Hello there! and welcOme

Ghiya Rushidat - Rouhani

5 Sept 2010

رمضان يحزم أمتعته

ها قد أوشك شهر الطاعات و مضاعفة الحسنات على الرحيل! :(

الليلة ليلة السابع و العشرين منه و المرجّح أن تكون ليلة القدر ، أدعو الله أن يبلغناها و نكسب أجر أكثر من 83 سنة من العبادة في ليلة واحدة.

فقط أحببت أن أشارككم بفكرة تتعلق بالإفطار، كنت أودّ لو كتبت هذا قبلا ً و لكن الشهر له أوّليّة قصوى :)

باختصار ما رأيكم بإفطار تقشّفيّ ٍ "واحد" فيما بقي من شهر رمضان؟

إذا استطعت أن تعمّم الفكرة على الأُسرة فبها و نعمت و إلا فوحدك.

لا ضرورة لل"شوربة" و لا ل "3-4" أنواع من السلطات
و لا لقطعة لحم "قطعة! بل هي قطع :]" و لا دجاج "أصلا ً الدجاج = لحم ;)" و لا سمك و لا أي شيء من ذاك القبيل

لا عصير و لا تمر هندي و لا قمر الدين.
و لا حلويات بعد الأكل (بس أنا راسي بوجعني إذا ما اتحلّيت!) too bad

طبعا ً الفكرة يمكن صعبة شوي
و البعض يمكن يقول "مهو حضرتك بتصومش فمو فارقة معك" :)

بس جد يا جماعة
بدي نذكّر بعض إنو فيه ناس هذا هو طبيعة أكلهم طوااااااااااااال العام
فكّر/ي بذلك و شوف هل بتصبر/ي على ذلك ليوم واحد؟ واحد فقط! و أصلا ً لوجبة واحدة و ليس ليوم كامل، أنقدر؟

و كل عام و أنتم جميعا ً بخير.

17 comments:

  1. كل عام وإنت بخير

    بالنسبه للفكره اناطبقتها من 15 رمضان
    كل شي كان يروح ع الكبب,, وهلأ مافي,, بس وجبه عاديه مع عصير ابو بدون

    ReplyDelete
  2. ما شاء الله عليك/م
    الإحساس بما يشعر به المسكين المعدم شيء رائع و إنسانيّ و هو جلّ غايات شهر رمضان

    ReplyDelete
  3. هيثم
    احنا الحمد لله طعامنا متنوع و مش شرط يكون لحم أو دجاج بشكل مستمر
    بس عندنا الوالدة الله يخليها ما بتكب أي شيء.. إما بعتمل على قدر الحاجة تماما.. و اللي بزيد بيتسخن ثاني يوم

    بس شو حكاية انك ما بتصوم؟؟

    ReplyDelete
  4. جربت اشرح لأولاد أخوي ليش حرام نتبطر على النعمه ونحكي هدا الأكل بكرهو، كانت أجوبتهم بتشبه ماري أنطوانيت، حسيت إنه ميئوس منهم..

    نحنا بنعمل فطور تقشفي بالعاده، وبنضل ناكل الأكل إلي زاد لا حتى يخلص، الناس ما معهم ياكلوا ونحنا مشان جعنا شوي بنصير نتشهون وإنبالغ بالأصناف.. أبداً مش هي الفكرة من رمضان..

    كل عام وانتو بخير...

    ReplyDelete
  5. المفروض هاي الفكرة تتطبق كل رمضان لانو هاي هي القصد من الصيام
    بس على فكرة البيت اللي في شباب صعب هالفكرة تتطبق فيه
    يمكن نحنا برمضان هادا صار اقتصاد اكتر بتنوع الاكلات
    بس الحلو
    لا صعبة كتير انا بحتج

    ReplyDelete
  6. ely min awl el shahar metqashfeh now that my mom is coming i can not promise with anything lol

    but just for the record i try not to throw leftovers away,i always leave them for my sister to throw 3shan tet7ammal heye el 5a6eiieh :S

    ReplyDelete
  7. زي ما حكت جفرا...المفروض هيك يكون كل رمضان, بس للاسف الناس بتحس انه بما انه رمضان و صوم اذا 5000 صنف لازم يكون عالسفره

    احنا و الحمد لله ما بنكب شي, ماما بتطبخ طبخات صغيره

    لكن مع بابا و اخوي, ما في مجال نطبق اقتراحك :$

    انا اساسا مش كتير عالاكل و كل شي مختصر اجمالا ...شوربة و فتوش :) لكن للاسف مش بنيّة التقشف :$
    ان شاء الله من بكره بنوي :)

    ReplyDelete
  8. جعفر
    أنا من كثر ما أنا "قطر" صار معي سكّري من 13 سنة تقريبا ً :)
    "الله يسلمك" و بعيد عنك و عن حبايبك إن شاء الله.

    الأكل على قدر الحاجة شيء عظيم فعلا ً و كثير ناس ما بيطبقوه و خصوووووصا ً برمضان.

    ReplyDelete
  9. blabbrgirl
    lol @ ماري أنطوانيت
    فاهم قصدك أنا :)

    كلماتك هي ماأردت إيصاله تماما ً

    كل عام و إنت و أهلك بخير

    *تبرعوا بأولاد أخوك :]

    ReplyDelete
  10. جفرا يا أم ال sweet tooth

    بلشت أكرهك "شوي"

    ابعدي عن الحلو ... من اليووووم

    لوول

    الشباب بتتعب و بدها "طاقة" أكثر يعني ؟ :]

    ReplyDelete
  11. rain
    إنت معذورة :]

    و ذنبك أقل من أختك ، فكرتك ممتازة :S

    ReplyDelete
  12. ويسبر

    أنا ويسبر و ما باكولش إلا فتوش
    :]

    أنا شبه-مصدّق ! أي سمعنا العمارة كلها قدمت ضدك بلاغ من كثر ما بتخطفي الأكلات
    !!

    اعترفي

    نية التقشف و الله منيحة ، جد do it

    ReplyDelete
  13. هيثم.. سلامتك أخي العزيز.. أسأل الله العظيم رب العرش العظيم أن يشفيك

    ReplyDelete
  14. ما انا بالبيت ما باكل غير شوربة و فتوش..و الباقي طبيعي اكله من الجيران :)

    ReplyDelete
  15. الله يسلمك يا جعفر (ترا أنا اسم العيلة جعفر) :]

    ReplyDelete
  16. This comment has been removed by the author.

    ReplyDelete
  17. ويسبر

    مش طبيعي شو طبيعي!
    :]

    ReplyDelete