قبل كم يوم كنت طالع أمشي شوي قبل النوم لأنو كنت "مخبّص" على الغداء :)
كان يوم غير سعيد لأنّو أحد رفاقنا انفصل من شغله :(
هوه ما معو تصريح بالعمل لأنو زوجته هيه اللي بتشتغل.
المشكلة إنهم فصلوه بدون وجه حق بس ما بيقدر يعمل إشي ضدهم!
حاولنا نحكي مع بعض "المتنفذين" بس ما مشي الحال :(
المهمّ كنت قريب من البيت و على طلعة شوي شديدة فجأة وقفت سيّارة و أشّر لي السائق إنو أركب معه، أنا أشّرتلو إنو شكرا ً بس هوه نزل من السيارة و أصر على إني أركب و لمّا قرّب اتضح إنو واحد من الأشخاص اللي تعارفنا على بعض قبل فترة من خلال المسجد :) . بعد ما سلمنا على بعض قال لي إنو الآن لااااازم أركب و إنو حيوصلني، و بعد أخذ و ردّ و كلام عربي-إنجليزي (الرجل من الفلبين) فهم إني طالع أمشي و إنو البيت قريب.. أحلى شي إنو استغرب بشكل كبير لما عرف إني "مشّاء" :)
بصراحة حسيت براحة و إنو الدنيا لسه بخير و المرّة الجاي بدي أطلب منه يشاركني ال شبه-رياضة :)
---------------------
*مخبّص= أسرفت في الأكل... كمّا ً و نوعا ً
*قرّب = اقترب
- مبسوط و راضي هيك يا أحمد :D
ليش ما بتكتب عنوان للأشياءات؟
ReplyDeleteتخبيص فمشي ...مشي فتفكير ...تفكير فكتابه
ReplyDeleteالخلاصه ... كلنا بنخبص
مساء الخير..
ReplyDelete** أول شيء أنا مثلك عندي عقدة الذنب اللي بتخليني أمشى عد ما أخبص بأي وجبة
** ثانيا.. رفقة المسجد صراحة من أجمل أنواع الصداقات التي يمكن أن يكونها الإنسان
تحياتي
مطر: أو هاي أطول عنوان ... روحييييييييي :]]]
ReplyDeleteنيسان: اختصرت 3/4 أو بالأحرى 4/3 حياتي/نا :]
جعفر: معك حق و الله يا جعفر، أنا إذا بخبّص لازم أمشي و إلا فلا نوم تلك الليلة :)
شكرا ً إلكم
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL
ReplyDeletehainy rai7a 5ls la t3asseb!
العبره من القصه
ReplyDeleteروح كتير ع المسجد,, عشان لو ضعت بالصحرا رح تلاقي حدن يتطلع عليك
جميله هذه القصة الواقعية
ReplyDeleteوجميل انك تترجم الكلمات الصعبة
وفقك الله للخير يا صديقى العزيز
مشّااااء
ReplyDeleteهاي جديدة
مشّاء انا سامعه فيها من قبل :)
ReplyDeleteفي حديث بالرجوع الى الدرر السنيه تبين انه
*** موضوع**** بحكي
"لا يقيم بمكة سافك دم ، ولا مشّاء بنميمة"
تشابه جديد....جورج و سَوْفَ <<<<< ما بحب التنين
السلام عليكم
ReplyDeleteعجبتني كلمة مشَاء يا كثير المشي
وان شاء الله زميلكم يلقى وظيفة افضل
الله يعوض عليه
مطر: أيوه هيك :]
ReplyDeleteأم عمر: ما حدا غيرك جابها ، :]]
راجي: شكرا ً لك، أنا كتبت بالعامّيّة فعذرا ً ، قبل فترة أرسل لي بعض الأصدقاء ما مفاده أنّ عليّ أن "أترجم" ما أكتب :) "من المغرب العربي"
جفرا + ويسبر: طبعا ً الكلمة مذكورة "كذلك" في القرآن (...همّاز مشاء بنميم) بس خلينا نعتبرها صيغة مبالغة من مشى ;) إلا إذا ويسبر عم بتلمح لإشي طبعا ً _o - O_
rationality: و عليكم السلام
شكرا ً :) و الله يعوضله خير يااا ربّ + وين حل الواجب!؟ *كسل؟* :]]]
السلام عليكم ورحمة الله وبركاته
ReplyDeleteأحلى ما في الموضوع والموضوع كله حلو ,,,,أنك تشاركنا ب.....لسه الدنيا بخير
,,,,لو تشوف بالاردن لسه الدنيا كتير كتير بخير ,,هو صح مو بخير كتير كتير زي زمان بس برضه لسه بخير كتير كتير ,,,
الله يعطيك العافيه في طريقه تانيه مو مضطر تمشي فيها لمن تخبص
يعني على طول بتحط راسك وبتنام ,,,وأول ما تحس بالمغص بلش
وراسك عم يدور وجهك بلش يصفر
بتصحي المدام من سابع نومه....مو مشكله وبتعملك كاسة ميرميه بتشربها يا بتطيب يا بتضل ممغوص وبتخليها تعملك سندويشه كمان لأنك نمت بدون عشى
كون مشّاء على رجليك
بس دير بالك هه تكون ,,,,,همّاز
مساك ورد ياسمين لك وللجميع
على كل حال سلامات
7bet el 3nwan 3fekra :)
ReplyDeletemafe a7la mn ryadet el mashii .. gr8 job
wbnsbeh llslah bl masjed 3rasi enta :)
yallah mnee7.. and lesa el donya bkhair la2eno ento tnain metgharbeen o bet7eno la ba3ad.. bs in fact its like what happened to ur friend who got fired.
ReplyDeleteits ok im negative now because im broke. was happy regardless. but now im not.
:p
خلود: اقتراحك شبه شرير :]]
ReplyDeleteهوه بصراحة المشي بعد التخبيص = المقصود منه لأني مصاب بمرض السكر -الله يعافيكم جميعا ً منه و من شر الأسقام- فما بينفع النوم ! أصلا ً لا نوم إلا إذا حرقت شوي من التخبيص :) .. الله يسلمك
مروة: عنوان شبه مبتكر ;)
بس ما يزعلوا جماعة عمو جورج :]]]]]]
الله يسعدك و يجعلنا جميعا ً من أهل الطاعة
جانو: بتلمحي لإشي؟! قرض مثلا ً :P
لأ ما حزرت .. الطفر شامل و عامّ :]]]]]]]
يسلمو على التعليق و الزيارة :)
always a pleasure
wallah
:)