30‏/10‏/2010

بسووووووووووووووووووو

أمس ليلا ً و أثناء اقترابي من باب بنايتنا كدت أصطدم بهرّة كبيرة! كنت أنظر لساعتي لأرى كم استغرقت من الوقت في القيام بال"جولة" الهروليّة و هووووووب ما ألاقي إلا صوت يشبه الهسيس (مين هسيس!) :)
كانت "ماما" و 3 أطفال "هررة" و كانوا عم يرضعوا ، لوول
أنا "علاقتي" بالحيوانات -و القطط بشكل خاص-سيئة بل و أكثر من سيئة! تجارب مو حلوة أبدا ً! إطلاقا ً :(
المهمّ دخلت البيت و كان فيه عنا ضيوف، استقبلتني هيام طبعا ً و هي تشكي أن الكلّ أخذوا لعبها و أنّ ... و أنّ ...
طيّب يا بابا معلش، مهو إنت كمان بتلعبي بألعابهم لما تروحي عندهم "واااااااااااااااااااااااااااااااع" طيّب يا بابا بدّي أشرب مية و بعدين بنشوف "واااااااااااااااااااااااااع" طبعا ً هذا كله على الباب و مو مخليتني أدخل ... فحملتها زي ما هي و وديتها أورجيها المنظر :) و نجحت الخطة! :D
الموقف لم يستمرّ أكثر من دقيقة و لكن آثار تلك الدقيقة كانت لا تقدّر بمال :) ، النظرة اللي على وجه هيام و كلامها المتواصل عن ال"بسو" (من بسّة يعني" و إنها بتطعمي صغارها كان حلو و تحشيش :) و لولا إني تعبت من حملها كان ظللت بالخارج معها و أتكلم معها :)
قبل كم يوم "استسلمت" و جبتلها كم فيلم كرتون مدبلج بالعربي "و يا ريتني ما جبت لأنها زهقت و صار بدها تلفزيون كبيييييييييييييييييييييييييييييييييير" و فيه واحد منهم عن كلاب (تتذكروا Dalmatian ) و فيه لقطة بتولد ماما Dalmatian و بتجيب 15 جرو! لوول و بتصير ترضعهم....المهمّ هيام تذكرت اللقطة و صار بدها أجيب يا إما كلاب أو قطط عالبيت و نامت على هالوعد! (نحن في ورطة ابتداء ً من غد)

فعلا ً زينة الحياة الدنيا :) الله يخليلكم ولادكم و حبايبكم و يطعم كل مشته يااااا ربّ

-       بس كيف الخلط بين "شبه" الفصحى و العاميّة ... حاجة ما حصلتش :) ... بس ما حأعدّل إشي لأني نعساااااااااااااااااااان و الساعة 10:25 و هذا معناته أني بكتب من على عتبة بوابة الأحلام ، سلااااااااام

هناك 15 تعليقًا:

  1. اولا الله يخليلك هيّوم" اختي اسمها هيام متزوجة وعندها اولاد ولساتنا نحكيلها هيّوم"
    وثاني شيء انا ما بحب البسس حتى اني بخاف منهم
    وثالث شيء شو بده يخلصك من هيّوم رح تدوش راسك وهي كل يوم بتذكرك بدها بس او كلب..يعني ورطة كبيرة لانه الصغار ما بينسوا ولا بيزهقوا من الطلبات
    وبعدين ماله الفصحى والعامية كوكتيل حلو..لازم تغيير

    ردحذف
  2. الله يخليلك اياها
    ويملأ البيت بإخوانهاان شاء الله

    وبعدين ما رح تلحق
    قصص وحكايات

    ردحذف
  3. t7sheesh lol
    when I was little I used literally BEG my parents day and night to raise a cat or a dog lol
    don't worry it doesn't leave emotional damages..or does it?


    andary lol

    ردحذف
  4. الله يخليها لك...
    الله يعينك في اختيار العذر المناسب...

    ردحذف
  5. شكرا ً لكم :)

    حبة عين السلط: بحب الاسم أنا جدا ً و الله من عمري 19 سنة -أو هيك شي- و أنا مختاره لبنتي :) .. و شو بدو ينسيها فعلا ً *في ورطة حقيقية* !

    يوسف: الله يسعدك و يخليلك حبايبك ، شكرا ً إلك و معك حق: هات لحق قصص!

    راينو: judging 4m yr charcter - or what`s lft of it- I think I should be worried! looooool

    *شرير سمايلي*

    I am visible: الله يخليكي .. إنت قصدك "الرشوة" المناسبة!!!!! :( + :)

    ردحذف
  6. LOOOOOOOOOL I hate yooooooooooou LOOOOOL
    XD

    ردحذف
  7. هيثم ...هيك غش

    ما كنت منتبهه لهذا البوست بالذات الا خلود نبهتني عليه....بوستين ورا بعض وبنفس اليوم ....هيك كنت ح تضيّع علي قصة هيومه والبسس السبعه:) بقصة لابتوبك الخربان

    الله يحفظها ويحميها
    جيبلها بسه ...واحده من الصغار بس يكبروا شوي
    بتتسلى معها كتير
    بلاش يصير فيها زي هالحدا :)))))))

    ردحذف
  8. LOL
    الله يعينك عنجد أنت في ورطة , لانهم ما بينسو !!!!!!
    ومش راح تنتهي من دوامة الوعود * الصادقة * lol

    الله يخليلكم هالسُكره يارب ,, ^_^

    ردحذف
  9. حتى انت يا نيسااااااااااااان


    XD

    ردحذف
  10. raino: truth huts!
    :P

    naysan: يا عالاااااااااااااااااام اشهدووووووووووووا
    نيسان بتعايرني بجهازي الخربان :]]]

    قال غش قال! إيه!
    :P

    إذا حيصير في هيام 1/2 اللي صار فيكي + 1/10 من اللي شايفينه ب "مطر" فهايني راااااااايح اجيبيلها 10 بسس
    اليوم!
    هيهيهييييييي

    bullet: thanks 4 the so-encouraging words! :S , lool

    الله يخلييلك حبايبك ، و شكرا ً كثير :)

    مطر: "again!"
    هذا من آثار ال .... ما غيرو؟
    :]]]

    ردحذف
  11. بستغرب من اللي ما بحبو البسس او بخافو منهم
    بحس انه عندهم مشكله بطفولتهم :O

    من و انا زغيره بحب البسس و ربيت عدد لا بأس منه و اول بسه كانت بإسم اعز صاحباتي..
    بس كنا نربي بسس ولاد ناس يعني ما نسمحلها تطلع و ازا طلعت او عرفت ماما انها حامل بياخدها بابا بالسياره لابعد مكان و الحلو انهم كانو يرجعولي :)

    انا بقول جيب لهيام بسه و ما تخاف لانها بعد دراسات تبين انه حتى لعابها انقى و انظف من لعاب الانسان اتخيل..
    في جمعيات بتتبنى فيها بسه و بتكون كفيلها او وكيلها و بتتعهد انك تحافظ عليها :))

    ردحذف
  12. بكرررررررهههههكممممم أكتر من أم عمر حتى!

    ردحذف
  13. أزال المؤلف هذا التعليق.

    ردحذف
  14. الله يحميها ... جيبها لعندي ... انا بمووووووت بالبسس ... الله يسامحك فيه حد ما بيحبهم؟؟ قال علاقة سيئة قال ههههههه ....

    ردحذف
  15. رينو: ما حدا capble of hating أكثر من إم عمر! :]]]

    نور: خلص! بعثتلك إياهم بال DHL
    بس المصاريف على المستلم :)

    ردحذف