( انا كان قصدي يومها اني نطيت الرفاس الرابع)
    اختي قالتلي اشي متوقع انك مستوى رابع ما في منك امل
    طبعا اختي بتحكي فرنسي وانجليزي بطلاقة اضافة إنها دارسة أدب عربي وهلاء بتشتغل مدرسة عربي للصف الرابع ابتدائي في الحكومة ب 243 دينار !!

    ReplyDelete
  14. الحمد لله على سلامتك نادر ....بانتظار الاربعاء القادم بفارغ الصبر :)

    اما بالنسبة للرواتب....فأنا فقيره الى الله عاطله عن العمل في صفوف البطاله....فااااااااا بما انه هيو هيثم "صار" منيح و طيوب فيا ريت يحولي راتب اسبوعين من كل شهر :)
    وقبل ما تحكي شي يا هيثم....عمتو قصدي "نانا" ويسبر الها حق براتبك هيك انا بعرف :)

    ReplyDelete
  15. تحشيش كتاباتك
    والله يخليلكم الزقروطه

    الزقروطه = الزغيره
    برضو تحشيش تفسيرك للمعاني

    ReplyDelete
  16. ويسبر ...

    الله يسلم عمرك، حقك ويسبر بنص راتب من هيثم، والنص التاني الي، لأني كمان بطالة و الشيخ هيثم قدها

    ثلاتين الف ريال الي الشهر الجاي ومتلهم الك

    بيت السبع ما بيخلى ويسبر
    وهيثم ديب مش سبع

    ReplyDelete
  17. :)
    أنا "مؤقتاً " مو على الليستة و هذا بيكفيني

    *احتفاااااااااااال*

    ReplyDelete
  18. لما قريت الموضوع كنت بدي أقترح ننزل كلنا موضوع واحد يوم الأربعا الجاي نطالب برجوع نادر باشا، و منيح إني قريت التعليقات بالأول.

    نادر باشا.. إلك وحشة يا زلمة، أنا بالإنتظار مع الشباب ع الرغم إني يمكن ما راح أقدر أقرا الموضوع إلا بعد فترة

    هيثم باشا، شكرا ع المبادرة الناجحة جدا.

    ReplyDelete
  19. صالح

    مشتاقلك أكتر ...

    :)

    ReplyDelete
  20. هيثم ...صباح الخير وجمعتك مباركه
    مؤقتاً ...بدون تحديد ...يعني ممكن ان تمتد الى ما لا نهايه
    واعذرني لاني حطيتك على الليست قبل ما اشكرك
    حقك علينا هيثم ان نشكرك على هذا البوست اللي بيدل على وفائك و طيبة اخلاقك

    ارجوك شيشاني "بدون تعليق"
    الرضى اليوم عندي عالي جداً والحمدلله...عيييييش :)

    نادر
    نهارك سعيد وجمعتك مباركه
    عارفه ...واشي بيقهر ...
    ان شاء الله يتحقق اللي ببالك ....وتسحبها معك ...وهناك تقصوا دولارات اكتر من الشيشاني
    سادعو لك ولها اليوم ان يفرح قلوبكم وييسر لكم الخير حيث كان.

    جمعه مباركه لجميع الاصدقاء و الصديقات...اعذروني لتأخري عنكم ....معجوووقه.

    ReplyDelete
  21. بتمنى إنكم ملاحظين إني مطنش موضوع تحويل ال"دولارات" ...و شكرا ً

    و اللا أقلكم ، خلص ... أنا قدها... دولارات "سنغافورية" حبطرش للجمييييع و أكثر شي لنانا ويسبر و نادر كمان (اللي عندهما تحت البلاطة ما لا يعد و لا ... يفنى)

    صالح: الله يسعدك ... :) بنتمنى تكون موجود وقت إعادة الافتتاح لمدونة نادر.

    ReplyDelete
  22. نورنياتي: أهلا ً و سهلا ً فيك :)

    و شكرا ً لمرورك

    خليها بعودة :)

    ReplyDelete
  23. 60 الف يا لهووي اسبوعي كمان لا لا هادا انت شكلو معينيك شويش شيشاني على بير بترولي بالخليج!

    طيب وانا معاكوا:
    نادر نادر .. ارجع يا ناادر
    نيسان بلاش يا نيسان الافراج عن شيشاني
    نانا عمتو نانا بلاش طمع خليكي عل اسبوع والي الاسبوع التاني
    ونادر يا نادر ارجع يا زلمه اي بكفي في ناس بتاخد 60 الف!

    ReplyDelete
  24. له له يا نادر
    أول مره بتوجه كلام ل إلي ,, بكون فيه عنصريه ومصاري كمان
    عنصريه إنك وقفت بصف هيثم وعمو صال صال
    ومصاري,, أشتري مكونات,, وأشتري غاز,, وأشتري وقت وأشتغل فيهن واعجن وأحمر ,, وأبكت ,أركب تاكسي و أروح ع مكتب دي إش إل ت أوديهن ل هيثم

    الله يسامحك بس :(((

    الحمدلله ع السلامه,, والشكر للعمو " هيثم" إلي خلاك ترجع ل عالم التدوين

    ترى أنا من المتابعين الصامتين ل مدونتك



    هيثم,, خلي عمو صال صال,, يعطيك من الكعك بشوكلاه,, بيحكي عن طعمه خيااااالي


    صباحكم فل ,, كلكم,, كلكم يارب

    ReplyDelete
  25. أم عمر: صال صال صارلو من القرون الوسطى بيستنى! فشكلي أترجى أم هيام أسرعلي! (بدي شي سنتين تا ترد علي) بس بيظل أحسن من وضع صالح ... دي إتش إل على السلاحف شكلو !

    ReplyDelete
  26. نيسان

    شكرا على الدعوات

    :)

    ReplyDelete
  27. jarat

    تشرفت بمعرفتك اليوم، وشكرا على تصحيح المعلومة انو هيثم بياخد الـ 60 الف ريال اسبوعي انا كنت مفكر شهري

    تشرفت بمعرفتك
    :)

    ReplyDelete
  28. ام عمر

    مين حكى انو اجيت بصف هيثم ؟؟

    انا اول ادراج قرأتو الك كان يوم ما كتبتي انك بتحبي الصيد وطخيتي ابن حماكي

    مشان هيك انا ما بلعب بالنار

    احنا دايما معاكي ام عمر وشو ما بتحكي انتي مزبوط ( حتى لو حكيتي انو الفيل بطير ) ببصملك بالعشرة
    شو هو انا مستغني عن روحي برصاصة طايشة
    تحيا ام عمر

    :)

    ReplyDelete
  29. نادر! ما قصّرت.. شكرا ً على التصحيح ... :sad:

    لوول

    خلصت المسودة الأولى؟

    شو قصدك أي مسودة.. يا لهووووووووووووووييييييييييييييي

    :]

    ReplyDelete
  30. أم عمر: 100 نادر و لا الله يرحمه ... لووول

    ReplyDelete
  31. جميل ذاك الوفاء بين الاصدقاء..

    وإن شاء الله سيعود إلينا نادر مشعا متلئلئا كما في السابق..

    كنت هنا..

    ReplyDelete
  32. خالد: إن شاء الله سيعود و بقوة :)
    أشكرك

    ReplyDelete